1 Ebyomumirembe 6

¹Batabani ba Leevi; Gerusoni, Kokasi, ne Merali.

²Ne batabani ba Kokasi; AmuIaamu, Izukali, ne Kebbulooni, ne Wuziyeeri.

³N'abaana ba Amulaamu; Alooni ne Musa ne Miryamu. Ne batabani ba Alooni; Nadabu ne Abiku, Eriyazaali ne Isamaali.

⁴Eriyazaali n'azaala Finekaasi, Finekaasi n'azaala Abisuwa;

⁵Abisuwa n'azaala Bukki, Bukki n'azaala Uzzi;

⁶Uzzi n'azaala Zerakiya, Zerakiya n'azaala Merayoosi;

⁷Merayoosi n'azaala Amaliya, Amaliya n'azaala Akitubu;

⁸Akitubu n'azaala Zadooki, Zadooki n'azaala Akimaazi;

⁹Akimaazi n'azaala Azaliya, Azaliya n'azaala Yokanani;

¹⁰Yokanani n'azaala Azaliya, (oyo ye yakolanga omulimu ogw'obwakabona mu nnyumba Sulemaani gye yazimba mu Yerusaalemi):

¹¹Azaliya n'azaala Amaliya, Amaliya n'azaala Akitubu;

¹²Akitubu n'azaala Zadooki, Zadooki n'azaala Sallumu;

¹³Sallumu n'azaala Kirukiya, Kirukiya n'azaala Azaliya;

¹⁴Azaliya n'azaala Seraya, Seraya n'azaala Yekozadaki;

¹⁵Yekozadaki n'atwalibwa nga musibe, Mukama bwe yatwalira ddala Yuda ne Yerusaalemi n'omukono gwa Nebukadduneeza.

¹⁶Batabani ba Leevi; Gerusomu, Kokasi, ne Merali.

¹⁷Era gano ge mannya ga batabani ba Gerusomu; Libuni ne Simeeyi.

¹⁸Ne batabani ba Kokasi ye Amulaamu ne Izukali ne Kebulooni ne Wuziyeeri.

¹⁹Batabani ba Merali; Makuli ne Musi. Era ebyo bye bika by'Abaleevi ng'enda za bajjajjaabwe bwe zaali.

²⁰Abaava ku Gerusomu; Libuni mutabani we, Yakasi mutabani we, Zimma mutabani we:

²¹Yowa mutabani we, Iddo mutabani we, Zeera mutabani we, Yeaserayi mutabani we.

²²Batabani ba Kokasi; Amminadaabu mutabani we, Koola mutabani we, Assiri mutabani we;

²³Erukaana Emutabani we, ne Ebiyasaafu mutabani we, ne Assiri mutabani we;

²⁴Takasi mutabani we, Uliyeri mutabani we, Uzziya mutabani we, ne Sawuli mutabani we.

²⁵Ne batabani ba Erukaana; Amasayi, ne Akimosi.

²⁶N'ebya Erukaana: batabani ba Erukaana; Zofayi mutabani we, ne Nakasi mutabani we;

²⁷Eriyaabu mutabani we, Yerokamu mutabani we, Erukaana mutabani we.

²⁸Ne batabani ba Samwiri; omubereberye Yoweeri, n'ow'okubiri Abiya.

²⁹Batabani ba Merali; Makuli, Libuni mutabani we, Simeeyi mutabani we, Uzza mutabani we;

³⁰Simeeya mutabani we, Kaggiya mutabani we, Asaya mutabani we.

³¹Era Dawudi be yafuula abakulu b'omulimu ogw'okutimba mu nnyumba ya Mukama, essanduuko ng'emaze okuwummula, be bano.

³²Ne baweereza n'ennyimba mu maaso g'ennyumba ey'eweema ey'okusisinkanirangamu okutuusa Sulemaani lwe yamala okuzimba ennyumba ya Mukama mu Yerusaalemi: ne beesibira omulimu gwabwe ng'ebisanja byabwe bwe byali.

³³Era bano be beesibiranga ne batabani baabwe. Ku batabani b'Abakokasi: Kemani omuyimbi, mutabani wa Yoweeri, mutabani wa Samwiri;

³⁴mutabani wa Erukaana, mutabani wa Yerokamu, mutabani wa Eriyeri, mutabani wa Toowa;

³⁵mutabani wa Zufu, mutabani wa Erukaana, mutabani wa Makasi, mutabani wa Amasayi;

³⁶mutabani wa Erukaana, mutabani wa Yoweeri, mutabani wa Azaliya, mutabani wa Zeffaniya;

³⁷mutabani wa Takasi, mutabani wa Assiri, mutabani wa Ebiyasaafu, mutabani wa Koola;

³⁸mutabani wa Izukali, mutabani wa Kokasi, mutabani wa Leevi, mutabani wa Isiraeri.

³⁹Ne muganda we Asafu, eyayimiriranga ku mukono gwe ogwa ddyo, Asafu mutabani wa Berekiya, mutabani wa Simeeya;

⁴⁰mutabani wa Mikayiri, mutabani wa Baaseya, mutabani wa Malukiya;

⁴¹mutabani wa Esuni, mutabani wa Zeera, mutabani wa Adaaya;

⁴²mutabani wa Esani, mutabani wa Zimma, mutabani wa Simeeyi;

⁴³mutabani wa Yakasi, mutabani wa Gerusomu, mutabani wa Leevi.

⁴⁴Ne ku mukono gwabwe ogwa kkono baganda baabwe batabani ba Merali: Esani mutabani wa Kiisi, mutabani wa Abudi, mutabani wa Malluki;

⁴⁵mutabani wa Kasukabiya, mutabani wa Amaziya, mutabani wa Kirukiya;

⁴⁶mutabani wa Amuzi, mutabani wa Bani, mutabani wa Semeri;

⁴⁷mutabani wa Makuli, mutabani wa Musi, mutabani wa Merali, mutabani wa Leevi.

⁴⁸Ne baganda baabwe Abaleevi ne bateekerwawo okuweereza kwonna okw'omu weema ey'ennyumba ya Katonda.

⁴⁹Naye Alooni ne batabani be, ne baweerangayo ku kyoto ebiweebwayo ebyokebwa ne ku kyoto eky'okwoterezangako obubaane, olw'omulimu gwonna ogw'omu kifo ekitukuvu ennyo, n'okutangiriranga Isiraeri, nga byonna bwe biri Musa omuddu wa Katonda bye yalagira.

⁵⁰Era bano be batabani ba Alooni; Eriyazaali mutabani we, Finekaasi mutabani we, Abisuwa mutabani we;

⁵¹Bukki mutabani we, Uzzi mutabani we, Zerakiya mutabani we;

⁵²Merayoosi mutabani we, Amaliya mutabani we, Akitubu mutabani we;

⁵³Zadooki mutabani we, Akimaazi mutabani we.

⁵⁴Era bino bye bifo byabwe eby'okubeeramu, ng'ensiisira zaabwe bwe zaali mu nsalo zaabwe: ne bawa batabani ba Alooni, ab'oku nda z'Abakokasi, kubanga abo akalulu be kaasooka okugwiira,

⁵⁵abo ne babawa Kebbulooni mu nsi ya Yuda, n'ebyalo byakyo ebikyetoolodde:

⁵⁶naye ennimiro ez'oku kibuga n'ebyalo byako, ne babiwa Kalebu mutabani wa Yefune.

⁵⁷Ne batabani ba Alooni ne babawa ebibuga eby'okuddukiramu, Kebbulooni; era ne Libuna n'ebyalo byako, ne Yattiri, ne Esutemoa n'ebyalo byako;

⁵⁸ne Kireni n'ebyalo byako, Debiri n'ebyalo byako

⁵⁹ne Asani n'ebyalo byako, ne Besusemesi n'ebyalo byako;

⁶⁰n'ebyaggibwa ku kika kya Benyamini; Geba n'ebyalo byako, ne Allemesi n'ebyalo byako, ne Anasosi n'ebyalo byako. Ebibuga byabwe byonna okubuna enda zaabwe zonna byali ebibuga kkumi na bisatu.

⁶¹Ne batabani ba Kokasi abalala ne baweebwa n'obululu ebibuga kkumi ebyaggibwa ku nda y'ekika, ku kitundu ky'ekika, ekitundu kya Manase.

⁶²Ne batabani ba Gerusomu ng'enda zaabwe bwe zaali ne baweebwa ebibuga kkumi na bisatu, ebyaggibwa ku kika kya Isakaali ne ku kika kya Aseri ne ku kika kya Nafutaali ne ku kika kya Manase mu Basani.

⁶³Batabani ba Merali ne baweebwa n'obululu ng'enda zaabwe bwe zaali ebibuga kkumi na bibiri, ebyaggibwa ku kika kya Lewubeeni ne ku kika kya Gaadi ne ku kika kya Zebbulooni.

⁶⁴Abaana ba Isiraeri ne bawa Abaleevi ebibuga n'ebyalo byabyo.

⁶⁵Ne bawa n'obululu ebibuga ebyaggibwa ku kika ky'abaana ba Yuda ne ku kika ky'abaana ba Simyoni ne ku kika ky'abaana ba Benyamini, biibino ebyatuddwa amannya gaabyo.

⁶⁶Era enda ezimu ez'oku batabani ba Kokasi baalina ebibuga eby'oku nsalo zaabwe ebyaggibwa ku kika kya Efulayimu.

⁶⁷Ne babawa ebibuga eby'okuddukiramu, Sekemu mu nsi ey'ensozi eya Efulayimu n'ebyalo byako: ne Gezeri n'ebyalo byako;

⁶⁸ne Yokumyamu n'ebyalo byako, ne Besukolooni n'ebyalo byako;

⁶⁹ne Ayalooni n'ebyalo byako, ne Gasulimmoni n'ebyalo byako:

⁷⁰n'ebyaggibwa ku kitundu ky'ekika kya Manase; Aneri n'ebyalo byako, ne Biryamu n'ebyalo byako, okuba eby'abo abasigaddewo ku nda ya batabani ba Kokasi.

⁷¹Batabani ba Gerusomu ne baweebwa ebyaggibwa ku nda y'ekitundu ky'ekika kya Manase, Golani mu Basani n'ebyalo byako, ne Asutaloosi n'ebyalo byako:

⁷²n'ebyaggibwa ku kika kya Isakaali; Kedesi n'ebyalo byako, Daberasi n'ebyalo byako,

⁷³ne Lamosi n'ebyalo byako, ne Anemu n'ebyalo byako:

⁷⁴ne ku kika kya Aseri; Masali n'ebyalo byako, ne Abudoni n'ebyalo byako;

⁷⁵ne Kukoki n'ebyalo byako, ne Lekobu n'ebyalo byako:

⁷⁶ne ku kika kya Nafutaali; Kedesi eky'omu Ggaliraaya n'ebyalo byako, ne Kammoni n'ebyalo byako, ne Kiriyasayimu n'ebyalo byako.

⁷⁷N'Abaleevi abasigaddewo, batabani ba Merali, ne baweebwa ebyaggibwa ku kika kya Zebbulooni, Limmono n'ebyalo byako, Taboli n'ebyalo byako:

⁷⁸era emitala wa Yoludaani e Yeriko, ku luuyi lwa Yoludaani olw'ebuvanjuba, ne baweebwa ebyaggibwa ku kika kya Lewubeeni, Bezeri ekiri mu ddungu n'ebyalo byako, ne Yaza n'ebyalo byako,

⁷⁹ne Kedemosi n'ebyalo byako, ne Mefaasi n'ebyalo byako:

⁸⁰n'ebyaggibwa ku kika kya Gaadi; Lamosi ekiri mu Gireyaadi n'ebyalo byako, ne Makanayimu n'ebyalo byako,

⁸¹ne Kesuboni n'ebyalo byako, ne Yazeri n'ebyalo byako.