Zabbuli 148

¹Mumutendereze Mukama Mumutendereze Mukama, mmwe abayima mu ggulu: Mumutendereze mu bifo ebya waggulu.

²Mumutendereze, mmwe bamalayika be bonna: Mumutendereze, mmwe eggye lye lyonna.

³Mumutendereze, mmwe enjuba n'omwezi: Mumutendereze, mmwe emmunyeenye zonna ezaaka.

⁴Mumutendereze, mmwe eggulu ly'eggulu, Nammwe amazzi agali waggulu w'eggulu.

⁵Bitendereze erinnya lya Mukama: Kubanga yalagira, ne bitondebwa.

⁶Era yabinyweza okutuusa emirembe n'emirembe: Yateeka etteeka eritaridiba.

⁷Mumutendereze Mukama, mmwe abali mu nsi, Mmwe balukwata, n'ebifo byonna eby'obuziba:

⁸Omuliro n'omuzira, serugi n'omukka: Omuyaga ogutuukiriza ekigambo kye:

⁹Ensozi n'obusozi bwonna; Emiti egibala n'emivule gyonna:

¹⁰Ensolo n'ente zonna; Ebyewalula n'ennyonyi ezibuuka:

¹¹Bakabaka b'ensi n'amawanga gonna; Abalangira n'abalamuzi bonna ab'ensi:

¹²Abavubuka n'abawala; Abakadde n'abato:

¹³Batendereze erinnya lya Mukama; Kubanga erinnya lye yekka lye ligulumizibwa: Ekitiibwa kye kiri kungulu ku nsi ne ku ggulu.

¹⁴Era agulumizizza ejjembe ery'abantu be, Ettendo eryabatukuvu be bonna; Be baana ba Isiraeri, abantu abamuli okumpi: Mumutendereze Mukama.