Zabbuli 47

¹Mukale mukube mu ngalo, mmwe amawanga gonna; Mwogerere waggulu eri Katonda n'eddoboozi ery'okuwangula.

²Kubanga Mukama ali waggulu ennyo wa ntiisa: Ye kabaka omukulu: afuga ensi zonna.

³Alijeemula abantu ne tubafuga, N'amawanga aligassa wansi w'ebigere byaffe.

⁴Alitulondera obusika bwaffe, Okuwooma kwa Yakobo gwe yayagala. (Seera)

⁵Katonda alinnye n'okwogerera waggulu, Mukama alinnye n'eddoboozi ery'akagombe.

⁶Muyimbe okutendereza Katonda, muyimbe okumutendereza; Muyimbe okutendereza Kabaka waffe, muyimbe okumutendereza:

⁷Kubanga Katonda ye Kabaka w'ensi zonna: Muyimbe okumutendereza n'amagezi.

⁸Katonda afuga amawanga: Katonda atuula ku ntebe ye entukuvu.

⁹Abalangira ab'amawanga bakuŋŋaanye. Okubeera abantu ba Katonda wa Ibulayimu: Kubanga engabo ez'ensi za Katonda; Agulumizibwa nnyo.