Иов 22

¹Дараа нь теман хүн Елифаз хариулж,—

²Хүн Бурханд ашиглагдахаар байж чадах уу?Эсвэл мэргэн хүн өөртөө ашигтай байж чадах уу?

³Чи шударга байдаг гээд Төгс Хүчит Нэгэнд ямар нэгэн таалал өгөх үү?Эсвэл чи өөрийн замаа төгс болгодог гээд Түүнд ашиг өгөх үү?

⁴Чиний хүндлэлээс болж Тэрээр чамайг зэмлэж,чиний эсрэг шүүлт явуулдаг юм гэж үү?

⁵Чиний хар санаа үлэмж их,чиний гэм буруу төгсөшгүй бус уу?

⁶Учир нь чи ах дүүсээсээ шалтгаангүйгээр барьцаа авч,хүмүүсийг нүцгэлсэн билээ.

⁷Ядарсан хүнд чи уух ус өгөхгүй,өлссөн хүнээс талх харамласан.

⁸Гэвч газар дэлхий хүчит хүнд харьяалагддаг бөгөөдалдар хүндтэй хүн энд оршин суудаг.

⁹Чи бэлэвсэн эмэгтэйчүүдийг хоосон буцаасан бөгөөдөнчин хүүхдүүдийн хүч няцсан билээ.

¹⁰Тиймээс урхиуд чамайг хүрээлж,гэнэтийн аймшиг чамайг түгшээдэг нь,

¹¹өө харанхуй, чи харж чадахгүй болохын тулд бөгөөдарвин их ус чамайг нөмөрдөг билээ.

¹²Бурхан тэнгэрийн өндөрт байгаа бус уу?Алсын одод уруу хар, тэд ямар өндөр юм бэ!

¹³Чи “Бурхан юу мэддэг билээ?Тэрээр гүн харанхуйг нэвтлэн шүүж чадах уу?

¹⁴Үүлс Түүний нуугдах газар тул Тэрээр харж чаддаггүй.Тэрээр тэнгэрийн тойрогт алхдаг” гэдэг.

¹⁵Хорон муу хүмүүсийн явж өнгөрсөн эртний жимээр чи дагах уу?

¹⁶Тэд цагаасаа өмнө авагдаж,тэдний сууриуд гол мөрнөөр угаагдаж устсан.

¹⁷Тэд Бурханд “Биднээс холд!”,мөн “Төгс Хүчит Нэгэн тэдэнд юу хийж чадах юм бэ?” гэж хэлсэн.

¹⁸Гэсэн хэдий ч Тэрээр тэдний гэрүүдийг сайнаар дүүргэсэн билээ.Харин хорон муу хүмүүсийн зөвлөгөө надаас хол байдаг.

¹⁹Зөв шударга хүмүүс хараад,баярладаг бөгөөд гэмгүй хүмүүс тэднийг тохуурхаж,

²⁰“Бидний өстнүүд үнэхээр таслагдаж,тэдний дүүрэн юмсыг гал шатаав» гэцгээдэг.

²¹Одоо Түүнийг таньж, Түүнтэй эвтэй байгтун.Ийм л замаар чамд сайн нь ирэх болно.

²²Түүний амнаас зааврыг хүлээн авч,Түүний үгсийг зүрхэндээ үндэслүүлээч.

²³Хэрэв чи Төгс Хүчит Нэгэн уруу эргэвэл, чи дахин сэргэнэ.Хэрэв чи шударга бус байдлыг хол зайлуулаад,

²⁴алтыг шороонд булж,Офирын алтыг горхинуудын чулуудын дунд орхих аваас,

²⁵тэгвэл Төгс Хүчит Нэгэн чиний алт болон шилмэл мөнгө болох болно.

²⁶Учир нь тэгэх аваас чи Төгс Хүчит Нэгэний таалалд оршиж,нүүрээ Бурхан уруу өргөх болно.

²⁷Чи Түүнд залбирах бөгөөдТэрээр чамайг сонсох болно.Чи тангаргуудаа ч биелүүлэх болно.

²⁸Чи бас нэг юмыг санах бөгөөдтэр нь чиний төлөө бүтэмжтэй байх болно.Чиний зам дээр гэрэл гийх болно.

²⁹Тэд чамайг дорд болгоход чи итгэлтэйгээр ярих болно.Тэрээр даруу хүнийг аврах болно.

³⁰Тэрээр гэмгүйг аврах бөгөөдтэр хүн чиний цэвэр гараар дамжуулан аврагдах болно гэв.