Иов 23

¹Тэгэхэд Иов хариулан—

²Өнөөдөр ч гэсэн миний гомдол тэрслүү байна.Ёолохыг минь харгалзахгүйгээр Түүний мутар хүнд байна.

³Би Түүний сэнтийд очихын тулд Түүнийг хаанаас олж болохыг би мэддэг ч болоосой!

⁴Би Түүний өмнө хэргийг танилцуулж,өөрийн амаа өмгөөллүүдээр дүүргэхсэн.

⁵Түүний хариулах байсан үгсийг би сурч,Түүний надад айлдахыг сонсохсон.

⁶Тэрээр хүч чадлын агуу байдлаараа надтай тэмцэлдэх байсан уу?Үгүй, Тэрээр заавал надад анхаарал тавихсан.

⁷Тэгвэл шударга хэн боловч Түүнтэй мэтгэлцэхсэн.Би ч өөрийн Шүүгчээс мөнхөд чөлөөлөгдөхсөн.

⁸Үзэгтүн, би урагш явдаг боловч Тэр алга,хойш явавч би Түүнийг олж чаддаггүй.

⁹Тэрээр зүүн талд ажиллахад би үзэж чаддаггүй.Тэрээр баруун тал уруу эргэхэд би Түүнийг харж чаддаггүй.

¹⁰Гэвч Тэр миний замыг мэддэг.Тэр намайг шалгасан бөгөөд би алт мэт урагш гарч ирнэ.

¹¹Түүний замаар хөл минь бат замнажБи Түүний замыг сахиж, хажуу тийш хазайсангүй.

¹²Би Түүний уруулын тушаалаас холдоогүй.Би Түүний амнаас гардаг үгсийгөөрт минь хэрэгтэй хоолноос ч илүүгээр нандигнасан.

¹³Гэвч Тэрээр хосгүй бөгөөдхэн Түүнийг эргүүлж чадах вэ?Сэтгэлдээ хүссэнээ Тэрээр үйлддэг билээ.

¹⁴Надад товлогдсныг Тэр хэрэгжүүлдэг бөгөөдүүнтэй адил Түүнд олноороо бий.

¹⁵Тийм учраас би Түүний өмнө түгших байсан.Эргэцүүлэн бодоод Би Түүнээс айж байдаг билээ.

¹⁶Бурхан зүрхийг минь доройтуулсан бөгөөдТөгс Хүчит Нэгэн намайг түгшээсэн билээ.

¹⁷Гэсэн ч харанхуйд ч,намайг нөмөрдөг гүн харанхуйд ч би дуугүй байхгүй.