Дуулал 72

¹Бурхан, Өөрийн шүүлтийг хаанд,Өөрийн зөв шударгыг хааны хүүд өгөөч.

²Тэр Таны хүмүүсийг зөв шударгаар,Таны үгээгүйчүүдийг шударга ёсоор шүүх болтугай.

³Уулс ба толгод ч зөв шударгаарХүмүүст амар тайвныг авчраг.

⁴Тэрээр ард түмний зүдрэгсдийг зөвтгөн,Гачигдагсдын хүүхдү��дийг аварчДарлагчийг сөнөөх болтугай.

⁵Тэд нарыг болон сарыг байхад, үеийн үед Танаас эмээг.

⁶Тэрээр хатсан өвсөн дээр бороо шиг,Газар хөрсийг усалдаг ширүүн бороо шиг бууж ирэх болтугай.

⁷Түүний өдрүүдэд зөв шударга хүн цэцэглэг.Сарыг үгүй болтол амар тайван ч арвин ихээр байг.

⁸Тэрээр далайгаас далай хүртэл,Мөрнөөс газрын хязгаар хүртэл захирах болтугай.

⁹Цөлийн нүүдэлчид түүний өмнө бөхийж,Түүний дайснууд тоос шороог долоох болтугай.

¹⁰Таршиш болон арлуудын хаад алба гувчуурыг авчраг.Шеба болон Себагийн хаад бэлэг барих болтугай.

¹¹Бүх хаад түүний өмнө сөгдөж,Бүх үндэстнүүд түүнд зарагдах болтугай.

¹²Тэрээр гачигдагчийг тусламж гуйн хашхирахад нь,Мөн дарлагдагчийг болон туслагчгүй нэгнийг ч бас аварна.

¹³Тэрээр ядуус ба гачигдагсдыг өршөөх бөгөөдГачигдагсдын амийг аврах болно.

¹⁴Тэр тэдний амийг дарамт ба хүчирхийллээс аврах бөгөөдТэдний цус түүний нүдэнд үнэтэй байх болно.

¹⁵Тиймээс тэр амьд байж, Шебагийн алт түүнд өгөгдөх болтугай.Тэд түүний төлөө үргэлж залбирах болтугай.Тэд түүнийг өдөржин ерөөх болтугай.

¹⁶Уулсын оргил дээрх газарт үр тариа элбэг дэлбэг байх болтугай.Түүний үр жимс Ливаны хуш шиг найгана.Хотод суугчид газрын ургамал мэт урган цэцэглэх болтугай.

¹⁷Түүний нэр мөнхөд байх болтугай.Түүний нэр нар гэрэлтэх мэт өсөх болтугай.Хүмүүсийг түүгээр ерөөлгөөч.Бүх үндэстнүүд түүнийг ерөөгдсөн гэж дуудагтун.

¹⁸Ганцаараа гайхамшгуудыг үйлддэгИзраилийн Бурхан, ЭЗЭН Бурхан магтагдах болтугай.

¹⁹Түүний сүр жавхлант нэр мөнхөд магтагдах болтугай.Бүх дэлхий Түүний алдраар дүүртүгэй.Амен, Амен.