Дуулал 73

¹Үнэхээр Бурхан Израильд,Зүрх нь цэвэр хүмүүст сайн билээ.

²Харин миний хувьд би бараг хөл алдаж,Бараг хальтрах шахлаа.

³Учир нь би хорон муу хүний амжилтыг харанСайрхагчид атаархсан.

⁴Учир нь тэд үхэх цагтаа өвчингүй байдаг бөгөөдТэдний бие нь тарган юм.

⁵Тэд бусад хүмүүс шиг зовлонгүй,Хүн төрөлхтөн шиг ч гай гамшиггүй.

⁶Тиймээс бардамнал нь тэдний хүзүүний зүүлт болдог.Хүчирхийллийн хувцас тэднийг нөмөрдөг.

⁷Таргалснаас болж нүд нь бүлтэрчээ.Тэдний зүрхний төсөөллүүд хүслээс нь илүү.

⁸Тэд элэглэж, дарангуйллын талаар хорсолтойгоор ярьдаг.Тэд ихэмсгээр ярьдаг.

⁹Тэд амаараа тэнгэрүүдийг эсэргүүцэж,Тэдний хэл газар дэлхийгээр жагсан алхаж байна.

¹⁰Тиймээс түүний хүмүүс энэ газар уруу эргэн ирж,Бялхам их усыг уудаг.

¹¹Тэд “Бурхан яаж мэддэг юм бэ?Хамгийн Дээд Нэгэнд мэдлэг байдаг уу?” гэдэг.

¹²Харагтун, эдгээр нь хорон муу хүмүүс юм.Үргэлж тайвширсан байж тэд эд хөрөнгөө арвижуулсан билээ.

¹³Үнэндээ би дэмий л зүрхээ цэвэр байлгаж,Гараа гэмгүй байдал дотор угаалаа.

¹⁴Учир нь би өдөржин сахилгажуулагдаж,Өглөө бүр гэсгээл хүртдэг байжээ.

¹⁵Хэрвээ би “Би ингэж ярина” гэсэн бол,Харагтун, би Таны хүүхдүүдийн үе удмаас урвах байсан.

¹⁶Үүнийг ойлгохоор бодох үед миньНадад маш төвөгтэй байсан бөгөөд

¹⁷Энэ нь намайг Бурханы ариун газарт орох үе хүртэл үргэлжлэв.Тэгэхэд л би тэдний эцсийг ухаарсан.

¹⁸Үнэндээ Та тэднийг хальтиргаатай газар байлгасан юм.Та тэднийг мөхөл уруу хаясан.

¹⁹Тэд хоромхон зуур ингэж сүйрэх гэж!Тэд гэнэтийн аймшгаар бүрмөсөн сүйтгэгдсэн билээ!

²⁰ЭЗЭН, хүн зүүднээсээ сэрдэг шигТа тэднийг сэрээн, дүр төрхийг нь ч үл ойшооно.

²¹Миний зүрх сэтгэл гашуудахадБи дотроо цоо хатгагдан

²²Мэдрэмжгүй, хайхрамжгүй байв.Би Таны өмнө адгуус амьтан шиг л байсан.

²³Гэсэн ч би үргэлж Тантай хамт байна.Та баруун гараас минь барьсан юм.

²⁴Та намайг Өөрийн зөвлөгөөгөөр удирдаж,Хожим намайг сүр жавхланд угтан авна.

²⁵Тэнгэрт Танаас гадна надад хэн байгаа вэ?Танаас өөр юуг ч газар дээр би хүсдэггүй.

²⁶Махан бие ба зүрх минь үгүй болж болно,Харин Бурхан бол мөнхөд зүрхний минь хүч болон миний хувь юм.

²⁷Учир нь харагтун, Танаас хол буй хүмүүс сөнөх болно.Танд итгэлгүй бүгдийг Та устгасан билээ.

²⁸Харин Бурханд ойр байх нь надад сайн.Таны бүх үйлсийг тунхаглахын тулдБи БУРХАН Эзэнийг өөрийн хоргодох газар болгосон.