Psalms 124

¹Da a ce Ubangiji ba ya tare da mu,Da me zai faru?Ba da amsa, ya Isra'ila!

²“Da a ce Ubangiji ba ya tare da mu,A lokacin da abokan gābanmu suka auka mana,

³Da sun haɗiye mu da rai a lokacin nan,Saboda zafin fushi da suke yi da mu,

⁴Da rigyawa ta kwashe mu,Da ruwa yi ci mu,

⁵Kwararowar ruwa ya nutsar da mu.”

⁶Sai mu gode wa Ubangiji,Da bai bar abokan gābanmu su hallaka mu ba.

⁷Mun kuɓuta kamar tsuntsu daga tarkon mai farauta,Tarkon ya tsinke, mun 'yantu!

⁸Taimakonmu daga wurin Ubangiji yake zuwa,Shi wanda ya yi sama da duniya.