Psalms 136

¹Ku gode wa Ubangiji domin shi mai alheri ne,Gama ƙaunarsa madawwamiya ce.

²Ku gode wa Allahn da ya fi dukan alloli girma,Gama ƙaunarsa madawwamiya ce.

³Ku gode wa Ubangijin dukan iyayengiji,Gama ƙaunarsa madawwamiya ce.

⁴Shi kaɗai ne yake aikata mu'ujizai masu girma,Gama ƙaunarsa madawwamiya ce.

⁵Ta wurin hikimarsa ya halicci sammai,Gama ƙaunarsa madawwamiya ce.

⁶Ya kafa duniya a bisa kan ruwa mai zurfi,Gama ƙaunarsa madawwamiya ce.

⁷Shi ne ya halicci rana da wata,Gama ƙaunarsa madawwamiya ce,

⁸Rana don ta yi mulkin yini,Gama ƙaunarsa madawwamiya ce,

⁹Wata da taurari kuwa don su yi mulkin dare,Gama ƙaunarsa madawwamiya ce.

¹⁰Shi ya karkashe 'ya'yan fari maza, na Masarawa,Gama ƙaunarsa madawwamiya ce.

¹¹Shi ya fito da jama'ar Isra'ila daga cikin Masar,Gama ƙaunarsa madawwamiya ce.

¹²Da ƙarfinsa da ikonsa ya fito da su,Gama ƙaunarsa madawwamiya ce.

¹³Shi ne ya keta Bahar Maliya biyu,Gama ƙaunarsa madawwamiya ce.

¹⁴Shi ya bi da jama'arsa ta cikin tekun,Gama ƙaunarsa madawwamiya ce.

¹⁵Shi ne ya sa ruwa ya ci Fir'auna da rundunarsa,Gama ƙaunarsa madawwamiya ce.

¹⁶Ya bi da jama'arsa cikin hamada,Gama ƙaunarsa madawwamiya ce.

¹⁷Ya karkashe sarakuna masu iko,Gama ƙaunarsa madawwamiya ce.

¹⁸Ya karkashe shahararrun sarakuna,Gama ƙaunarsa madawwamiya ce.

¹⁹Ya kashe Sihon, Sarkin Amoriyawa,Gama ƙaunarsa madawwamiya ce.

²⁰Ya kashe Og, Sarkin Bashan,Gama ƙaunarsa madawwamiya ce.

²¹Ya ba da ƙasarsu ga jama'arsa,Gama ƙaunarsa madawwamiya ce.

²²Ya ba da ita ga bawansa Isra'ila,Gama ƙaunarsa madawwamiya ce.

²³Bai manta da mu sa'ad da aka yi nasara da mu ba,Gama ƙaunarsa madawwamiyar ce.

²⁴Ya 'yantar da mu daga abokan gābanmu,Gama ƙaunarsa madawwamiya ce.

²⁵Yana ba da abinci ga dukan mutane da dabbobi,Gama ƙaunarsa madawwamiya ce.

²⁶Ku yi wa Allah sa Sama godiya,Gama ƙaunarsa madawwamiyar ce.