Psalms 2

¹Don me al'ummai suke shirin tayarwa?Don me waɗannan mutane suke ƙulla shawarwarin banza?

²Sarakunan duniya sun yi tayarwa,Masu mulkinsu suna shirya maƙarƙashiya tare,Gāba da Ubangiji da zaɓaɓɓen sarkinsa.

³Suna cewa, “Bari mu 'yantar da kanmu daga mulkinsu,Bari mu fice daga ƙarƙashinsu!”

⁴Ubangiji ya yi dariya daga kan kursiyinsa can Sama,Ya mai da su abin dariya.

⁵Ya yi musu magana da fushi,Ya razanar da su da hasalarsa,

⁶Ya ce, “A bisa Sihiyona, dutsena tsattsarka,Na naɗa sarkina.”

⁷Sarkin ya ce, “Zan yi shelar abin da Ubangiji ya hurta.Ubangiji ya ce mini, ‘Kai ɗana ne,Yau ne na zama mahaifinka.

⁸Ka yi roƙo, zan kuwa ba ka dukan al'ummai,Dukan duniya kuma za ta zama taka.

⁹Za ka mallake su da sandan ƙarfe,Za ka farfashe su kamar tukunyar yumɓu.’ ”

¹⁰Yanzu ku kasa kunne gare ni, ku sarakuna,Ku mai da hankali, ku mahukunta!

¹¹Ku bauta wa Ubangiji da tsoro,Ku yi rawar jiki, ku rusuna masa,

¹²Ku yi mubaya'a da Ɗan,Idan kuwa ba haka ba zai yi fushi da ku, za ku kuwa mutu,Gama yakan yi fushi da sauri.Albarka ta tabbata ga dukan masu zuwa gare shi neman mafaka!