Psalms 79

¹Ya Allah, arna sun fāɗa wa ƙasar jama'arka!Sun ƙazantar da Haikalinka tsattsarka,Sun bar Urushalima kufai.

²Suka bar wa tsuntsaye gawawwakin jama'arka su ci,Suka bar wa namomin jeji gawawwakin bayinka.

³Suka zubar da jinin jama'arka kamar ruwa,Jini ya yi ta gudu kamar ruwaKo'ina a Urushalima,Ba ma wanda ya ragu don yă binne gawawwaki.

⁴Sauran al'ummar da take kewaye da mu,Suka maishe mu abin ba'a, suka yi mana dariya,Suka yi mana ba'a.

⁵Har yaushe za ka yi ta fushi da mu, ya Ubangiji?Har abada ne?Kullum ne fushinka zai yi ta ci kamar wuta?

⁶Ka yi fushi da al'umman da ba su yi maka sujada,Ka yi fushi da jama'ar da suka ƙi ka!

⁷Sun karkashe mutanenmu,Sun kuwa lalatar da ƙasarmu.

⁸Kada ka hukunta mu saboda zunuban kakanninmu,Amma ka yi mana jinƙai yanzu,Gama mun fid da zuciya sarai.

⁹Ka taimake mu, ya Allah Mai Cetonmu,Saboda girmanka.Ka cece mu, ka gafarta mana zunubanmu,Don mutane su yabe ka.

¹⁰Don me al'ummai za su tambaye mu cewa,“Ina Allahnku?”Bari mu ga ka hukunta al'ummaiSaboda sun zubar da jinin bayinka!

¹¹Ka kasa kunne ga nishin 'yan sarƙa,Ka kuɓutar da waɗanda aka yanke musu hukuncin kisa,Ta wurin ikonka mai girma.

¹²Ya Ubangiji, ka rama wa al'umman nan har sau bakwai,Saboda tsiwace-tsiwacen da suka yi maka.

¹³Mu waɗanda muke jama'arka, tumakin garkenka,Za mu gode maka, mu yabe ka har abada.