Psalms 92

¹Abu mai kyau ne a yi wa Ubangiji godiya,A raira waƙa don girmansa, Allah mafi ɗaukaka,

²A yi shelar madawwamiyar ƙaunarka kowace safiya,Amincinka kuma kowane maraice,

³Da abubuwan kaɗe-kaɗe masu tsarkiya,Da amon garaya mai daɗi.

⁴Ya Ubangiji,Ayyukanka masu iko suna sa ni murna,Saboda abin da ka aikataIna raira waƙa domin farin ciki.

⁵Ayyukanka da girma suke, ya Ubangiji!Tunaninka da zurfi suke!

⁶Ga wani abin da wawa ba zai iya sani ba,Dakiki kuma ba zai iya ganewa ba,

⁷Shi ne mai yiwuwa ne mugu ya yi girma kamar tsire-tsire,Masu aikata mugayen ayyuka kuma su arzuta,Duk da haka za a hallaka su ɗungum.

⁸Gama kai, ya Ubangiji,Maɗaukaki ne har abada.

⁹Mun sani maƙiyanka za su mutu,Dukan mugaye kuwa za a yi nasara da su.

¹⁰Ka sa ni na yi ƙarfi kamar bijimi mai faɗa,Ka sa mini albarka da farin ciki.

¹¹Na ga fāɗuwar maƙiyana,Na ji kukan mugaye.

¹²Adalai za su yi yabanyaKamar itatuwan giginya,Za su yi girma kamar itatuwan al'ul na Lebanon.

¹³Za su zama kamar itatuwan da aka daddasa a Haikalin Ubangiji,Suna ta yabanya a Haikalin Allahnmu.

¹⁴Waɗanda suke yin 'ya'ya da tsufansu,A kullum kuwa kore shar suke,Suna da ƙarfinsu kuma.

¹⁵Wannan ya nuna Ubangiji adali ne,Shi wanda yake kāre ni,Ba kuskure a gare shi.