1 Chronicles 24

¹Na rĩrĩ, matuanĩra ma ariũ a Haruni maatariĩ ũũ: Ariũ a Haruni nĩ Nadabu, na Abihu, na Eleazaru, na Ithamaru.

²No rĩrĩ, Nadabu na Abihu nĩmaakuire mbere ya ithe wao; nao matiarĩ na ciana; na tondũ ũcio Eleazaru na Ithamaru magĩtuĩka nĩo aruti wĩra wa athĩnjĩri-Ngai.

³Nake Daudi, marĩ na Zadoku wa ariũ a Eleazaru, na Ahimeleku wa ariũ a Ithamaru, nĩo maamagayũkanirie o ta ũrĩa matuanĩra ma wĩra wao maatariĩ.

⁴Na rĩrĩ, thĩinĩ wa ariũ a Eleazaru nĩkwonekire andũ anene aingĩ gũkĩra arĩa maarĩ thĩinĩ wa ariũ a Ithamaru; na tondũ ũcio rĩrĩa maagayũkanirio gũkĩoneka atĩ thĩinĩ wa ariũ a Eleazaru kwarĩ andũ ikũmi na atandatũ arĩa anene thĩinĩ wa nyũmba cia maithe mao; o na thĩinĩ wa ariũ a Ithamaru maarĩ anana, o ta ũrĩa nyũmba cia maithe mao ciaigana.

⁵Magĩkĩgayũkanĩo na ũndũ wa gũcukĩrũo mĩtĩ, matukanĩte o ro ũguo, nĩ ũndũ nĩkwagĩire anene a handũ harĩa haamũre, o na anene a Ngai, thĩinĩ wa ariũ a Eleazaru, o na thĩinĩ wa ariũ a Ithamaru.

⁶Nake Shemaia, mũrũ wa Nethaneli, ũrĩa mwandĩki-marũa wa mũhĩrĩga wa Alawii, akĩmaandĩkĩra o hau mbere ya mũthamaki, o na anene, o na Zadoku mũthĩnjĩri-Ngai, na Ahimeleku, mũrũ wa Abiatharu, o na anene a nyũmba cia maithe ma athĩnjĩri-Ngai o na Alawii; na rĩrĩ, thĩinĩ wa ũhoro wa gũcuka mĩtĩ nĩ ũndũ wa nyũmba cia maithe-rĩ, magĩcomora mũtĩ ũmwe nĩ ũndũ wa Eleazaru, o na ũmwe nĩ ũndũ wa Ithamaru.

⁷Na rĩrĩ, mũtĩ wa mbere wagũĩrĩĩire Jehoiaribu, na wa kerĩ ũkĩgũĩra Jedaia,

⁸na wa gatatũ ũkĩgũĩra Harimu, na wa kana ũkĩgũĩra Seroimu,

⁹na wa gatano ũkĩgũĩra Malikija, na wa gatandatũ ũkĩgũĩra Mijamini,

¹⁰na wa mũgwanja ũkĩgũĩra Hakozu, na wa kanana ũkĩgũĩra Abija,

¹¹na wa kenda ũkĩgũĩra Jeshua, na wa ikũmi ũkĩgũĩra Shekania,

¹²na wa ikũmi na ũmwe ũkĩgũĩra Eliashibu, na wa ikũmi na ĩĩrĩ ũkĩgũĩra Jakimu,

¹³na wa ikũmi na ĩtatũ ũkĩgũĩra Hupa, na wa ikũmi na ĩna ũkĩgũĩra Jeshebeabu,

¹⁴na wa ikũmi na ĩtano ũkĩgũĩra Biliga, na wa ikũmi na ĩtandatũ ũkĩgũĩra Imeri,

¹⁵na wa ikũmi na mũgwanja ũkĩgũĩra Heziri, na wa ikũmi na ĩnana ukĩgũĩra Hapizezu,

¹⁶na wa ikũmi na kenda ũkĩgũĩra Pethahia, na wa mĩrongo ĩĩrĩ ũkĩgũĩra Jehezekeli,

¹⁷na wa mĩrongo ĩĩrĩ na ũmwe ũkĩgũĩra Jakini, na wa mĩrongo ĩĩrĩ na ĩĩrĩ ũkĩgũĩra Gamuli,

¹⁸na wa mĩrongo ĩĩrĩ na ĩtatũ ũkĩgũĩra Delaia, na wa mĩrongo ĩĩrĩ na ĩna ũkĩgũĩra Maazia.

¹⁹Ũguo nĩguo ũhoro wao wathondekirũo wa matuanĩra mao ma gũtonya nyũmba ya Jehova, o ta ũrĩa mũtugo wa kũrũmĩrĩrũo watariĩ, ũrĩa maaheetwo nĩ ithe wao Haruni, o ta ũrĩa Jehova, Ngai wa Isiraeli, aamwathĩte.

²⁰Nao arĩa angĩ maatigarĩte a ariũ a Lawii nĩ aya: thĩinĩ wa ariũ a Amuramu, nĩ Shubaeli, na thĩinĩ wa ariũ a Shubaeli nĩ Jedeia.

²¹Nao a nyũmba ya Rehabia nĩ aya: thĩinĩ wa ariũ a Rehabia, nĩ Ishia, ũrĩa warĩ mũnene wao.

²²Na thĩinĩ wa Aizihari nĩ Shelomothu; na thĩinĩ wa ariũ a Shelomothu nĩ Jahathu.

²³Na thĩinĩ wa ariũ a Hebironi nĩ aya: nĩ Jeria, ũrĩa warĩ mũnene wao, na Amaria ũrĩa warĩ wa kerĩ, na Jahazieli wa gatatũ, na Jekameamu wa kana.

²⁴Na thĩinĩ wa ariũ a Uzieli, nĩ Mika, na thĩinĩ wa ariũ a Mika nĩ Shamiru.

²⁵Nake mũrũ wa ithe na Mika nĩ Ishia; na thĩinĩ wa ariũ a Ishia, nĩ Zekaria.

²⁶Nao ariũ a Merari nĩ aya: nĩ Mahali na Mushi; na ariũ a Jaazia nĩ Beno.

²⁷Na thĩinĩ wa ariũ acio a Merari, a Jaazia nĩ Beno, na Shohamu, na Zakuru, na Ibiri;

²⁸na thĩinĩ wa ariũ a Mahali nĩ Eleazaru, ũrĩa ũtaarĩ na ihĩĩ.

²⁹Na thĩinĩ wa nyũmba ya Kishu nĩ mũrũwe Jerahameeli.

³⁰Na thĩinĩ wa ariũ a Mushi nĩ aya: nĩ Mahali, na Ederi, na Jerimothu. Acio nĩo ariũ a Alawii o ta ũrĩa nyũmba cia maithe mao ciatariĩ.

³¹Acio o nao nĩmaacukĩirũo mĩtĩ o ta ũrĩa ariũ a ithe wao, ariũ a Haruni, mekĩirũo mbere ya Daudi mũthamaki, na Zadoku, na Ahimeleku, o na andũ arĩa anene a nyũmba cia maithe ma athĩnjĩri-Ngai, o na cia Alawii; na rĩrĩ, ũhoro-inĩ wa nyũmba cia maithe mao, ũrĩa mũnene wa nyũmba o nyũmba aacukĩirũo mĩtĩ o ta ũrĩa mũrũ wa ithe ũrĩa mũnyinyi ekĩirũo.