1 Chronicles 25

¹Na ningĩ atĩrĩ, Daudi, o na anene a ita cia Isiraeli, nĩmaamũrire andũ amwe a ariũ a Asafu, na a Hemani, o na a Jeduthuni nĩ ũndũ wa wĩra ũcio, matuĩke a kũrathaga mohoro makĩhũra inanda nene cia mũgeto, na inanda cia kĩnubi, o na thani iria ihũrithanagio ikagamba; nao andũ acio a kũruta wĩra ũcio o ta ũrĩa ũtungati wao watariĩ-rĩ, nĩ aya:

²thĩinĩ wa ariũ a Asafu nĩ Zakuri, na Jusufu, na Nethania, na Asharela, ariũ a Asafu; nao andũ acio maathagwo nĩ Asafu ũcio, nake aarathaga mohoro o ta ũrĩa aathagwo nĩ mũthamaki.

³Thĩinĩ wa nyũmba ya Jeduthuni nĩ aya: nĩ Gedalia, na Zeri, na Jeshaia, na Hashabia, na Matithia, ariũ a Jeduthuni; nĩ atandatũ, nao acio maathagwo nĩ ithe wao Jeduthuni ũrĩa warathaga mohoro agĩcokagĩria Jehova ngatho akamũgooca, akĩhũra kĩnanda gĩake.

⁴Nao a nyũmba ya Hemani nĩ aya: nĩ Bukia, na Matania, na Uzieli, na Shebueli, na Jerimothu, na Hanania, na Hanani, na Eliatha, na Gidaliti, na Romamuti-ezeri, na Joshibekasha, na Malothi, na Hothiru, na Mahaziothu, ariũ a Hemani;

⁵acio othe maarĩ ariũ a Hemani ũrĩa wonagĩra mũthamaki maũndũ na ũndũ wa uuge wa Ngai, nĩguo aambararagie rũhĩa rũake na igũrũ. Nake Ngai aaheire Hemani ũcio ihĩĩ ikũmi na inya, na airĩtu atatũ.

⁶Acio othe-rĩ, maathagwo nĩ ithe wao ũhoro-inĩ wa kũina nyĩmbo thĩinĩ wa nyũmba ya Jehova makĩhũrithanagia thani, na makĩhũraga inanda cia kĩnubi, o na inanda nene cia mũgeto, marĩ ũtungati-inĩ wa nyũmba ya Ngai. No rĩrĩ, Asafu na Jeduthuni na Hemani maathagwo nĩ mũthamaki.

⁷Nao andũ acio, me hamwe na ariũ a ithe wao arĩa maarutirũo kũinĩra Jehova, maarĩ magana merĩ na mĩrongo ĩnana na anana magĩtarũo, nao othe nĩmaakorirũo mohĩgĩrĩire wĩra ũcio.

⁸Narĩo ituanĩra rĩao makĩrĩcukĩra mĩtĩ, othe o ũndũ ũmwe, arĩa anyinyi, o na arĩa anene, o na arĩa maarĩ arutanai, o na arutwo ao.

⁹Na rĩrĩ, ũhoro wa mbere wa mĩtĩ yacukwo wagũĩrĩire Jusufu, wa ariũ a Asafu; naguo wa kerĩ ũkĩgũĩra Gedalia, nake ũcio me hamwe na ariũ a ithe wao, o na ihĩĩ ciake, maarĩ andũ ikũmi na erĩ;

¹⁰na wa gatatũ ũkĩgũĩra Zakuri, na ariũ ake, o na ariũ a ithe, andũ ikũmi na erĩ;

¹¹naguo wa kana ũkĩgũĩra Iziri, na ariũ ake, o na ariũ a ithe, andũ ikũmi na erĩ;

¹²naguo wa gatano ũkĩgũĩra Nethania, na ariũ ake, o na ariũ a ithe, andũ ikũmi na erĩ;

¹³naguo wa gatandatũ ũkĩgũĩra Bukia, na ariũ ake, o na ariũ a ithe, andũ ikũmi na erĩ;

¹⁴naguo wa mũgwanja ũkĩgũĩra Jesharela, na ariũ ake, o na ariũ a ithe, andũ ikũmi na erĩ;

¹⁵naguo wa kanana ũkĩgũĩra Jeshaia, na ariũ ake, o na ariũ a ithe, andũ ikũmi na erĩ;

¹⁶naguo wa kenda ũkĩgũĩra Matania, na ariũ ake, o na ariũ a ithe, andũ ikũmi na erĩ;

¹⁷naguo wa ikũmi ũkĩgũĩra Shimei, na ariũ ake, o na ariũ a ithe, andũ ikũmi na erĩ;

¹⁸naguo wa ikũmi na ũmwe ũkĩgũĩra Azareli, na ariũ ake, o na ariũ a ithe, andũ ikũmi na erĩ;

¹⁹naguo wa ikũmi na ĩĩrĩ ũkĩgũĩra Hashabia, na ariũ ake, o na ariũ a ithe, andũ ikũmi na erĩ;

²⁰naguo wa ikũmi na ĩtatũ ũkĩgũĩra Shubaeli, na ariũ ake, o na ariũ a ithe, andũ ikũmi na erĩ;

²¹naguo wa ikũmi na ĩna ũkĩgũĩra Matithia, na ariũ ake, o na ariũ a ithe, andũ ikũmi na erĩ;

²²naguo wa ikũmi na ĩtano ũkĩgũĩra Jeremothu, na ariũ ake, o na ariũ a ithe, andũ ikũmi na erĩ;

²³naguo wa ikũmi na ĩtandatũ ũkĩgũĩra Hanania, na ariũ ake, o na ariũ a ithe, andũ ikũmi na erĩ;

²⁴naguo wa ikũmi na mũgwanja ũkĩgũĩra Joshibekasha, na ariũ ake, o na ariũ a ithe, andũ ikũmi na erĩ;

²⁵naguo wa ikũmi na ĩnana ũkĩgũĩra Hanani, na ariũ ake, o na ariũ a ithe, andũ ikũmi na erĩ;

²⁶naguo wa ikũmi na kenda ũkĩgũĩra Malothi, na ariũ ake, o na ariũ a ithe, andũ ikũmi na erĩ;

²⁷naguo wa mĩrongo ĩĩrĩ ũkĩgũĩra Eliatha, na ariũ ake, o na ariũ a ithe, andũ ikũmi na erĩ;

²⁸naguo wa mĩrongo ĩĩrĩ na ũmwe ũkĩgũĩra Hothiru, na ariũ ake, o na ariũ a ithe, andũ ikũmi na erĩ;

²⁹naguo wa mĩrongo ĩĩrĩ na ĩĩrĩ, ũkĩgũĩra Gidaliti, na ariũ ake, o na ariũ a ithe, andũ ikũmi na erĩ;

³⁰naguo wa mĩrongo ĩĩrĩ na ĩtatũ, ũkĩgũĩra Mahaziothu, na ariũ ake, o na ariũ a ithe, andũ ikũmi na erĩ;

³¹naguo wa mĩrongo ĩĩrĩ na ĩna ũkĩgũĩra Romamuti-ezeri, na ariũ ake, o na ariũ a ithe, andũ ikũmi na erĩ.