1 Chronicles 4

¹Nao ariũ a Juda, nĩ Perezu, na Hezironi, na Karimi, na Huru, na Shobali.

²Nake Reaia, mũrũ wa Shobali, agĩciara Jahathu; nake Janathu agĩciara Ahumai, na Lahadi. Acio nĩo mbarĩ cia Azorathi.

³Nao aya nĩo ariũ a mũndũ ũrĩa warĩ kĩhumo kĩa Etamu; nĩ Jezireeli, na Ishima, na Idibasha, nake mwarĩ wa ithe wao etagwo Hazeleliponi;

⁴na Penueli, ithe wa Gedori, na Ezeri, ithe wa Husha. Acio nĩo ariũ a Huru, irigithathi rĩa mũtamia ti Efiratha, nake nĩwe kĩhumo kĩa Bethi-lehemu.

⁵Nake Ashuri, ithe wa Tekoa, aarĩ na aka erĩ, Hela na Naara.

⁶Nake Naara akĩmũciarĩra Ahuzamu, na Heferi, na Temeni, na Haahashatari. Acio nĩo ariũ a Naara.

⁷Nao ariũ a Hela, nĩ Zerethi, na Iziharu, na Ethinani.

⁸Nake Hakozu agĩciara Anubu, na Zobeba, o na mbarĩ cia Ahariheli, mũrũ wa Harumu.

⁹Nake Jabezu agĩtĩĩka mũno gũkĩra ariũ a ithe; nake nyina aamũtuire Jabezu, akiuga atĩrĩ, Ndamũciarire na ruo rũnene.

¹⁰Nake Jabezu agĩkaĩra Ngai wa Isiraeli, akiuga atĩrĩ, Hĩ, na arĩ korũo wandathima o kũndathima, na ũ’neneherie mũhaka wa bũrũri wakwa, na guoko gwaku gũikare hamwe na niĩ, na ũngitĩre ũũru, nĩ getha ndikagwatwo nĩ kĩeha! Nake Ngai agĩĩtĩkĩra kũmũhe o ũrĩa aahoete.

¹¹Nake Kelubu, mũrũ wa ithe na Shuha, agĩciara Mehiru, ithe wa Eshitoni.

¹²Nake Eshitoni, agĩciara Bethi-rafa, na Pasea, na Tehina, ũrĩa kĩhumo kĩa Iri-nahashu. Acio nĩo andũ a Reka.

¹³Nao ariũ a Kenazu nĩ Othinieli, na Seraia; nao ariũ a Othinieli, nĩ Hathathu.

¹⁴Nake Meonothai agĩciara Ofara; nake Seraia agĩciara Joabu, kĩhumo kĩa Ge-harashimu; nakuo gwetagwo ũguo nĩ ũndũ andũ akuo maarĩ abundi.

¹⁵Nao ariũ a Kalebu, mũrũ wa Jefune, nĩ Iru, na Ela, na Naamu; nake Ela nĩwe ithe wa Kenazu.

¹⁶Nao ariũ a Jehaleleli nĩ Zifu, na Zifa, na Tiria, na Asareli.

¹⁷Nao ariũ a Ezara nĩ Jetheru, na Meredi, na Eferi, na Jaloni. Nake Bithia agĩciara Miriamu, na Shamai, na Ishiba, ithe wa Eshitemoa.

¹⁸Acio nĩo ciana cia Bithia, mwarĩ wa Firauni, ũrĩa wahikĩtio nĩ Meredi. Ningĩ mũtumia wake ũrĩa Mũyahudi agĩciara Jeredi, ithe wa Gedori, o na Heberi, ithe wa Soko, na Jekuthieli, ithe wa Zanoa.

¹⁹O nao ariũ a mũka wa Hodia, mwarĩ wa nyina na Nahamu-rĩ, nĩ ithe wa Keila, Mũgarimi, na Eshitemoa, Mũmaakathi.

²⁰Nao ariũ a Shimoni, nĩ Amunoni, na Rina, na Beni-hanani, na Tiloni. Nao ariũ a Ishi, nĩ Zohethu, na Beni-zohethu.

²¹Nao ariũ a Shela, mũnũ wa Juda, nĩ Eri, ithe wa Leka, na Laada, ithe wa Maresha, o na mbarĩ cia nyũmba cia arĩa maathondekaga gatani ĩrĩa njega mũno, a nyũmba ya Ashibea;

²²na Jokimu, o na andũ a Kozeba, na Joashu, na Sarafi, arĩa maathaga kũu bũrũri wa Moabi, na Jashubi-lehemu. Naguo ũhoro wa maũndũ macio nĩ wa tene mũno.

²³Andũ acio-rĩ, nĩo mombaga indo cia rĩũmba, na maatũũraga Netaimu, o na Gedera; kũu nĩkuo maatũũranagia na mũthamaki makĩmũrutagĩra wĩra wake.

²⁴Nao ariũ a Simeoni nĩ Nemueli, na Jamini, na Jaribu, na Zera, na Shaulu;

²⁵na Shalumu, mũrũwe wa ũcio, na Mibisamu, mũrũwe wa ũcio, na Mishima mũrũwe wa ũcio.

²⁶Nao ariũ a Mishima, nĩ Hamueli, mũrũwe, na Zakuru mũrũwe wa ũcio, o na Shimei mũrũwe wa ũcio.

²⁷Nake Shimei aarĩ na ariũ ake ikũmi na atandatũ, o na airĩtu atandatũ; no rĩrĩ, ariũ a ithe matiarĩ na ciana nyingĩ, kana mbarĩ ciao ikĩongerereka ta ciana cia Juda.

²⁸Nao maatũire Birishiba, na Molada, na Hazarishuali,

²⁹na Biliha, na Ezemu, na Toladi,

³⁰na Bethueli, na Horima, o na Zikilagi,

³¹na Bethi-marikabothu, na Hazari-susimu, na Bethi-biri, o na Shaaraimu. Macio nĩmo maarĩ matũũra mao o nginya hĩndĩ ĩrĩa Daudi aathamakaga.

³²Natuo tũtũũra twao twarĩ Etamu, na Aini, na Rimoni, na Tokeni, na Ashani, mĩciĩ ĩtano,

³³o na tũtũũra tũrĩa tũngĩ twao tuothe twathiũrũrũkĩirie mĩciĩ o ro ĩo, o nginya Baali. Kũu nĩkuo kwarĩ ũtũũro wao. Nao andũ acio-rĩ, maarĩ na ũhoro mwandĩke wa njiaro ciao cia kuuma o tene.

³⁴Na atĩrĩrĩ, Meshobabu na Jamuleki, na Josha wa Amazia,

³⁵na Joeli, na Jehu, mũrũ wa Joshibia wa Seraia, wa Asieli,

³⁶na Elioenai, na Jaakoba, na Jeshohaia, na Asaia, na Adieli, na Jesimieli, na Benaia,

³⁷na Ziza, mũrũ wa Shifi wa Aloni wa Jedaia wa Shimuri wa Shemaia;

³⁸acio magwetetwo marĩĩtwa-rĩ, nĩo maarĩ anene thĩinĩ wa mbarĩ ciao kĩũmbe, nacio mbarĩ cia maithe mao ikĩongerereka mũno mũno.

³⁹Nao magĩthiathia magĩkinya o itonyero-inĩ rĩa Gedori, naguo ũguo nĩ ta kuuga makĩringa mũrĩmo wa mwena wa irathĩro, magacarie ũrĩithio wa ndũru ciao cia ũhiũ kuo.

⁴⁰Nao magĩkĩona kũndũ kũnoru kũrĩ ũrĩithio mũingĩ mwega, naguo bũrũri ũcio warĩ mwariĩ, na ũkahorera, na ũkagĩa thayũ. Na rĩrĩ, andũ arĩa maaũtũũrĩte tene maarĩ a Hamu.

⁴¹Nao andũ acio maandĩkĩtwo marĩĩtwa mao hau igũrũ maathiire kuo ihinda rĩa Hezekia, mũthamaki wa Juda, makĩananga mahema ma andũ acio, o na makĩhũra Ameunimu arĩa maakorirũo kuo, makĩmanina o kũmanina biũ, o na nginya mũthenya wa ũmũthĩ; nao magĩgĩtũũra kuo ithenya rĩao; nĩ ũndũ kũu nĩkwarĩ ũrĩithio mwega wa ndũru ciao cia ũhiũ.

⁴²Nao amwe ao, nao nĩo ariũ a Simeoni, andũ magana matano, magĩthiĩ kĩrĩma gĩa Seiru, matongoretio nĩ Pelatia, na Nearia, na Refaia, na Uzieli, ariũ a Ishi, anene a athigari ao.

⁴³Nao makĩhũra matigari wa Amaleki arĩa maahonokete, magĩgĩtũũra kuo, nao matũire kuo o na ũmũthĩ.