1 Kings 14

¹Na rĩrĩ, matukũ macio Abija, mũrũ wa Jeroboamu, akĩrũara.

²Nake Jeroboamu akĩĩra mũka atĩrĩ, Ũkĩra, ndagũthaitha, wĩgarũre ndũkamenyeke atĩ nĩwe mũka wa Jeroboamu, ũthiĩ Shiĩo, tondũ atĩrĩ, kũu nĩkuo Ahija mũnabii arĩ, o we ũrĩa waaririe ũhoro wakwa akiuga atĩ nĩngũtuĩka mũthamaki ’thamakagĩre andũ aya.

³Na ũthiĩ ũkuuĩte mĩgate ikũmi, na tũmĩgate tũngĩ tũhũthũ, o na kĩhembe kĩa ũũkĩ, ũkinye harĩ we; nake nĩegũkwĩra ũrĩa ũhoro wa kaana gaka ũgũtaĩka.

⁴Nake mũka wa Jeroboamu agĩgĩĩka o ta ũguo, agĩũkĩra agĩthiĩ Shilo, agĩkinya kwa Ahija mũciĩ. Nake Ahija agĩkorũo ndonaga, tondũ nĩorĩte maitho nĩ gũkũra.

⁵Nake Jehova agĩkĩĩra Ahija ũũ: Atĩrĩrĩ, mũka wa Jeroboamu nĩegũũka gũtuĩria ũhoro harĩ wee wa ũrĩa mũrũwe egũikara, nĩ ũndũ nĩ mũrũaru; nawe mwĩre ũna na ũna; nĩ ũndũ nĩkũrĩkinya atĩrĩ, atĩ hĩndĩ ĩrĩa arĩũka atonye gwaku arĩkorũo egarũrĩte agetua ta arĩ mũndũ-wa-nja ũngĩ.

⁶Na gũgĩtuĩka o ro ũguo, atĩ rĩrĩa Ahija aaiguire mũkinyo wa magũrũ make arĩ mũromo-inĩ agĩtonya nyũmba, akiuga atĩrĩ, Tonya, mũtumia ũyũ wa Jeroboamu; ũkwĩgarũra nĩkĩ ũgetua ta mũndũ-wa-nja ũngĩ? Nĩ ũndũ nĩ kũrekio ndeketio harĩ wee ’heetwo ũhoro wĩ kĩeha.

⁷Thiĩ, ũkere Jeroboamu ũũ: Atĩrĩrĩ, Jehova Ngai wa Isiraeli oigĩte atĩrĩ, O na harĩa ndagũtũũgĩririe ngĩgũthura thĩinĩ wa andũ arĩa angĩ, na ngĩgũtua mũnene wa gwathaga andũ akwa Isiraeli,

⁸o na ngĩtunya mbarĩ ya Daudi ũthamaki ngĩkũhe wee-rĩ, ndũrĩ watuĩka ta ũrĩa ndungata yakwa Daudi yatariĩ, o ĩo yamenyagĩrĩra maathani makwa, o na ĩkanũmĩrĩra na ngoro yayo yothe, na ĩgeka o maũndũ marĩa monagwo maagĩrĩire nĩ niĩ;

⁹no rĩrĩ, wee nĩwĩkĩte ũũru gũkĩra arĩa othe maarĩ mbere yaku, nĩ ũndũ nĩũthiĩte ũgethondekera ngai ingĩ, o na mĩhianano ya gũtwekio, ũkandakaria; ningĩ nĩũndeete ũkanjikia na thutha waku;

¹⁰tondũ ũcio ti-itherũ nĩngũrehithĩrie mbarĩ ya Jeroboamu ũũru, na nĩngũũraga njehererie Jeroboamu mwana o wothe wa kahĩĩ, ũrĩa ngombo, o na ũrĩa ũtarĩ ngombo gũkũ Isiraeli; nayo nyũmba ya Jeroboamu nĩ ta kũhaata ngũmĩhaatithia ĩninwo biũ, o nginya rĩrĩa ĩkaninũka, o ta ũrĩa mũndũ ahaataga mai magathira.

¹¹Mũndũ wa Jeroboamu ũrĩa ũgakuĩra itũũra-inĩ-rĩ, akarĩĩka nĩ ngui; o na ũrĩa ũgakuĩra gĩthaka-inĩ-rĩ, akarĩĩka nĩ nyamũ cia rĩera-inĩ, nĩ gũkorũo Jehova nĩwe warĩtie ũhoro ũcio.

¹²Tondũ ũcio arahũka ũinũke gwaku mũciĩ; na rĩrĩ, hĩndĩ ĩrĩa magũrũ maku marĩkinya itũũra-inĩ ũkĩrĩtonya-rĩ, noguo kaana kau karĩkua.

¹³Nao Aisiraeli othe nĩmegũkarĩrĩra na magathike, nĩ ũndũ kau ka Jeroboamu goiki noko gegũkinyio wega mbĩrĩra-inĩ; nĩ gũkorũo thĩinĩ wako nĩkuonekire maũndũ mamwe mega makoniĩ Jehova, Ngai wa Isiraeli, thĩinĩ wa nyũmba ya Jeroboamu.

¹⁴O na ningĩ-rĩ, Jehova nĩakearahũrĩra mũthamaki wa gũthamakĩra Isiraeli, ũrĩa ũkeheria mbarĩ ya Jeroboamu, amĩnine biũ mũthenya o ro ũcio. Githĩ ũhoro ũcio o na rĩu ndũraambĩrĩrio?

¹⁵Nĩ gũkorũo Jehova nĩakahũra Aisiraeli matuĩke o ta kamũrangi karainaina ke maĩ-inĩ; na nĩakamarindũra biũ amarute bũrũri ũyũ mwega, o ũyũ aaheire maithe mao, amaharaganĩrie mũrĩmo ũrĩa wa Rũũĩ rũa Farati, nĩ gũkorũo nĩmethondekeire Maashera makĩrakaria Jehova.

¹⁶Nake nĩakarekereria Isiraeli o ro ũguo amatige, nĩ ũndũ wa mehia ma Jeroboamu, marĩa aatũire ehagia, na agatũma Isiraeli o nao mehie nĩ ũndũ wamo.

¹⁷Nake mũka wa Jeroboamu agĩkĩarahũka, agĩĩthiĩra, agĩkinya Tiriza; na gũgĩtuĩka atĩrĩ, atĩ o aakinya mũromo-inĩ wa nyũmba-rĩ, kaana gagĩkua.

¹⁸Nao Aisiraeli othe magĩgathika, na magĩkarĩrĩra, o ta ũrĩa uuge wa Jehova watariĩ ũcio aaririe na kanua ka ndungata yake Ahija ũcio mũnabii.

¹⁹Na atĩrĩrĩ, ciĩko iria ingĩ cia Jeroboamu, na ũrĩa aahũranire mbaara, o na ũrĩa aathamakire-rĩ, ũhoro wacio nĩwandĩkĩtwo ibuku-inĩ rĩa maũndũ ma ihinda rĩa athamaki a Isiraeli.

²⁰Narĩo ihinda rĩrĩa Jeroboamu aathamakire rĩarĩ mĩaka mĩrongo ĩĩrĩ na ĩĩrĩ; nake agĩgĩkoma hamwe na maithe, nake Nadabu, mũrũwe, agĩthamaka ithenya rĩake.

²¹Na rĩrĩ, Rehoboamu, mũrũ wa Suleimani, nĩwe wathamakaga Juda. Na hĩndĩ ĩrĩa Rehoboamu ũcio aambĩrĩirie gũthamaka nĩaaninĩte mĩaka mĩrongo ĩna na ũmwe; nake agĩthamaka mĩaka ikũmi na mũgwanja o kũu Jerusalemu, itũũra rĩrĩa Jehova aathurĩte mĩhĩrĩga-inĩ yothe ya Isiraeli, nĩguo rĩĩtwa rĩake rĩikarage kuo; nake nyina etagwo Naama, Mũamoni.

²²Nao andũ a Juda magĩĩka maũndũ marĩa monagwo marĩ moru nĩ Jehova, na magĩkĩmũthirĩkia nĩguo aigue ũiru nĩ ũndũ wa mehia mao marĩa mehirie, gũkĩra maũũru mothe marĩa maithe mao mekĩte.

²³Nĩ gũkorũo o nao nĩmethondekeire matĩri ma kũndũ gũtũũgĩru, o na makehandĩra itugĩ cia kũhoyũo, o na magethondekera Maashera kĩrĩma-inĩ kĩrĩa gĩothe kĩraya, o na mũtĩ-inĩ ũrĩa wothe mũruru.

²⁴O na ningĩ bũrũri ũcio gũkĩgĩa ũmaraya wa arũme; na arũme nao magekaga maũndũ mothe marĩa me thahu ma ndũrĩrĩ iria Jehova aaingatire ciehere mbere ya ciana cia Isiraeli.

²⁵Na gũgĩkinya atĩrĩ, atĩ mwaka wa ĩtano ĩrĩa Rehoboamu aakorirũo athamakĩte, Shishaka mũthamaki wa Misiri akĩambata akahũrane na Jerusalemu;

²⁶nake agĩgĩtunyana mũthithũ wa indo cia bata iria ciaigĩtwo nyũmba ya Jehova, o na wa indo cia bata cia nyũmba ya mũthamaki; agĩgĩthiĩ nacio ciothe bi��; o na agĩthiĩ na ngo ciothe cia thahabu iria Suleimani aathondekithirie.

²⁷Nake mũthamaki, ti Rehoboamu, agĩthondekithia ngo ingĩ cia gĩcango, ithenya rĩa icio cia mbere, agĩcinengera anene a andũ arĩa maarangaga mũromo-inĩ wa nyũmba ya mũthamaki.

²⁸Na gũgĩkinya atĩrĩ, atĩ mathiĩ mothe marĩa mũthamaki aathiaga gũtonya nyũmba ya Jehova araagĩri acio maacikuuaga, na thutha ũcio magacicokia kanyũmba karĩa gaatũũragwo nĩ arangĩri acio.

²⁹Nacio ciĩko iria ingĩ cia Rehoboamu, o na maũndũ mothe marĩa akire-rĩ, anga matiandĩkĩtwo ibuku-inĩ rĩa maũndũ ma ihinda rĩa athamaki a Juda?

³⁰Na rĩrĩ, nĩkwagĩaga ita hĩndĩ ciothe, Rehoboamu makĩhũrana na Jeroboamu.

³¹Nake Rehoboamu agĩkoma hamwe na maithe, agĩthikwo o hamwe na maithe itũũra rĩa Daudi; nake nyina etagwo Naama, Mũamoni. Nake Abijamu, mũrũwe, agĩthamaka ithenya rĩake.