3 John 1

¹NĨ niĩ, mũthuri wa kanitha, ndatũma marũa maya kũrĩ mwendwa wakwa Gayo, ũrĩa nyenda na ma.

²Mwendwa wakwa, nĩndahoya atĩ maũndũ mothe makũgaacagĩre na ũikarage ũrĩ o mwega, o ta ũrĩa ngoro yaku nayo ĩtũire ĩgaacĩire.

³Amu nĩndakenire mũno rĩrĩa ariũ a Ithe witũ amwe mokire makĩheana ũira wa ũrĩa ũtũũraga wĩ wa ma, o ta ũguo ũtũire ũrũmĩrĩire ũhoro-ũrĩa-wa-ma.

⁴Ndirĩ ũndũ ũngenagia gũkĩra ũcio, kũigua atĩ ciana ciakwa no irũmagĩrĩra ũhoro-ũrĩa-wa-ma.

⁵Mwendwa wakwa, maũndũ macio mothe ũteithagia ariũ a Ithe witũ namo, o na maatuĩka nĩ arĩa ũtoĩ-rĩ, nĩ wĩra wa mũndũ mwĩhokeku;

⁶nao nĩmaaheanire ũhoro wa wendani waku mbere ya kanitha. Nĩ wega ũmoimagaragie ta ũrĩa kwagĩrĩire harĩ Ngai,

⁷tondũ moimire kwao nĩ ũndũ wa rĩĩtwa rĩake, makĩregaga kwamũkĩra kĩndũ harĩ andũ a Ndũrĩrĩ.

⁸Hakĩrĩ ũguo-rĩ, ithuĩ nĩtwagĩrĩirũo tũgwatage andũ ta acio ũgeni, nĩguo tũgwatanĩre wĩra wa ũhoro-ũrĩa-wa-ma.

⁹Gwĩ kohoro ndaandĩkĩire kanitha, no rĩrĩ, Dioterefe, ũrĩa wendaga kũmagĩa mbere, nĩaregete gũtũigua.

¹⁰Tondũ ũcio, ndoka-rĩ, nĩngaririkana maũndũ make marĩa ekaga, agĩtũhũhũtagĩra na ndeto cia ũtũrĩka; na tondũ atangĩiganwo nĩ ũguo, we mwene ndagwataga ariũ a Ithe witũ ũgeni, na arĩa mendaga kũmagwata ũgeni akamakaania, o na akamaingata kanitha-inĩ.

¹¹Mwendwa wakwa, ndũkanae kwĩgerekania na ũhoro ũrĩa mũũru; wĩgerekanagie na ũrĩa mwega. Ũrĩa wĩkaga wega nĩ wa Ngai, nake ũrĩa wĩkaga ũũru ndarĩ ona Ngai.

¹²Demeterio, we, nĩagathagĩrĩrio nĩ andũ othe, o naguo ũhoro-ũrĩa-wa-ma guo mwene no mũira wake; o na ithuĩ tũrĩ o ro aira; nawe nĩũũĩ atĩ ũira witũ nĩ wa ma.

¹³Nyuma na maũndũ maingĩ ma gũkwĩra, na ndikwenda gũkwandĩkĩra na rangi na karamu;

¹⁴ngwĩrĩgĩrĩra atĩ ica ikuhĩ nĩngakuona, tũgakĩaria tũng’ethanĩire. Tigwo na ũhoro. Nĩwageithio nĩ arata arĩa me gũkũ. Geithia arata acio mwĩ nao, o mũndũ, o mũndũ.