Job 26

¹HĨNDĨ ĩo Ayubu agĩcokia akiuga atĩrĩ,

²Kaĩ ũrĩ gũteithia ũrĩa ũtoima na ũhoti-ĩ! kaĩ ũrĩ kũhonokia guoko kũrĩa gũtoima na hinya-ĩ!

³Kaĩ ũrĩ gũtaara wega mũndũ ũtoima na ũũgĩ-ĩ! na woimbũra ũmenyo mũingĩ ũrĩa mũkinyanĩru-ĩ!

⁴Ũhoro ũcio nũ wahee? roho ũcio nĩ wa ũ ũkuumanaga nawe?

⁵Atĩrĩrĩ, kinya ngoma cia imũndũ iria ciarĩ cia tene no itetemaga ii kũrĩa ruungu rũa maria na iria itũũraga kuo.

⁶Kwa ngoma-rĩ, mbere yake nĩ kũguũku, kũu Ininanĩro-inĩ gũgakĩaga kĩhumbĩri.

⁷Mwena wa gathigathini nĩaũtambũrũkĩtie itheri-inĩ rĩtarĩ kĩndũ, nayo thĩ ndarĩ kĩndũ amĩcunjurĩtie nakĩo.

⁸Athaĩkanagia maĩ thĩinĩ wa matu make mamata, na gũtirĩ itu rĩngĩteehũrũo nĩmo.

⁹Nĩ kũhitha ahithĩte gĩthiithi kĩa gĩtĩ gĩake kĩa ũnene, agatandaiya itu rĩake igũrũ rĩakĩo.

¹⁰Ũthiũ wa maĩ nĩaũthiũrũrũkĩirie mũhaka, ũgakinya o na kũrĩa ũtheri ũhakanĩire na nduma.

¹¹Itugĩ iria itiirĩte igũrũ nĩciinainaga na ikagegeara nĩ mĩkũmĩre yake.

¹²Tondũ wa ũhoti ũcio wake ahotaga kũhoreria iria, na tondũ wa ũtaũku wake akahiũkania Rahabu.

¹³Nĩ mĩhũmũ yake ĩthakaragia igũrũ; guoko gwake nĩkuo gũthecaga njoka ĩrĩa hiũ.

¹⁴Atĩrĩrĩi, ĩo no mĩthia ya maũndũ make: ĩ nĩ karũheehũ kanini atĩa tũiguaga ka ũhoro wake! ĩndĩ-rĩ, ũhoti wake aagwata kũũthungurumia, nũ ũngĩtaũkĩrũo nĩ mũthungurumĩre waguo?