Job 7

¹Anga mũndũ to ta kũgererũo agereirũo ihinda rĩake rĩa gũtũũrio ita-inĩ gũkũ thĩ? namo matukũ make anga to ta matukũ ma ũrĩa mwandĩke wĩra?

²Niĩ-rĩ, ndariĩ ta ngombo ĩĩrirĩirie mũno kĩĩgunyĩ, ningĩ ta mũthũkũmi ũrĩa ũthethũkĩire mũcara wake.

³Niĩ nĩguo nduĩrĩirũo atĩ ngĩe na mĩeri ya tũhũ, na ngaathĩrĩrũo ndaarage maraara ma mĩnoga.

⁴Rĩrĩa ndakoma, njũragia atĩrĩ, Ndĩrĩũkĩra rĩ? ũtukũ ũgagĩtuĩka no mũraya, na ndaaraga ngĩanganga o nginya gũkĩe.

⁵Mwĩrĩ wakwa ũiyũirũo nĩ igunyũ na ngũmba cia tĩri; ikonde ciakwa nĩigucanagĩrĩra igĩcokaga kũgucũkana rĩngĩ.

⁶Matukũ makwa nĩmarathira na ihenya rĩkĩrĩte rĩa kanyamũ karĩa gakonjanithagia uthi tama ũgĩtumwo, nĩ gũthira marathira itarĩ na ũndũ ũrĩa ndĩĩrĩgĩrĩire.

⁷No kĩririkane atĩ muoyo wakwa no rũhuho; riitho rĩakwa rĩtigacoka kuona ũndũ mwega.

⁸Ũrĩa ũnyonaga-rĩ, riitho rĩake rĩtigacoka kũnyona rĩngĩ; maitho maku nĩmakanjerekera, na ndigakorũo ho.

⁹O ta ũrĩa itu rĩmicagĩrĩra rĩkabuĩria, ũrĩa wa gũikũrũka kwa ngoma noguo atangĩcoka kwambata rĩngĩ.

¹⁰Ndagacoka kũinũka mũciĩ wake, harĩa aaikaraga ndarĩ hingo agacoka kuonwo.

¹¹Hakĩrĩ ũguo-rĩ, niĩ ndigũcoka kũgirĩrĩria kanua; ngwaria nĩ ũndũ wa ũrĩa roho wakwa ũgũtuurũo, ndĩĩtetere tondũ wa ũrĩa ngoro yakwa ĩĩ na ũcũngũ.

¹²Kaĩ arĩ niĩ iria rĩa maĩ, kana nyamũ ĩrĩa nene ĩtũũraga iria thĩinĩ, tondũ ũgĩtũmĩte nangagĩrũo?

¹³Rĩrĩa ndoiga, Ũrĩrĩ wakwa nĩguo ũgũtũma ’nyamarũke, atĩ kĩrumia nĩkĩo kĩngĩhoreria kĩeha kĩrĩa ndĩ nakĩo-rĩ,

¹⁴Hĩndĩ ĩo wee ũgakĩ’makagia na iroto, na ũkandua nda na cioneki,

¹⁵Ngoro yakwa ĩgagĩthura nĩ kaba gũitwo, kaba gũkua kũrĩ gũikara o na mahĩndĩ maya.

¹⁶Muoyo nĩ gũthũũra ndĩũthũũrĩte; ndikwenda gũtũũra hingo ciothe; tigana na niĩ, nĩ amu matukũ makwa no ma tũhũ.

¹⁷Mũndũ-rĩ, nĩ kĩ, o na tondũ ũkĩmũtuaga wa bata, na ũkamwĩkĩra ngoro-inĩ yaku,

¹⁸Ningĩ ũkamũrokagĩra o rũcinĩ o rũcinĩ, na gũkaaga kahinda ũtarĩmũroragia?

¹⁹Nĩ hingo ĩigana atĩa ũgũikara o ũkĩmbaraga, na ũtangĩndiga nyone kahinda ga kũmeria mata?

²⁰O na ingĩkorũo ’hĩtĩtie-rĩ, ndatuĩka nĩ ũndũ ũrĩkũ ngwĩkĩte, wee mũcũthĩrĩria wa andũ? ũnjigĩte nĩkĩ nduĩke mũhĩnga wa gũkũhĩngaga, ngakĩya kũigua nditũhĩte ta gĩkama?

²¹Nawe nĩ kĩ gĩkũgiria ũnjohere wĩhia wakwa, waganu wakwa ũkĩweherie? amu rĩu no gũkoma ndĩrĩkoma tĩri-inĩ, nawe kũnjaria nĩũkanjarĩrĩria, na ndigakorũo ho.