Job 6

¹HĨNDĨ ĩo Ayubu agĩcokia akiuga atĩrĩ,

²Na arĩ korũo gĩtubunyĩko gĩkĩ ndĩ nakĩo nĩ kũgerũo kĩgeretwo, na mũtino ũyũ nyonete ũkagerekanio nakĩo ratiri-inĩ!

³Amu wakorũo wĩ mũritũ kũrĩ mũthanga ũrĩa wĩ maria-inĩ marĩa manene: nĩkĩo niĩ njarĩtie ndeto itekũigeterera.

⁴Tondũ rĩrĩ, nĩ mĩguĩ ya Mwene-Hinya ĩndonyete, ũrũrũ wayo nĩguo roho wakwa ũranyua; matebebia ma Ngai nĩmo methabĩte harĩ niĩ ma’harũkire.

⁵Njagĩ-rĩ, nĩĩgĩkayaga ĩrĩkĩtie gũkinya nyeki-inĩ? ndegwa nĩyanagia rĩrĩa ĩtuĩrĩirũo?

⁶Kĩndũ gĩtarĩ mũcamo nĩkĩngĩrĩĩka gĩtekĩrĩtwo cumbĩ? kana rũrenda rũa itumbĩ-rĩ, rũrĩ na mũrĩo?

⁷Ngoro yakwa nĩĩrarega kũihutia; harĩ niĩ nĩ ta irio ii magigi.

⁸Ĩ korũo ndetĩkĩrio ũndũ ũrĩa ndĩrahoya! korũo Ngai aanjĩtĩkĩria ũndũ ũrĩa ngwĩrirĩria!

⁹Na nĩguo atĩ Ngai etĩkĩre kũ’memenda; arekererie guoko gwake, a’ng’ũrie!

¹⁰Hĩndĩ ĩo ndingĩaga kũnyamarũka o na rĩu; ĩĩ-ni, nĩ gũtũrũha ingĩtũrũha, o ngĩtuuragwo nĩ ruo rũtangĩnjiguĩra tha: nĩ gũkorũo ndirĩ ndakaana ciugo cia Ũrĩa Ũmwe Mũtheru.

¹¹Kaĩ hinya wakwa ũkĩrĩ ũrĩkũ, atĩ ndahota gweterera? ithirĩro rĩakwa narĩo nĩ rĩrĩkũ, atĩ nĩguo ngirĩrĩrie?

¹²Hinya wakwa ũkĩrĩ guo hinya wa mahiga? mwĩrĩ wakwa anga nĩ wa kĩgera kĩa rũthuku?

¹³Ũndũ kũrĩ, anga ti atĩ thĩinĩ wakwa wĩteithia nĩ mũthiru, ngakĩingatĩrũo kĩhonia o kũingatĩrũo?

¹⁴Mũndũ ũkiriĩ kũhooteka-rĩ, nĩaagĩrĩirũo nĩ gũtugĩrũo nĩ mũratawe, o na gwatuĩka mũtugwo nĩ ũrĩa ũratiga gwĩtigĩra Mwene-Hinya.

¹⁵Ariũ a awa nĩ kũngarũka mangarũkĩte ta karũũĩ, o ta mĩkuru ya tũrũũĩ tũrĩa tũhũaga,

¹⁶Tũrĩa tũkoragwo tuunjugũkĩte nĩ makangaĩ ma mbarabu, na tondũ wa tharunji ĩrĩa ĩthirĩire thĩinĩ watuo,

¹⁷Ningĩ hĩndĩ ĩrĩa twagwata ũrugarĩ, tũkamica; gwakĩara-rĩ, tũkang’ario kũrĩa tũrĩ.

¹⁸Ng’endo iria igendagĩra kũu tũrĩ nĩikerũraga na harĩ tuo, igacoka ikaambatania na werũ, igakĩũrĩra kuo.

¹⁹Ng’endo cioimĩte Tema nĩciatũroragĩrĩria, mbũtũ iria cioimĩte Sheba nacio nĩciatũtanyaga;

²⁰Igĩgĩconoka, nĩ ũrĩa ciatwĩrĩgĩrĩire, na igĩkinya ho, igĩkĩgegeara.

²¹Nĩ amu rĩu inyuĩ na inyuĩ mũtuĩkĩte a tũhũ; nĩ icanjama muonete, mũgatebeba.

²²Nĩngarĩ njugire, ’Hei kĩndũ? kana, Mũ’hakĩrĩre na indo cianyu?

²³Kana ngoiga, ’Hatũrai moko-inĩ ma mũmuku? kana, Ngũũrani moko-inĩ ma mĩitũ?

²⁴Atĩrĩrĩi, ndutai ũhoro, na nĩngũkĩra; nyoniai harĩa ’hĩtĩirie, ngĩmenye.

²⁵Ciugo iria njerekereru-rĩ, ĩ itikĩrĩ na kĩhooto! no inyuĩ mwanjirithia-rĩ, nĩ ũndũ ũrĩkũ mwandũithĩria?

²⁶Anga nĩ kanua muugĩte mũkũrũithia, o na gwatuĩka atĩ ciugo cia mũndũ ũũmĩirũo tha no ta rũhuho?

²⁷Inyuĩ no gũcukĩra mwana wa ngoriai mĩtĩ, mũrata wanyu-rĩ, mwamũtua kĩndũ gĩa kwendio!

²⁸Rĩu-rĩ, ĩtĩkĩrai kũndora; amu ndingĩkĩhota kũhenania o mothiũ-inĩ manyu.

²⁹Ta cokerai, cira ndũgagĩtuwo wogiĩ; cokerai rĩngĩ, amu ũhoro wakwa no wa kĩhooto.

³⁰Githĩ rũrĩmĩ rũakwa nĩruugĩte ũhoro muogomu? karakara yakwa githĩ ndĩngĩhota gũkũũrana maũndũ ma ũgenyũ?