Nehemiah 12

¹Na rĩrĩ, aya nĩo athĩnjĩri-Ngai, o na Alawii, arĩa maambatanirie na Zerubabeli wa Shealitieli, na Jeshua; nĩ Seraia, na Jeremia, na Ezara;

²na Amaria, na Maluku, na Hatushu;

³na Shekania, na Rehumu, na Meremothu;

⁴na Ido, na Ginethoi, na Abija;

⁵na Mijamini, na Maadia, na Biliga;

⁶na Shemaia, na Joiaribu, na Jedaia;

⁷na Salu, na Amoku, na Hilikia, na Jedaia. Acio nĩo maarĩ anene a athĩnjĩri-Ngai, o na anene a ariũ a ithe wao, matakũ-inĩ ma Jeshua.

⁸O nao Alawii, nĩ aya: Jeshua, na Binui, na Kadimieli, na Sherebia, na Juda, na Matania, ũrĩa warĩ mũtongoria wa aini nyĩmbo cia kũgatha Ngai, me hamwe na ariũ a ithe.

⁹Na Bakabukia, na Uno, nao nĩo maarĩbũraga ariũ a ithe wao ituanĩra-inĩ rĩao.

¹⁰Nake Jeshua agĩciara Joiakimu, nake Joiakimu agĩciara Eliashibu, nake Eliashibu agĩciara Joiada,

¹¹nake Joiada agĩciara Jonathani, nake Jonathani agĩciara Jadua.

¹²Namo matukũ ma Joiakimu athĩnjĩri-Ngai arĩa maarĩ anene a nyũmba cia maithe mao nĩ aya: wa mbarĩ ya Seraia, nĩ Meraia; wa mbarĩ ya Jeremia, nĩ Hanania;

¹³wa mbarĩ ya Ezara, nĩ Meshulamu; wa mbarĩ ya Amaria, nĩ Jehohanani;

¹⁴wa mbarĩ ya Maluki, nĩ Jonathani; wa mbarĩ ya Shebania, nĩ Jusufu;

¹⁵wa mbarĩ ya Harimu, nĩ Adina; wa mbarĩ ya Meraiothu, nĩ Helikai;

¹⁶wa mbarĩ ya Ido, nĩ Zekaria; wa mbarĩ ya Ginethoni, nĩ Meshulamu;

¹⁷wa mbarĩ ya Abija, nĩ Zikiri; wa mbarĩ ya Miniamini, wa Moadia, nĩ Pilitai;

¹⁸wa mbarĩ ya Biliga, nĩ Shamua; wa mbarĩ ya Shemaia, nĩ Jehonathani;

¹⁹wa mbarĩ ya Joiaribu, nĩ Matenai; wa mbarĩ ya Jedaia, nĩ Uzi;

²⁰wa mbarĩ ya Salai, nĩ Kalai; wa mbarĩ ya Amoku, nĩ Eberi;

²¹wa mbarĩ ya Hilikia, nĩ Hashabia; wa mbarĩ ya Jedaia, nĩ Nethaneli.

²²Namo matukũ-inĩ wa Eliashibu, na Joiada, na Johanani, na Jadua, anene a nyũmba cia maithe ma Alawii no maandĩkagwo, o na athĩnjĩri-Ngai o nao nĩmaandĩkagwo o ro ũguo, o nginya matukũ marĩa gwathamakagwo nĩ Dario, Mũperisia.

²³Nao ariũ a Lawii, arĩa maarĩ anene a nyũmba cia maithe ma andũ-rĩ, nĩmaandĩkagwo ibuku-inĩ rĩa maũndũ ma matukũ macio o nginya matukũ ma Johanani wa Eliashibu.

²⁴Nao anene a Alawii nĩ aya: Hashabia, na Sherebia, na Jeshua wa Kadimieli, marĩ hamwe na ariũ a ithe wao arĩa maang’ethanĩire nao, nao nĩo maainaga nyĩmbo cia kũgooca Ngai, o na kũmũcokeria ngatho, makĩamũkagĩria o ta ũrĩa gwathanĩtwo nĩ Daudi, mũndũ wa Ngai.

²⁵Nao Matania, na Bakabukia, na Obadia, na Meshulamu, na Talimoni, na Akubu, nĩo maarĩ aikaria mĩrango makarangagĩra handũ harĩa haaigagwo indo, o kũu ihingo-inĩ.

²⁶Andũ acio nĩo maarĩ kuo matukũ ma Joiakimu, mũrũ wa Jeshua wa Jozadaki, o na matukũ ma Nehemia ũrĩa barũthi, o na ma Ezara mũthĩnjĩri-Ngai ũrĩa mwandĩki-marũa.

²⁷Na rĩrĩ, hĩndĩ ĩrĩa rũthingo rũa Jerusalemu rũaamũragwo-rĩ, andũ magĩgĩcaria Alawii kũndũ kwao guothe kũrĩa maaikaraga, nĩ getha mamatware Jerusalemu, nĩguo ũhoro ũcio wa kwamũra rũthingo rũu ũtuĩke ta arĩ gĩathĩ gĩa gĩkeno, gũkĩgathagwo Ngai, na gũkĩinagwo nyĩmbo, na gũkĩhũrithanagio thani cia kũgamba, na gũkĩhũragwo inanda cia kĩnubi, o na inanda iria nene cia mũgeto.

²⁸Nayo thiritũ ya aini nyĩmbo ĩkĩũngana yumĩte bũrũri ũrĩa mũgũu wĩ ndwere ciothe cia Jerusalemu, o na tũtũũra-inĩ twa Anetofathi;

²⁹o na ĩkiuma Bethi-giligali, o na ithaka cia Geba na Azimavethu; nĩ ũndũ aini acio nĩmeyakĩire tũtũũra na kũu ndwere ciothe cia Jerusalemu.

³⁰Nao athĩnjĩri-Ngai o na Alawii magĩĩtheria, O na magĩtheria andũ arĩa angĩ, o na ihingo, o na rũthingo rũa itũũra.

³¹Na hĩndĩ ĩo na niĩ ngĩkĩambatia atongoria a Juda rũthingo-inĩ igũrũ, ngĩcoka ngĩmagayania ikundi igĩrĩ nene cia andũ a gũcokagĩria Ngai ngatho, na a gũthiaga marũmanĩrĩire; nacio ikundi icio-rĩ, kĩmwe gĩgĩthiĩ na mwena wa ũrĩo kĩrĩ igũrũ rĩa rũthingo rũu kĩrorete Kĩhingo-inĩ gĩa Kĩara-inĩ;

³²nakĩo gĩgĩkiumwo thutha nĩ Hoshaia, o na nuthu ĩmwe ya anene a Juda,

³³na Azaria, na Ezara, na Meshulamu,

³⁴na Juda, na Benjamini, na Shemaia, na Jeremia,

³⁵o na andũ amwe ariũ a athĩnjĩri-Ngai me na tũrumbeta, nao nĩ aa Zekaria, mũrũ wa Jonathani, wa Shemaia, wa Matania, wa Mikaia, wa Zakuru, wa Asafu;

³⁶o na ariũ a ithe, nao nĩ aa Shemaia, na Azareli, na Milalai, na Gilalai, na Maai, na Nethaneli, na Juda, na Hanani, makuuĩte inanda iria ciarĩ cia Daudi, mũndũ wa Ngai; nake Ezara, mwandĩki-marũa, akamathiĩ mbere;

³⁷nao maakinya Kĩhingo-inĩ gĩa Gĩthima, magĩthiĩ o na mbere na kũu maarorete marũngĩrĩirie, makĩambatĩra ngathĩ-inĩ cia itũũra rĩa Daudi, o kũu rũthingo rũarĩ rũambatĩru, igũrũ rĩa nyũmba ya Daudi, nao magĩgĩkinya Kĩhingo kĩa Maĩ, mwena ũrĩa ũrorete irathĩro.

³⁸O nakĩo gĩkundi kĩrĩa kĩngĩ kĩa andũ acio maacokagia ngatho gĩgĩthiĩ gũcemania na acio angĩ, na niĩ ngĩkiuma thutha, ndĩ na nuthu ĩrĩa ĩngĩ ya andũ acio, tũgereire rũthingo-inĩ igũrũ, o kũu igũrũ rĩa mũthiringo-inĩ wa nyũmba ndaya na igũrũ ya macua ma mwaki wa gũtwekia igera, tũgĩgĩkinya rũthingo-inĩ rũrĩa rũaramu;

³⁹o na tũgĩthiĩ igũrũ rĩa Kĩhingo kĩa Efiraimu, tũgĩkĩhĩtũkĩra Kĩhingo-inĩ kĩrĩa Gĩkũrũ, o na Kĩhingo-inĩ gĩa Ciũngũyũ, o na mũthiringo-inĩ wa nyũmba ndaya na igũrũ wa Hananeli, o na mũthiringo-inĩ wa nyũmba ndaya na igũrũ wa Hamea, o nginya tũgĩkinya Kĩhingo-inĩ kĩa Ng’ondu; nao andũ makĩrũgama mehandĩte ki Kĩhingo-inĩ kĩa Arangĩri.

⁴⁰Ũguo nĩguo ikundi icio cierĩ cia andũ acio maacokagia ngatho hau hang’etheire nyũmba ya Ngai ciarũgamire, nao arĩa twarĩ nao nĩ nuthu ĩmwe ya aathani;

⁴¹o na athĩnjĩri-Ngai amwe, nao nĩ Eliakimu, na Maaseia, na Miniamini, na Mikaia, na Elioenai, na Zekaria, na Hanania, me na tũrumbeta;

⁴²o na Maaseia, na Shemaia, na Eleazaru, na Uzi, na Jehohanani, na Malikija, na Elamu, na Ezeri. O nao aini nyĩmbo makĩanĩrĩra mũno makĩina me na Jezerahia, mũnene wao.

⁴³Nao andũ magĩkĩruta magongona manene mũthenya ũcio, na magĩkena, nĩ gũkorũo Ngai nĩaatũmĩte makene gĩkeno kĩnene mũno; o nao andũ-a-nja na ciana magĩkena; na tondũ ũcio gĩkeno kĩrĩa kĩarĩ Jerusalemu gĩkĩiguwo o na kũndũ kũraya.

⁴⁴Ningĩ mũthenya o ro ũcio andũ amwe magĩtuwo arori a tũnyũmba tũrĩa tũigagwo mũthithũ wa indo cia bata, na indo cia magongona ma kũiyũkio na igũrũ, o na irio cia maciaro ma mbere, o na gĩcunjĩ gĩa ikũmi kĩrĩa kĩrutagĩrũo Jehova, nĩ getha macokagĩrĩrie irio iria ciatuirũo na watho ituĩke igai rĩa athĩnjĩri-Ngai na Alawii, o ta ũrĩa mĩgũnda ya matũũra ma bũrũri ũcio yatariĩ, nacio ciigagwo tũnyũmba tũu; nĩ gũkorũo Ajuda nĩmaakenire nĩ ũndũ wa athĩnjĩri-Ngai, o na Alawii, arĩa maatungataga.

⁴⁵Nao magĩgĩikara mamenyereire matuanĩra ma wĩra wa Ngai wao, o na matuanĩra mao ma ũhoro wa gwĩtheria; naguo ũguo noguo aini nyĩmbo o na aikaria mĩrango mekaga, o ta ũrĩa wathani wa Daudi, o na wa Suleimani, mũrũwe, watariĩ.

⁴⁶Nĩ gũkorũo matukũ ma Daudi na Asafu, o tene, nĩkwagĩaga mũnene wa aini nyĩmbo, o na gũkagĩa nyĩmbo ciainagwo cia kũgooca Ngai, o na kũmũcokeria ngatho.

⁴⁷Nao Aisiraeli othe, matukũ ma Zerubabeli o na matukũ ma Nehemia, nĩmaaheaga aini nyĩmbo, o na aikaria mĩrango, indo ciao iria maagĩrĩirũo nĩ kũheo o ta ũrĩa mabata mao ma mũthenya o mũthenya maatariĩ; ningĩ nĩmaamũragĩra Alawii indo icio, o nao Alawii magaciamũrĩra ariũ a Haruni.