Proverbs 19

¹Kaba ngĩa ĩrĩa ĩthiaga na mĩthiĩre yayo mĩgima gũkĩra mũndũ wa mĩromo mĩhotomu na no kĩrimũ.

²Ningĩ-rĩ, ngoro kwenda ũndũ ĩtarĩ na ũmenyi, ti wega; mũhĩki magũrũ nĩ kũhĩtia ahĩtagia njĩra.

³Ũkĩgu wa mũndũ nĩguo ũhong’oraga njĩra yake, nayo ngoro yake ĩgagĩcoka kũng’ong’orera Jehova.

⁴Ũtonga wongererithagia mwene arata aingĩ, no mũndũ mũhũthũ nĩ kwehererũo eheragĩrũo nĩ mũratawe.

⁵Mũira wa ũrongo ndangĩtũũra atarĩ mũherithie; mũndũ ũtumũraga na mathara ndakahonoka.

⁶Andũ nĩ aingĩ meendagĩrĩria harĩ ũrĩa ngamini; mũheani-rĩ, gũtirĩ mũndũ ũtarĩ mũrata wake.

⁷Ngĩa nĩ thũũre nĩ ariũ a ithe othe: makĩria arata ayo to gwĩthengia haraya nayo? ĩmarũmagĩrĩria ciugo, no-o nĩmethiĩrĩire.

⁸Mwĩgĩĩri na ũũgĩ nĩ mwĩthondeki ngoro yake mwene; ũrĩa wa gũtũũra agwatĩirie ũtaũku nĩ wega arĩĩonagĩra.

⁹Mũira wa maheni ndangĩtũũra atarĩ mũherithie; mũndũ ũtumũraga na mathara no gũtoma agatoma.

¹⁰Kũrĩa wega gũtiagĩrĩire kĩrimũ; makĩria gũtiagĩrĩire ndungata ĩtuĩke ya gwathaga athamaki.

¹¹Mũndũ e na ũgerekereri nĩũgiragia ahiũhe kũrakara, na ũndũ ũrĩa erahagĩra nĩ kũrekera mũndũ ũngĩ rĩĩhia.

¹²Mathũgũta ma mũthamaki nĩ ta mũthungurumo wa mũrũthi, ĩndĩ kwagĩrĩrũo nĩwe nĩ ta ireera rĩkĩgũĩra nyeki.

¹³Mwana kĩrimũ nĩ wa ndirũ harĩ ithe, na mateta ma mũtumia no ta mũtaatĩre ũrĩa ũtatigithagĩria gũtaata.

¹⁴Mũciĩ, o na indo, nĩ magai moimaga kũrĩ maithe, no mũtumia mũgerekereri oimaga kũrĩ Jehova.

¹⁵Ũgũta ũikagia mũndũ toro-inĩ mũnene; mũndũ gĩthayo arĩrĩagwo nĩ ng’aragu.

¹⁶Mũmenyereri ũhoro ũrĩa mwathane nĩ muoyo wake aramenyerera; ũrĩa ũtonaga ta e bata amenyerere mĩthiĩre yake nĩ gũkua agakua.

¹⁷Mũiguĩri arĩa athĩni tha nĩ ngwatio aragwatia Jehova, na wega ũcio wake, we no akamũrĩha.

¹⁸Hũraga mũrũguo rĩu gũkĩrĩ na kĩĩrĩgĩrĩro; ngoro yaku nĩĩtige kwenda gũtũma akoragwo.

¹⁹Mũndũ wa marũrũ maingĩ nĩakĩĩrĩhĩre ngero, amu wamũteithũra, no mũhaka ũgeka o ũguo rĩngĩ.

²⁰Iguaga ũkĩheo kĩrĩra, ĩtĩkagĩra gũtaarĩka, nĩ getha marigĩrĩrio-inĩ maku ũgagĩkorũo ũũhĩgĩte.

²¹Ngoro ya mũndũ nĩĩgĩaga na mathugunda maingĩ, ĩndĩ ũtaaro wa Jehova nĩguo ũgatũũra.

²²Kwenda kwa mũndũ nĩkuo kĩgeri kĩa ũrĩa ũtugi wake ũigana, nake mũnyamari nĩ mwega kũrĩ mũndũ wa mathara.

²³Gwĩtigĩra Jehova kũrehage muoyo; ũrĩa mũgĩu nakuo nĩ wa gũtũũra o ehotete; ndarĩ ũũru ũngĩmũgenera.

²⁴Kĩgũta kĩrikagia guoko kiuga-inĩ, na gĩkaremwo nĩ gũcoka kuoerera gĩgũkinyie kanua-inĩ.

²⁵Hũra mũtendi, arĩa matarĩ ogĩ makĩmenye kwĩrĩithagia: rũithia mũndũ ũrĩ mbuguĩro, na nĩekũhubũkĩrũo nĩ ũmenyo.

²⁶Mũndũ wa kũnyarira ithe, na aingate nyina, nĩ mwana wa gũtũma gũconokwo na wa kũrehe ũmeneku.

²⁷Mũrũ wakwa, tigaga gũthikĩrĩria ũtaarani o ũgĩcokaga kũhĩtia ũkarega ciugo icio cia ũmenyi.

²⁸Mũira ragaĩ nĩanyararaga ũciri wa kĩhooto; kanua ga kĩmaramari nĩ waganu kamerameragia.

²⁹Atendi nĩ maherithia mahaarĩrĩirio, ciande cia irimũ nĩciigĩirũo thanju.