Psalms 1

¹GŨKENA-RĨ, nĩ mũndũ ũrĩa ũtatwaranaga na ũtaaro wa arĩa aaganu, na ndarũgamaga njĩra-inĩ ya arĩa mehagia, kana agaikaraga gĩtindo-inĩ kĩa andũ arĩa atendi.

²No rĩ’, nĩ kĩrĩra kĩa Jehova ekenagĩra nĩkĩo; na kĩrĩra kĩu gĩake akerurumagia ũhoro wakĩo mũthenya o na ũtukũ.

³Agakĩhaanaga ta mũtĩ wahandirũo mĩtaro-inĩ ya maĩ, ũciaraga maciaro maguo hingo yamo yakinya, mathangũ maguo namo matihohaga; nake, ũndũ o wothe egwĩka, nĩũgaacagĩra.

⁴Arĩa aaganu matihaana ũguo; o matariĩ ta mũũngũ ũrĩa ũũmbũragwo nĩ rũhuho.

⁵Tondũ ũcio, arĩa aaganu matingĩĩtiirĩrĩria hingo ya cira, kana acio ehia meũmie kĩũngano-inĩ kĩa arĩa athingu.

⁶Amu Jehova, nĩ njĩra ya arĩa athingu oyaine nayo, nayo njĩra ya arĩa aaganu nĩ gũtoma ĩgatoma.