Psalms 15

¹JEHOVA, nũ ũngĩtuĩka mũgeni wa gũikaraga hema yaku? nũ ũngĩgĩtũũra kĩrĩma gĩaku kĩamũre?

²Nĩ rĩrĩ, nĩ ũrĩa wĩ na mĩthiĩre mĩkinyanĩru, ũrĩa wĩkaga o maũndũ ma ũthingu, na kwaria aaragia ũhoro-wa-ma, o ũrĩa wa ngoro yake;

³Mũndũ ũtarĩ na njambanio rũrĩmĩ-inĩ rũake, na ndekaga mũthiritũwe ũũru, kana akoya kiugo gĩa kũmenereria mũndũ ũngĩ wa itũũra.

⁴Maitho-inĩ make mũũra-huhũ nĩ gĩthemba kĩrurũke, no arĩa etigĩri-Jehova nĩo ekĩrĩire. O na aakorũo ehĩtĩte mwĩhĩtwa ũngĩmũũnũha, ndangĩgarũrĩra.

⁵Ndohoranagĩra mbia ciake nĩ getha one nyongeri, na ndangĩiyũkia ihaki rĩa gũtũma amene mũndũ ũtarĩ mwĩhia. Ũrĩa ũrũmagia mĩtugo ĩo ndarĩ hingo angĩenyenyeka.