Psalms 24

¹THĨ nĩ ya Jehova, o na indo iria ciiyũire kuo; mabũrũri mothe, o gwata arĩa matũire mo.

²Tondũ we nĩwe wakĩte gĩtina kĩayo maria-inĩ, agakĩmĩrũmia ĩikaire maĩ igũrũ.

³Nũ ũngĩambata kĩrĩma kĩa Jehova? nũ ũngĩkĩrũgama harĩa hake haamũre?

⁴No ũrĩa wĩ na moko matheru, na akaaga ũũru ngoro; ũrĩa ũteriragĩria ũndũ ũrĩa ũtarĩ guo, ningĩ ndarĩ ehĩta na ũhinga.

⁵Ũcio nĩwe wa kwamũkĩra kĩrathimo harĩ Jehova, akĩamũkĩre ũthingu harĩ Ngai mwene ũhonokio wake.

⁶Kĩu nĩkĩo gĩthemba kĩa arĩa mamũmathaga, arĩa marongoragia ũthiũ waku, wee Ngai wa Jakubu.

⁷Ĩambarariei na igũrũ, ihingo ici! kĩĩoererei, mĩromo ĩno ya ndĩrĩri: Mũthamaki wa riri atonye!

⁸Mũthamaki wa riri nĩwe ũ? Nĩwe Jehova, ũrĩa ũrĩ hinya na nĩ njamba, nĩ Jehova ũrĩa njamba ya ita.

⁹Ĩambarariei na igũrũ, ihingo ici! kĩĩoererei, mĩromo ĩno ya ndĩrĩri: Mũthamaki wa riri atonye!

¹⁰Mũthamaki wa riri nĩwe ũ? Jehova mwene mbũtũ cia ita-rĩ, nowe Mũthamaki wa riri.