Psalms 27

¹JEHOVA nĩwe ũtheri wakwa, o gwata ũhonokio wakwa ingĩgĩĩtigĩra ũ? Jehova nĩwe hinya ũrĩa ũgitĩire muoyo wakwa ũrĩa ũngĩ’makia nũ?

²Rĩrĩa ndaharũkĩirũo nĩ arĩa eki-naĩ, atĩ mandĩe nyama cia mwĩrĩ-rĩ, acio maarĩ muku na niĩ, o ro acio thũ ciakwa, nĩo maatindirukire makĩgũa.

³O na ita ingĩnjakĩrĩra iraaro, ngoro yakwa ndĩngĩguoyoha: o na ingĩũkĩrĩrũo nĩ ndathano, o narĩo ndingĩgĩa na nganja.

⁴Ndĩ o ũndũ ũmwe nyendete harĩ Jehova, na nĩguo ndĩĩthingataga; nĩ atĩ njikarage nyũmba ya Jehova matukũ mothe ma muoyo wakwa, ndĩĩonagĩre wega wa Jehova, na ndĩĩtuĩragĩrie ũhoro kũu thĩinĩ wa hekarũ yake.

⁵Amu-rĩ, mũthenya wa ũũru akangitania thĩinĩ wa gĩthũnũ gĩake kĩa mwĩgunyĩ: o kũu hema yake, harĩa hegitĩtie, noho aka’hitha; nĩ kũhaicia aka’haicia o ndũmba ya ihiga igũrũ.

⁶Na rĩu nĩ hĩndĩ mũtwe wakwa ũgũtũũgĩrio na igũrũ harĩ thũ ciakwa iria i’thiũrũrũkĩirie; nĩngaruta magongona me na ndũhiũ ndĩ hema-inĩ yake; kũina nĩngaina, nyinĩre Jehova o ngĩmũgoocaga.

⁷Ĩ Jehova, igua mũgambo wakwa ngĩkaya; kĩnginyĩrie wega waku, ũnyamũkĩrie.

⁸Harĩa woigire, Rongoriani ũthiũ wakwa-rĩ, ngoro yakwa ĩkwĩrĩte ũũ: Ũthiũ waku, Jehova, nĩndĩrĩũrongoragia.

⁹Tiga kwĩĩ’hithĩra ũthiũ; tiga gũkĩingata ndungata yaku na marakara: nĩwe ũtũire ũndeithagia; ndũkande, kana ũndiganĩrie nyike, wee Ngai wa ũhonokio wakwa.

¹⁰Amu nĩndiganĩirio nĩ awa o na maitũ, no Jehova nĩwe ũkwĩĩnjoera.

¹¹Nyonagĩrĩria njĩra yaku, Jehova; ndwaraga o na ũthiĩro mwaraganu, nĩ ũndũ wa arĩa maikaraga manjoheirie.

¹²Ndũka’nenganĩre mwĩrirĩrio-inĩ wa arĩa me muku na niĩ, amu nĩnjũkĩrĩirũo nĩ anjigĩrĩri igenyo, arĩa-ni mĩheehũ ĩrĩa maheehũraga no wagi-tha mũtheri.

¹³Guca njĩtĩkĩtie atĩ nĩngeyonera wega wa Jehova ndĩ bũrũri wa arĩa me muoyo, ingĩrĩ kũhooteka.

¹⁴Eterera o Jehova: gĩa na hinya, na wiũmĩrĩrie ngoro: ĩĩ-ni, no gĩeterere Jehova.