Psalms 26

¹JEHOVA, ĩkĩra ũhoro wakwa ituĩro, amu niĩ-rĩ, ’thiaga o na wĩkindĩru wa ngoro yakwa, o na ndũire ndĩĩhokete Jehova itegũthangania.

²Ngeria, Jehova, ũkĩndoranie wega; tuĩria higo ciakwa, o gwata ngoro.

³Amu ũtugi waku nĩũikaraga o mbere ya maitho makwa, na ngeraga o njĩra ya ũhoro waku wa ma.

⁴Ndirĩ ndatuĩka wa gũikaranagia na andũ a tũhũ, o na ndingĩtonyania na arĩa ahinga.

⁵Kĩũngano kĩa arĩa eki-naĩ no gũthũũra ndĩgĩthũire; arĩa aaganu-rĩ, ndingĩikarania nao.

⁶Ngwĩthambia moko rĩĩthambĩro-inĩ rĩa kũnina ũũru, ngĩthiũrũrũke kĩgongona gĩaku, Jehova:

⁷Nĩguo ndũme kũiguwo mũgambo wa gũcokia ngatho, ngĩganaga maũndũ mothe ma magegania marĩa waneka.

⁸Ĩ Jehova, nĩnyenda mũno gĩtũũro kĩu nyũmba yaku ĩrĩ, o kũu riri waku ũikaraga.

⁹Ndũkanonganie ngoro yakwa hamwe na andũ arĩa mehagia; muoyo wakwa-rĩ, ndũgakĩũthenganĩrie hamwe na arĩa a thakame,

¹⁰Arĩa me na mauungumania moko-inĩ mao, moko mao ma ũrĩo magakĩiyũra mahaki.

¹¹No niĩ-rĩ, ndĩrĩthiaga o na wĩkindĩru wa ngoro yakwa: kĩngũũre, ũnginyĩrie wega waku.

¹²Rĩu kũgũrũ gwakwa nĩ gũkinyu harĩa haaraganu wega: ciũngano-inĩ cia kĩrĩndĩ nĩkuo ndĩrĩkĩgathagĩra Jehova.