Psalms 29

¹RAHAI Jehova, inyuĩ ariũ a Mũrungu, rahai Jehova atĩ nĩwe wĩ riri na e hinya;

²Rahai Jehova mũkĩgane riri wa rĩĩtwa rĩake; thathaiyai Jehova mwĩgemetie na ũgemu ũrĩa wa ũtheru.

³Mũgambo wa Jehova nĩ kũgamba ũragamba na kũu iria-inĩ; rungu, ũcio wĩ riri, nĩ hĩndĩ egũkĩruruma, o we Jehova akaruruma kũu igũrũ rĩa maĩ maingĩ.

⁴Mũgambo wa Jehova wĩ na hinya; mũgambo wa Jehova nĩ mũkaru o gũkara.

⁵Mũgambo wa Jehova-rĩ, uunaga mĩtarakwa; ĩĩ-ni, Jehova nĩoinangaga mĩtarakwa ĩrĩa ya Lebanoni.

⁶O na gũtũhatũhia akamĩtũhatũhia ta gacaũ, irĩma icio cia Lebanoni na Sirioni igagĩtũhatũha o ta gĩcaũ kĩa mbogo.

⁷Mũgambo wa Jehova ũthendũkithagia nĩnĩmbĩ cia mwaki.

⁸Mũgambo wa Jehova nĩũthingithagia werũ; o nginya werũ wa Kadeshi, Jehova agakĩũthingithia.

⁹Mũgambo wa Jehova ũtũmaga thwariga irike kũrũmwo igagĩciara, naguo ũgatũma mĩtitũ ĩhũrũrũke ĩgathera o gũthera: nakuo hekarũ-inĩ yake kĩrĩa gĩothe gĩĩ kuo gĩkoiga, Kaĩ e riri-ĩ!

¹⁰Jehova-rĩ, o hingo ĩrĩa ya Mũiyũro wa Maĩ, no aaikarĩire gĩtĩ gĩa ũthamaki; ĩĩ-ni, Jehova aikaraga ho e mũthamaki wa mĩndĩ na mĩndĩ.

¹¹Jehova nĩarĩheaga kĩrĩndĩ gĩake hinya; Jehova arĩrathimaga kĩrĩndĩ gĩake agĩkĩheaga thayũ.