Psalms 30

¹NĨNGŨGĨKŨGOOCA ngũtũũgĩrie, wee Jehova; tondũ nĩũngucĩtie na igũrũ, ũgakĩaga kũreka thũ ciakwa ingenerere.

²Ĩ Jehova, Ngai wakwa, ndĩrakũrĩrĩire, nawe kũhonia nĩũkĩ’honetie.

³Ĩ Jehova, ngoro yakwa nĩũmĩrutĩte thĩ o kwa ngoma; nĩũnjikairie na muoyo, ndige gũtonyerera irima.

⁴Inĩrai Jehova mũmũgooce, inyuĩ mũrĩ ũiguano nake, rĩĩtwa rĩu rĩake rĩamũre mũkĩrĩcokerie ngatho.

⁵Amu marakara make no ma kahinda kanini, ĩndĩ mĩtuganĩre yake nĩ ya gũtũũria mũndũ muoyo: kĩrĩro no gũũka kũraarĩrĩra hwaĩ-inĩ, na rũcinĩ gũkaroka ngemi.

⁶Niĩ hakwa-rĩ, rĩrĩa ndaikaire ngaacĩire, ndoigire atĩrĩ, Ndirĩ hingo ngenyenyeka.

⁷Wee, Jehova-rĩ, tondũ wa mĩtuganĩre yaku, nĩwarũmitie kĩrĩma gĩakwa: rĩrĩ rĩngĩ ũkĩĩhitha ũthiũ, ngĩmaka.

⁸Ngĩcoka ngĩgũkaĩra, wee Jehova; nĩ Jehova ndagĩthaithire:

⁹Atĩrĩ, Thakame yakwa ĩĩ na uumithio ũrĩkũ, ndatonyerera irima? tĩri-rĩ, nĩguo ũngĩkũgoocaga? nĩguo ũngiumbũraga ũhoro waku wa ma?

¹⁰Jehova, igua, ũkĩnginyĩrie wega waku: ĩ Jehova, ĩtĩkĩra gũtuĩka mũndeithia.

¹¹Rĩu nĩũngarũranĩirie mũcayo ũcio ndĩrarĩ naguo ũgatuĩka ndũrũhĩ; ũngundũrĩte nguo ya ikũnia, ũkanjoha cia gĩkeno;

¹²Nĩ getha riri wakwa ũkũinagĩre, ngũgoocage, thengia gũkira. Ĩ Jehova, Ngai wakwa-ĩ, ngũgĩtũũra ngũcokagĩria ngatho nginya mĩndĩ na mĩndĩ.