Psalms 32

¹MŨNDŨ gũkena, nĩ ũrĩa woheirũo wĩhia wake, kũhĩtia gwake gũgakĩhumbĩrũo.

²Gũkena-rĩ, nĩ ũrĩa Jehova atangĩtua mwaganu, o ũrĩa ũtakĩrĩ na ũhinga ngoro.

³Hĩndĩ ĩrĩa ndaikarĩte o ndumĩtie, mahĩndĩ makwa nĩmendire kũhinyara nĩ ũrĩa ndatindaga ngĩrarama o nginya gũgatuka.

⁴Nĩ gũkorũo guoko gwaku nĩkwanditũhagĩra mũthenya o na ũtukũ; ũruru wakwa ũgĩkĩgarũrũka ũgĩtuĩka ta ũnyotu wa hingo ya themithũ.

⁵Ngĩtua gũkũmenyithia kũhĩtia gwakwa, waganu wakwa ngĩgĩtiga kũũhumbĩrĩra, ngiuga atĩrĩ, Mehia makwa nĩ kuumbũra ngũmoimbũrĩra Jehova: wee nawe ũgĩkĩnjohera waganu wa ihĩtia rĩakwa.

⁶Tondũ ũcio, mũndũ o wothe mũigua-Ngai nĩakũhoyage hĩndĩ ĩrĩa ũngĩoneka: rĩrĩa maĩ ma mũiyũro maakĩrũka ndangĩkinyĩrĩrũo nĩmo.

⁷Wee nowe wĩhitho wakwa; harĩ mĩnyamaro-rĩ, nĩwe ũrĩnindagĩrĩra; ũgũtũma ndũũre ’thiũrũrũkĩirio nĩ ndũhiũ cia kũhatũrũo kũu ’hatũrĩtwo.

⁸Nĩngũkũũhĩgia, nguonererie njĩra ĩrĩa ũrĩgeraga; ndĩĩgũtaaraga o ngĩkũbaraga na riitho rĩakwa.

⁹Inyuĩ, tigai gũikara ta mbarathi, kana ta nyũmbũ, itakĩrĩ na mbuguĩro; mathaga ma cio no mũrĩnga wa kanua na mũkwa mwene, cia kũinyita nacio, kwaaga ũguo, itingĩgũkuhĩhĩria.

¹⁰Mũndũ mwaganu-rĩ, nĩ wa matuurũo maingĩ: ĩndĩ mũndũ ũrĩa wĩhokaga Jehova, egũtũũra arigicĩirio nĩ ũtugi.

¹¹No gĩkenerei Jehova, mũcanjamũke, inyuĩ athingu, na mũkũngũiye nĩ gũkena, inyuothe arũngĩrĩru ngoro.