Psalms 46

¹NGAI nĩwe mũrahĩro witũ, ningĩ hinya ũrĩa twangagĩra; akoragwo e na ũteithio mũno, wa hingo ya mĩnyamaro.

²Tondũ ũcio tũtingĩĩtigĩra, o na thĩ ĩngĩgarũrũka, na ithuri ituĩke nĩiragũũka ikĩgũaga o thĩinĩ wa iria;

³O na maĩ marĩo mangĩkorũo nĩmararuruma o makĩhũranaga, nacio irĩma ikainaina nĩ nditi yamo.

⁴Kwĩ na rũũĩ-ĩ, mĩtaro yaruo ĩkenagia itũũra rĩa Ngai, o kũu kwamũre kwene gĩikaro kĩa Ũcio-wĩ-Igũrũ Mũno.

⁵Ngai nĩaikaraga kuo gatagatĩ karĩo; kwenyenyeka rĩtikenyenyeka: Ngai nĩwe wa kũrĩteithia, kĩroko o gwatua gũkĩa.

⁶Ndũrĩrĩ nĩiraronjete, mothamaki makenyenya: we aratumũra mũgambo, thĩ ĩratwekũka.

⁷Jehova mwene mbũtũ cia ita nĩwe twĩ nake; Ngai wa Jakubu-rĩ, nĩwe rĩangĩro riitũ.

⁸Ũkai, mwĩrorere mawĩko ma Jehova, muone ũrĩa areketie thĩ macanjama.

⁹Nĩ mũnini mbaara nginya o gĩturi gĩa thĩ: ũta akauunanga, na itimũ agatinania, namo makari ma ita akamacina na mwaki.

¹⁰Tigani, mũmenye nĩ niĩ Ngai: nĩndĩĩtũũgĩraga ndũrĩrĩ-inĩ, ndĩĩtũũgĩraga thĩ yothe.

¹¹Jehova mwene mbũtũ cia ita nĩwe twĩ nake; Ngai wa Jakubu-rĩ, nĩwe rĩangĩro riitũ.