Psalms 47

¹INYUĨ iruka ciothe cia andũ, hũrai hĩ; ugĩrĩriai nĩ ũndũ wa Ngai gũgĩthĩrĩrĩkagio ngemi.

²Nĩ amu Jehova Ũrĩa-Wĩ-Igũrũ-Mũno nĩ wa gĩĩtigĩrithanio kĩnene; nĩ Mũthamaki mũnene wĩ igũrũ rĩa thĩ yothe.

³Irĩndĩ cia thĩ nĩwe mũtũhootithia, ikagĩa ruungu ruitũ, ndũrĩrĩ-rĩ, igakĩgĩa thĩ ya makinya maitũ.

⁴Igai riitũ nĩwe mũtũthurĩri, o rĩo mwĩraho ũrĩa wa Jakubu, mwendwo wake.

⁵Ngai-rĩ, nĩaambatĩte, o agĩkũngũagĩrũo; we Jehova nĩaambatĩte, o gũkĩgambagio macoro.

⁶Inĩrai Ngai; mũgoocei na rũĩmbo: inĩrai Mũthamaki witũ, kĩinei mũmũkumie.

⁷Nĩ amu Ngai nowe Mũthamaki wa thĩ yothe: kĩmũgoocei na rũĩmbo o rũrĩa rũgereke wega.

⁸Ngai rĩu nĩagwete gũthamakĩra ndũrĩrĩ; we Ngai nĩaikarĩire gĩtĩ kĩrĩa gĩa ũtheru wake.

⁹Anene a irĩndĩ nĩmeturanĩire matuĩke andũ a Ngai wa Iburahimu: amu ngo cia thĩ-rĩ, mwene cio no Ngai; atũũgĩrĩte o mũno mũno.