Psalms 52

¹WĨRAHAGĨRA maũndũ moru nĩkĩ, wee njamba ĩno? ũtugi wa Mũrungu ũtũũraga o hingo ciothe.

²Rũrĩmĩ rũaku rũthugundaga o ũhoro wa ũmaramari; nĩ ta rũenji rũrĩa rũũgĩ, mũndũ ũyũ ndĩĩra-thĩ!

³Maũndũ moru nĩmo wendete gũkĩra marĩa mega, ũgakĩenda ũrongo gũkĩra kwaria ũthingu.

⁴Ndeto ciothe iria ininithagia andũ nĩcio wendete, rũrĩmĩ rũrũ rũa maheni!

⁵Mũrungu nake nĩ kũmomora agakũmomora nginya tene na tene; kũnyita agakũnyita akũhurie akũrute hema-inĩ yaku, agĩgũkonye uume bũrũri-inĩ wa arĩa me muoyo.

⁶Nao arĩa athingu makona ũguo, metigĩre, na mathekerere mũndũ ũcio, moige atĩrĩ,

⁷Onei, mũndũ ũyũ nĩwe ũrĩa ũtaratuĩte Ngai hinya wake, tiga o kwĩhoka arehokaga ũrĩa ũtonga wake ũrĩ mũingĩ, na akeyũmĩrĩria gwĩka ũhoro ũcio wake wa ũmaramari.

⁸No niĩ hakwa-rĩ, ndariĩ ta mũtamaiyũ mũruru ndĩ thĩinĩ wa nyũmba ya Ngai: ũtugi wa Ngai nĩguo ngũtũũra ndĩĩhokete nginya tene na tene.

⁹Ngũtũũra ngũcokagĩria ngatho o nginya tene, nĩ ũndũ nĩwe wĩkĩte ũguo; narĩo rĩĩtwa rĩaku nĩrĩo ndĩrĩetagĩrĩra ndĩ mbere ya arĩa marĩ ũiguano nawe, tondũ nĩ rĩega.