Psalms 51

¹NGINYĨRIA wega waku, Ngai, kũringana na ũrĩa ũtugi waku ũigana; tondũ wa ũguo matha maku marĩ maingĩ-rĩ, tharia mehia makwa o gũtharia.

²’Thambia mũno, waganu wakwa ũ’thire, ’theria, mahĩtia makwa maninũke.

³Amu nĩnjũĩ mehia makwa, o niĩ mwene, mahĩtia makwa ngakĩmonaga o ro hingo ciothe.

⁴Wee nĩwe njĩhĩtie, wee wiki, ngeka ũrĩa wee wonaga arĩ ũũru: gũtuĩke atĩ wee wagwata kwaria, nĩ kĩhooto ũrĩ nakĩo, wee ũgĩtua cira-rĩ, ũgĩtuĩke ũrĩ o mũtheru.

⁵Niĩ-rĩ, ndaciarĩirũo waganu-inĩ; maitũ aagĩire ihu rĩa kũnjiara arĩ o na mehia.

⁶Wee wĩkenagĩra no mũndũ kũgĩa na ũhoro-wa-ma o ngoro thĩinĩ; hau thĩinĩ hahitharu nĩho ũrĩtũmaga ’menyagĩre ũũgĩ.

⁷Njitũrũria na mũthobi, na nĩngũthera; ’thambia, na nĩngwerũha gũkĩra tharunji.

⁸Njiguithia gĩkeno na mũcanjamũko wa ngoro, mahĩndĩ marĩa ũ’thetherete makenũke.

⁹Wĩgitie ũthiũ, ũtige kũrora mahĩtia makwa; na gũtharia ũtharie mawaganu makwa mothe mathire.

¹⁰Ngai, nyũmbĩra ngoro ĩtarĩ na gĩko; thĩinĩ wakwa cokia roho mwerũ, mwĩkindĩru.

¹¹Ndũkanyingate nyume harĩ wee, na ndũkana’thengerie roho waku mũtheru.

¹²’Hũndũrĩra gĩkeno kĩrĩa kĩa ũhonokio waku, na ũndiirĩrĩre na roho mwĩenderi.

¹³Na niĩ nĩndĩĩkĩrutaga arĩa ehia magerage njĩra ciaku, acio mahĩtĩtie macoke kũrĩ wee.

¹⁴Ĩ Ngai, wee Ngai mwene ũhonokio wakwa, kĩndeithũre ngero-inĩ ya ũũragani, naruo rũrĩmĩ rũakwa no rũkũngũiye rũgane ũthingu waku.

¹⁵Mwathani, tumũra mĩromo yakwa, na kanua gakwa nĩgegũkĩonania kũgoocwo gwaku.

¹⁶Amu wee ti igongona ũkenagĩra, nĩguo ngũrutĩre; ihaki rĩa njino-rĩ, tirĩo wee ũngĩkenio nĩrĩo.

¹⁷Magongona ma Ngai nĩ roho ũrĩa mũthuthĩku; ngoro ĩrĩa ĩthuthĩkĩte na ĩkahera-rĩ, wee, Ngai, ndũngĩmĩira.

¹⁸Gĩĩke Zayuni wega nĩ ũndũ wa wega ũrĩa waku; aka njirigo cia Jerusalemu.

¹⁹Nĩrĩo ũgagĩkenagĩra magongona marĩa ma ũthingu, mahaki ma njino, o marĩa ma gũcinwo magathira o biũ! nĩrĩo ũkarutagĩrũo ndegwa kĩgongona-inĩ gĩaku.