Psalms 50

¹MŨRUNGU, o Ngai, o we Jehova, nĩaarĩtie, ageta thĩ kwarũma o irathĩro rĩa riũa nginya o ithũĩro rĩarĩo.

²Nĩ hĩndĩ Ngai acangarũrũkĩte arĩ Zayuni, o kũu kũhingĩtie gũthakara.

³Ngai witũ nĩ gũũka aroka, na ndekira: mbere yake nĩ mwaki ũrarambia, na kũu kũmũthiũrũrũkĩirie no kĩhuhũkanio kĩnene.

⁴Nĩareta matu-mairũ, ma kũrĩa igũrũ, na ageta thĩ o nayo, nĩguo acirithie kĩrĩndĩ gĩake:

⁵Ũnganiai arĩa tũrĩ ũiguano nao, moke harĩ niĩ, acio maagĩire kĩrĩkanĩro na niĩ na igongona.

⁶Narĩo igũrũ nĩrĩanĩrĩre ũthingu wake, amu Ngai we mwene nĩwe mũtua-cira.

⁷Inyuĩ kĩrĩndĩ gĩakwa, iguai, nĩngwaria; wee Isiraeli-rĩ, thikĩrĩria, ũhoro waku nguumĩrĩrie; nĩ niĩ Ngai, o Ngai waku.

⁸Ti magongona maku ngũkũrũithĩria; mahaki maku ma njino maikaraga mbere yakwa hingo ciothe.

⁹Ndegwa ya mũciĩ waku, niĩ ndingĩmĩoya, kana thenge ciumĩte ciugũ-inĩ ciaku.

¹⁰Nĩ gũkorũo nyamũ ciothe cia gĩthaka no ciakwa, o na mahiũ marĩa me ng’ongo ngiri na ngiri.

¹¹Nyamũ ciothe ii njoya, iria cia na irĩma-inĩ, gũtirĩ itoĩ; o gwata nyamũ njũrũri cia werũ-inĩ, no indo ciakwa.

¹²Ingĩkorũo ’hũtiĩ, ndingĩkwĩra: nĩ ũndũ thĩ nĩ yakwa, o na indo iria ciiyũire kuo.

¹³O nĩ ndĩe nyama cia ndegwa, kana ngĩnyue thakame ya mbũri?

¹⁴Atĩrĩ, rutagĩra Ngai igongona cia gũcokia ngatho, ũkĩhingagĩrie Ũrĩa-wĩ-Igũrũ-Mũno mĩĩhĩtwa ĩrĩa wĩhĩtĩte;

¹⁵Ningĩ mũthenya ũrĩa ũkona mĩnyamaro, ngaĩra; nĩngagũthara harĩ yo, nawe ũkĩngooce.

¹⁶No rĩrĩ, ũrĩa mwaganu-rĩ, ũrĩa Ngai ekũmwĩra nĩ ũũ: Nĩ atĩa wee, tondũ ũrongoragĩria mĩtugo ĩrĩa ndatuanĩire, na ũgekĩra kĩrĩkanĩro gĩakwa kanua-inĩ gaku,

¹⁷Kuona nĩũgĩthũire gũtaarũo, na ciugo icio ciakwa ũgagĩciikia na thutha?

¹⁸Wona mũici-rĩ, nĩ gũkena ũkenanagĩra nake, na ũkagĩa rũmwe na itharia.

¹⁹Ũrekagĩrĩria kanua gaku kaarie ndeto njũru, rũrĩmĩ rũaku rũgagĩkonjania maheni.

²⁰Ũikaraga thĩ ũgacambia mũrũ wa nyũkwa; o ro ũcio mũrĩ a nda ĩmwe nake-rĩ, ũgakĩmũigĩrĩra kĩgenyo.

²¹Maũndũ macio ũtũire ũmekaga, na niĩ ngakira; ũgakĩĩgeragĩria atĩ niĩ ndariĩ o tawe: no rĩrĩ, nĩngũkũrũithia, ndĩmaaranie maitho-inĩ maku.

²²Rĩu gĩcũraniei ũhoro ũyũ, inyuĩ mũriganagĩrũo nĩ Ngai, ndikae kũmũtambura, na gũtioneke wa kũmũteithũra:

²³Atĩrĩ, ũrĩa ũrutaga igongona cia gũcokia ngatho-rĩ, ũcio nĩwe ũngoocaga nake ũrĩa ũrũngagĩrĩria mĩthiĩre yake, nĩwe ndĩrĩonagia ũhonokio wa Ngai.