Psalms 6

¹Ĩ JEHOVA, tiga kũndũithia ũrĩ na marakara, o na kana ũ’herithie ũrĩ na marũrũ.

²Nginyĩria wega waku, Jehova, amu no ndĩrahoherera; Jehova, ’honia; amu mahĩndĩ makwa nĩ macanjamu.

³O nayo ngoro yakwa nĩĩcanjamĩte mũno: ĩ nawe, Jehova, nĩ nginya rĩ?

⁴Jehova, hũndũka, ũthare ngoro yakwa ũgwati-inĩ; ’honokia nĩ ũndũ wa ũtugi waku.

⁵Thima-rĩ, gĩkuũ-inĩ wee ndũririkanagwo: kwa ngoma-rĩ, nũ ũngĩgũcokeria ngatho?

⁶Ndĩ mũnogu mũno nĩ ũndũ wa gũcaya; ũtukũ o ũtukũ nĩ gũconjoria njonjoragia ũrĩrĩ wakwa, kĩrumia gĩkĩ gĩakwa ngagĩcagacia na maithori.

⁷Riitho rĩakwa nĩ ithirĩrĩkĩru nĩ ũndũ wa kũigua ũũru, rĩkahwererekera nĩ ũndũ wa arĩa othe me muku na niĩ.

⁸Njehererai, inyuothe eki a maũndũ maaganu; amu Jehova nĩaaigua mũgambo wakwa ngĩrĩra.

⁹Jehova nĩaaigua ngĩmũthaitha; ihoya rĩakwa, Jehova nĩekũrĩĩtĩkĩra.

¹⁰Thũ ciakwa ciothe gũconoka no iconoke, na icanjame mũno; no icoke na thutha, igwatwo nĩ thoni o hau-hau!