Psalms 76

¹THĨINĨ wa Juda, Ngai nĩ mũmenyeku; thĩinĩ wa Isiraeli-rĩ, rĩĩtwa rĩake no rĩnene.

²Nakĩo gĩthũnũ gĩake kĩa mwĩgunyĩ kĩrĩ o Salemu, gĩtũũro gĩake no Zayuni kĩrĩ.

³Kũu nĩkuo oinangĩire mĩguĩ ya ũta; ngo, o na rũhiũ, o gwata mathaita mothe.

⁴Wee-rĩ, ũcangararĩte mũno, o na gũkara ũgakara, ũkiuma na irĩma-inĩ iria ciumaga mataha.

⁵Arĩa omĩrĩru ngoro nĩ acume, gũkoma nĩ akomu; andũ acio ing’ara gũtirĩ ũronire moko ma kũrũa.

⁶Tondũ wa kũrũithania gwaku, wee Ngai wa Jakubu, ngari ya ita na mbarathi nyene nĩ kũgonia igonetie toro.

⁷Wee, o wee-rĩ, nowe wa gwĩtigĩrũo; nake nũ ũngĩgwĩtiirĩrĩria wagwata kũrakara?

⁸Nĩũratũmire ituĩro rĩiguwo riumĩte igũrũ; thĩ ĩrakĩmaka, ĩrakira o ngiria,

⁹Hĩndĩ ĩo Ngai ararũgamire ekĩre ituĩro, nĩguo ahonokie ahoreri othe arĩa me gũkũ thĩ.

¹⁰Marũrũ ma andũ-rĩ, matirĩ hingo matagakũhe ngatho; matigari ma marũrũ mao nĩ kwĩoha ũkameoha ta ndoho.

¹¹Ĩhĩtei, na kũhingia mũhingĩrie Jehova Ngai wanyu; arĩa othe mamũthiũrũrũkĩirie nĩmamũtegere matega, o we ũcio wagĩrĩirũo nĩ kũguoyoherũo.

¹²We maroho ma atongoria nĩamatinagia: athamaki a thĩ-rĩ, harĩ o nĩ wa gwĩtigĩrũo mũno.