Psalms 88

¹Ĩ JEHOVA, wee Ngai mwene ũhonokio wakwa, mũthenya ndindaga o ngĩkũrĩrĩra, o na ũtukũ ndĩ o harĩ wee:

²Ihoya rĩakwa ta reke rĩgĩtonye hau ũrĩ; inamĩrĩria gũtũ ũigue kayũ gakwa.

³Nĩ gũkorũo ngoro yakwa nĩ kũhũna ĩhũniĩ maũũru marĩa nyonete, muoyo wakwa ũgagĩkuhĩrĩria kwa ngoma.

⁴Ndaranĩirio na arĩa matonyaga irima; ndariĩ ta mũndũ ũtangĩona wa kũmũtangĩra;

⁵Ngaikanio harĩ arĩa akuũ, o ta arĩa orage, arĩa makomete mbĩrĩra, arĩa ũtangĩgacoka kũririkana; o nĩ ariganĩrĩrie na guoko gwaku.

⁶Ũngometie thĩinĩ wa irima, o kũu kũrĩ thĩ mũno, kũndũ kwĩ nduma, o kũrĩa kũriku.

⁷Ndĩ mũmamĩre mũno nĩ marũrũ maku, makũmbĩ maku ma maĩ ũ’thĩnĩtie namo mothe.

⁸Andũ arĩa tũmenyaine ũndigithanĩtie nao o kũnene; ũtũmĩte nduĩke kĩndũ kĩĩ magigi harĩ o; ndĩ mũhingĩrĩrie, ngaremwo nĩ kuumĩra.

⁹Riitho rĩakwa nĩ ithirĩrĩkĩru tondũ wa ũrĩa ndandiũkĩte: ndirĩ mũthenya itagũkayagĩra, wee Jehova; ndindaga o ngwarĩire moko.

¹⁰Andũ arĩa akuũ-rĩ, nĩo ũngĩĩka maũndũ ma kĩgeganio nĩ ũndũ wao? ngoma-rĩ, nĩcio ingĩgĩũkĩra igũcokerie ngatho?

¹¹Ũhoro wa ũtugi waku nĩũngĩkĩhunjĩka thĩinĩ wa mbĩrĩra? kana kwĩhokeka gwaku kũganĩke kũu Mũũrĩro-inĩ?

¹²Kũu nduma-inĩ-rĩ, maũndũ maku, o na tondũ me kĩgeganio, maakĩhota kũmenyeka? ũthingu waku wakĩmenyekera bũrũri ũcio wa kĩriganĩro?

¹³No niĩ-rĩ, ndũire o ngũrĩragĩra, wee Jehova, rũcinĩ ihoya rĩakwa no rĩgĩkũrokagĩre.

¹⁴Ngoro yakwa ũmĩikanĩtie nĩkĩ, Jehova? nĩ kĩ gĩtũmĩte wĩĩ’hithĩre ũthiũ?

¹⁵Kuuma ndĩ o mũnyinyi ndũire o ’thĩnĩkĩte na ngakuhĩrĩria gũtumbũka; ndũire ndĩĩtiirĩtie matebebia maku o nginya ngenda kũhũgũya.

¹⁶Kũbucuna gwaku nĩ kũ’hubĩkania kũ’hubĩkanĩtie; matua-nda maku nĩma’ninĩte o kũ’nina.

¹⁷’Thiũrũrũkagĩrio nĩmo mũthenya wothe o ta maĩ; nĩ kũ’hĩtĩrĩra ma’hĩtĩrĩire mothe o hamwe.

¹⁸Andũ arĩa anyendi o na arata nĩũtũtigithanĩtie nao o kũraya; nduma noyo thiritũ yakwa.