1 Timothy 2

¹Ore naa enaituruk, entirrisha esayiata o enkomono o eomonokinoto o enkishooroto e nashe metaasi too ltung'ana pooki,

²too laiguanak o lelo pooki ootii iwuejitin e nkitoo pee kitoni te mborron o te nkishon naserian, neure Enkai neyanyitisho too nkoitoi pooki.

³Ena esidai naa ninye nang'amaroyu too nkonyek e Nkai Olaitajeunoni lang,

⁴laa keyieu ninye neitajeuni iltung'ana pooki nepuonu aatum eyiolounoto e sipata.

⁵Amu nabo Enkai, naa obo olaitutumoni le Nkai o ltung'ana, oltung'ani oji Kristo Yesu,

⁶oishorua kewan enye pee eaku elakunoto te pooki, neitakiaki shakenisho te nkata enye naishiaakino.

⁷Te nkaraki ena pee aategeluaki nanu mataa olalikioroni o lkipaaret (naasipa ajoito, malejisho nanu), ataa olaiteng'enani loo loreren te nkirukoto o te sipata.

⁸Kayieu naa neomon ilewa too wuejitin pooki, neilepie inkaik naasinya nemetii engoro aashu enchankar.

⁹Keishiaa sii pee ekus ate inkituaak aaiririki te ng'eno o too lkilani ooishiaakino, neme te nchetata oo lpapit aashu te saabu aashu too lului, aashu too nkilani naagol enkinyiang'a

¹⁰kake too iasat sidain, anaa enaishiaakino inkituaak naajo keeta enkirukoto.

¹¹Inchoo enkitok eiteng'enuo te ngira neaku enaning'isho.

¹²Manyorraki hoo enkitok meiteng'enisho aashu meitoria ilewa, inchoo ninye metigirayu.

¹³Amu Adam apa eiteraki aaitobir neitokini Hawa.

¹⁴Neme Adam apa etelejaki, kake enkitok apa etelejaki, neaku etigila nkitanapat.

¹⁵Kake keitajeuni enkitok te ishoi oo nkera te nebik tiatua enkirukoto o enyorrata o esinyatisho, te nebo o eng'eno o esupatisho te nebo o eng'eno biyoto.