Psalms 130

¹LATI inu ibu wá li emi kepe ọ, Oluwa.

²Oluwa, gbohùn mi, jẹ ki eti rẹ ki o tẹ́ silẹ si ohùn ẹ̀bẹ mi.

³Oluwa, ibaṣepe iwọ a mã sami ẹ̀ṣẹ, Oluwa, tani iba duro?

⁴Nitori idariji wà lọdọ rẹ, ki a le ma bẹ̀ru rẹ.

⁵Emi duro dè Oluwa, ọkàn mi duro, ati ninu ọ̀rọ rẹ̀ li emi nṣe ireti.

⁶Ọkàn mi duro dè Oluwa, jù awọn ti nṣọ́na owurọ lọ, ani jù awọn ti nṣọ́na owurọ lọ.

⁷Israeli iwọ ni ireti niti Oluwa: nitori pe lọdọ Oluwa li ãnu wà, ati lọdọ rẹ̀ li ọ̀pọlọpọ idande wà.

⁸On o si da Israeli nidè kuro ninu ẹ̀ṣẹ rẹ̀ gbogbo,