تاريخ اول 25

¹داود او عسکري قوماندانانو د اساف، هیمان او د یدوتون ځینې اولاده غوره کړه چې د عبادت د چارو مشري په غاړه واخلي: هغوی به د خدای پیغامونه اعلانول او رڅپرکیونه، چنګونه او تالونه به یې غږول. دا د ساز غږوونکو او سندرغاړو او د هغوی د وظیفو لست دی:

²د اساف څلور زامن یعنې زکور، یوسف، نتنیا او اشرییله د خپل پلار تر لارښوونې لاندې کار کاوه. اساف د پاچا تر حکم لاندې د خدای پیغامونه اعلانول.

³یدوتون شپږ زامن درلودل چې جدلیا، صري، اشعیا، شمعي، حشبیا او متتیا نومېدل. هغوی د خپل پلار تر لارښودنې لاندې د خدای پیغامونه اعلانول. هغوی رڅپرکیونه غږول او څښتن ته یې د ستاینې او شکرګزارۍ سندرې ویلې.

⁴هیمان څوارلس زامن درلودل چې نومونه یې دا وو: بقیا، متنیا، عزییل، شبوییل، یریموت، حننیا، حناني، الیاته، جدلتي، روممتي عزر، یشبقاشه، ملوتي، هوتیر او محزیوت.

⁵خدای د خپلې وعدې سره سم د پاچا نبي هیمان ته څوارلس زامن او درې لوڼې ورکړې، د دې دپاره چې هغه ته ویاړ وروبخښي.

⁶د هغه ټولو زامنو د خپل پلار تر لارښودنې لاندې د څښتن په کور کې د عبادت دپاره تالونه، چنګونه او رڅپرکیونه غږول. اساف، یدوتون او هیمان د پاچا د حکم لاندې کار کاوه.

⁷دا پورته څلورویشت نوموړي کسان د هغوی د خپلوانو په شان روزل شوي وو او دې ټولو په هغې موسیقۍ کې مهارت درلود چې د څښتن دپاره وه. د هغوی شمېر ۲۸۸ تنو ته رسېده.

⁸ځوانانو او زړو، ښوونکو او زده کوونکو یو شان خپلې وظیفې د پچې له مخې وټاکلې.

⁹دا ۲۸۸ ساز غږوونکي او سندرغاړي د کورنیو له مخې په څلورویشت ډلو او دولس کسیزو ډلو باندې ووېشل شول او هرې ډلې یو مشر درلود چې د هماغې ډلې مسوول ؤ. څنګه چې د هغوی پچې وختلې، نو د هغوی وظیفې په دې ډول څرګندې شوې: لومړنۍ پچه د اساف د کورنۍ څخه د یوسف په نامه، دوهمه د جدلیا او د هغه د دولسو زامنو او ورونو په نامه،

¹⁰درېمه پچه د زکور او د هغه د دولسو زامنو او ورونو په نامه،

¹¹څلورمه پچه د یزري او د هغه د دولسو زامنو او ورونو په نامه،

¹²پنځمه پچه د نتنیا او د هغه د دولسو زامنو او ورونو په نامه،

¹³شپږمه پچه د بقیا او د هغه د دولسو زامنو او ورونو په نامه،

¹⁴اوومه پچه د یشرییله او د هغه د دولسو زامنو او ورونو په نامه،

¹⁵اتمه پچه د اشعیا او د هغه د دولسو زامنو او ورونو په نامه،

¹⁶نهمه پچه د متنیا او د هغه د دولسو زامنو او ورونو په نامه،

¹⁷لسمه پچه د شمعي او د هغه د دولسو زامنو او ورونو په نامه،

¹⁸یوولسمه پچه د عزییل او د هغه د دولسو زامنو او ورونو په نامه،

¹⁹دولسمه پچه د حشبیا او د هغه د دولسو زامنو او ورونو په نامه،

²⁰دیارلسمه پچه د شوباییل او د هغه د دولسو زامنو او ورونو په نامه،

²¹څوارلسمه پچه د متتیا او د هغه د دولسو زامنو او ورونو په نامه،

²²پنځلسمه پچه د یریموت او د هغه د دولسو زامنو او ورونو په نامه،

²³شپاړسمه پچه د حننیا او د هغه د دولسو زامنو او ورونو په نامه،

²⁴اوولسمه پچه د یشبقاشه او د هغه د دولسو زامنو او ورونو په نامه،

²⁵اتلسمه پچه د حناني او د ��غه د دولسو زامنو او ورونو په نامه،

²⁶نولسمه پچه د ملوتي او د هغه د دولسو زامنو او ورونو په نامه،

²⁷شلمه پچه د الیاته او د هغه د دولسو زامنو او ورونو په نامه،

²⁸یوویشتمه پچه د هوتیر او د هغه د دولسو زامنو او ورونو په نامه،

²⁹دوه ویشتمه پچه د جدلتي او د هغه د دولسو زامنو او ورونو په نامه،

³⁰درویشتمه پچه د محزیوت او د هغه د دولسو زامنو او ورونو په نامه

³¹او څلورویشتمه پچه د روممتي عزر او د هغه د دولسو زامنو او ورونو په نامه.