تاريخ اول 7

¹یساکار څلور زامن درلودل: تولاع، فوه، یاشوب او شمرون.

²تولاع شپږ زامن درلودل: عزي، رفایا، یریییل، یحمای، یبسام او سموییل. هغوی د تولاع د طایفې د کورنیو مشران او زړور عسکر وو. د داود پاچا په وخت کې د هغوی د اولادې شمېر ۲۲۶۰۰ تنه وو.

³عزي د یزرحیا پلار او د میکاییل، عوبدیا، یوییل او د یشیه نیکه ؤ او دا د کورنیو مشران هم وو.

⁴هغوی دومره ډېرې ښځې او اولادونه درلودل چې د خپلې اولادې د شمېر سره سم هغوی کولای شول چې ۳۶۰۰۰ کسان د عسکرۍ دپاره تیار کړي.

⁵د یساکار د قبیلې د ټولو کورنیو په نسب نامې کې ۸۷۰۰۰ تنه جنګیالي ثبت شوي وو.

⁶بنیامین درې زامن درلودل: بالع، باکر او یدییئیل.

⁷بالع پنځه زامن درلودل: اصبون، عزي، عزییل، یریموت او عیري. هغوی ټول قوي عسکر او د خپل پلار په طایفه کې د کورنیو مشران وو. د بالع د طایفې په نسب نامې کې ۲۲۰۳۴ تنه جنګیالي ثبت شوي وو.

⁸باکر نهه زامن درلودل: زمیره، یوآش، الیعازر، الیوعینای، عمري، یریموت، ابیا، عناتوت او علمت.

⁹د هغوی په نسب نامه کې د ۲۰۲۰۰ تنو قوي عسکرو او د قبیلو د مشرانو نومونه ثبت شوي وو.

¹⁰یدیعییل د بلهان پلار او د یعوش، بنیامین، ایهود، کنعنه، زیتان، ترشیش او د اخیشاحر نیکه ؤ.

¹¹هغوی په خپله طایفه کې د کورنیو مشران وو او په دې طایفه کې ۱۷۲۰۰ تنه قوي عسکر د جګړې دپاره تیار وو.

¹²عیر دوه زامن درلودل چې شفیم او حفیم نومېدل او احیر د حوشیم په نامه یو زوی درلود.

¹³بلهه د نفتالي مور وه. نفتالي څلور زامن درلودل: یحصیییل، جوني، یصر او شلوم.

¹⁴منسي دوه زامن درلودل: اسریییل او ماخیر، چې د هغه سوریایۍ وینځې زېږولي وو. ماخیر د جلعاد پلار ؤ.

¹⁵ماخیر یوه ښځه حفیم ته او یوه یې هم شفیم ته وکړه. ماخیر یوه خور درلودله چې معکه نومېدله.د ماخیر دوهم زوی صلفخاد ؤ او هغه یوازې لورګانې درلودلې.

¹⁶د ماخیر ښځې معکې فارش او شارش وزېږول. فارش دوه زامن درلودل: اولام او راقم.

¹⁷اولام د بدان پلار ؤ. دا ټول د جلعاد په اولاده کې شامل وو. جلعاد د ماخیر زوی او د منسي لمسی ؤ.

¹⁸د جلعاد خور، همولکه درې زامن درلودل: ایشهود، ابیعزر او محله.

¹⁹شمیداع څلور زامن درلودل: اخیان، شکیم، لقحي او انیعام.

²⁰افرایم د شوتالح پلار، د بارد نیکه او د تحت غور نیکه ؤ. د هغه د کورنۍ نوره شجره په لاندې ډول وه: العادا، تحت،

²¹زاباد، او شوتالح. افرایم دوه نور زامن هم درلودل، ایصر او العاد. خو هغوی په هغه وخت کې ووژل شول کله چې هغوی د جت سیمې له اوسېدونکو څخه د څارویو د غلا کولو هڅه وکړه.

²²افرایم په خپلو زامنو ډېره موده ویر وکړ او د هغه خپلوان به راتلل او هغه ته به یې ډاډګېرنه ورکوله.

²³هغه بیا د خپلې ښځې سره یو ځای شو او هغه امیدواره شوه او یو زوی یې وزېږاوه. افرایم په هغه باندې د بریعه نوم کېښود، ځکه چې هغه د مصیبت په وخت کې وزېږېده.

²⁴شیره د افرایم لور وه. هغې د ښکتني او پورتني بیت حورون او د ازین شیره ښارګوټي ودان کړل.

²⁵افرایم یو بل زوی هم درلود چې رافح نومېده او د هغه د اولادې ترتیب په لاندې ډول ؤ: راشف یې زوی، تالح یې لمسی، تاحن یې کړوسی ؤ

²⁶او نوره اولاده یې لعدان، عمیهود، الیشمع،

²⁷نون او یوشع وو.

²⁸د افرایم اولادې په جنوب کې تر بیت ییل پورې، په ختیځ کې تر نعران پورې او په لوېدیځ کې تر جازر پورې سیمې او ښارګوټي ونیول. د هغوی په خاوره کې د دغو ښارګوټو د شاوخوا کلي او هم شکیم، ایه او د هغو شاوخوا کلي شامل وو.

²⁹د منسي د قبیلې د سرحد په اوږدو کې بیت شان، تعنک، مجدو، دور او د هغو د شاوخوا کلي شامل وو.د یعقوب د زوی یوسف اولاده په دغو ښارګوټو او کلیو کې اوسېدله.

³⁰اشیر څلور زامن درلودل چې یمنه، یشوه، یشوی او بریعه نومېدل او یوه لور یې درلودله چې سارح نومېدله.

³¹بریعه دوه زامن درلودل: حابر او ملکیییل. ملکیییل د برزاوت پلار ؤ.

³²حابر درې زامن درلودل چې یفلیط، شومیر او حوتام نومېدل او یوه لور یې درلودله چې شوعا نومېدله.

³³یفلیط درې زامن درلودل: فاسک، بمهال او عشوت. ۳۴شومیر څلور زامن درلودل: اخي، رهجه، یحبه او آرام.

³⁵د یفلیط ورور هیلام څلور زامن درلودل: صوفح، یمناع، شالش او عامال.

³⁶د صوفح زامن دا وو: سوح، حرنفر، شوعال، بیري، یمره،

³⁷باصر، هود، شما، شلشه، یتران او بیرا.

³⁸یتر درې زامن درلودل: یفنه، فسفا او ارا.

³⁹علا درې زامن درلودل: آرح، حنیییل او رصیا.

⁴⁰دا د اشیر اولاده وه او هغوی ټول د کورنیو ډېر عزتمن مشران او زړور خلک وو چې د عسکرۍ دپاره تیار وو. د اشیر په قبیله کې ټول چې په نسب نامه کې ثبت شوي وو، ۲۶۰۰۰ تنه وو.