تاريخ اول 6

¹لاوي درې زامن درلودل: جرشون، قهات او مراري.

²قهات څلور زامن درلودل: عمرام، یزهار، حبرون او عزییل.

³عمرام دوه زامن (هارون او موسی) او یوه لور مریم درلودله. هارون څلور زامن درلودل: ناداب، ابیهو، العازار او ایتامار.

⁴د العازار په اولاده کې دا خلک شامل وو: فینحاس یې زوی، ابیشوع یې لمسی

⁵او نوره اولاده یې: بقي، عزي،

⁶زرحیا، مرایوت،

⁷امریا، اخیطوب،

⁸صادوق، اخیمعص،

⁹عزریا، یوحانان،

¹⁰عزریا (هغه کاهن چې د خدای په کور کې یې چې سلیمان پاچا په اورشلیم کې ودان کړی ؤ، خدمت کاوه)،

¹¹امریا، اخیطوب،

¹²صادوق، شلوم،

¹³حلقیا، عزریا،

¹⁴سرایا او یهوصاداق.

¹⁵یهوصاداق هغه وخت جلاوطنه شو کله چې څښتن د یهودا او اورشلیم خلک د نبوکدنصر په لاس اسیران کړل.

¹⁶لکه مخکې چې مې یادونه وکړه، لاوي درې زامن درلودل چې نومونه یې جرشون، قهات او مراري وو.

¹⁷د جرشون د زامنو نومونه دا وو: لبني او شمعي.

¹⁸قهات د عمرام، یزهار، حبرون او د عزییل پلار ؤ.

¹⁹مراري د محلي او د مشوي پلار ؤ.د لاوي دغه اولاده د خپلو طایفو مشران شول:

²⁰‏-

²¹د جرشون په اولاده کې دا شجره شامله وه چې د هغه له زویه شروع کېدله: لبني یې زوی، یحت یې لمسی، زمه یې کړوسی. نوره اولاده یې یوآخ، عیدو، زارح او یاترای وه.

²²‏-

²⁴د قهات په اولاده کې دا شجره شامله وه چې د هغه له زویه شروع شوه: عمیناداب یې زوی، قورح یې لمسی، اسیر یې کړوسی او نوره اولاده یې: القانه، ابیاساف، اسیر، تحت، اوري ییل، عزیا او شاوول.

²⁵القانه دوه زامن درلودل: عماسای او اخیموت.

²⁶‏-

²⁷د اخیموت په اولاده کې د زامنو دا شجره شامله وه: القانه یې زوی، صوفای یې لمسی، نحت یې کړوسی. نوره اولاده یې الیاب، یروحام او القانه وه.

²⁸سموییل دوه زامن درلودل: مشر یې یوییل نومېد او کشر یې ابیا ؤ.

²⁹‏-

³⁰د مراري په اولاده کې د زامنو دا شجره شامله وه: محلي یې زوی، لبني یې لمسی، شمعي یې کړوسی. نوره اولاده یې عزه، شمعي، هجیا او عسایا وه.

³¹وروسته له دې چې د لوظ صندوق د څښتن کور ته یووړل شو، داود پاچا د لاوي د قبیلې څخه ساز غږوونکي او سندرغاړي غوره کړل چې د عبادت په ځای کې د موسیقۍ مسوولیت په غاړه واخلي.

³²مخکې له دې چې سلیمان پاچا د خدای کور په اورشلیم کې ودان کړي، هغوی په دغه دوران کې په سپېڅلې خېمې کې له اصولو سره سم په خپل وار سندرې ویلې.

³³د هغو خلکو د کورنیو شجرې چې دا وظیفه یې تر سره کوله په لاندې ډول دي:د قهاتیانو له طایفې څخه: د یوییل زوی هیمان چې د سندرغاړو د لومړنۍ ډلې مشر ؤ. دا د هغه د کورنۍ شجره وه: هیمان چې یوییل یې پلار، سموییل یې نیکه،

³⁴القانه یې غور نیکه او نور نیکونه یې یروحام، الیییل، توح،

³⁵صوف، القانه، محت، عماسای،

³⁶القانه، یوییل، عزریا، سفنیا،

³⁷تحت، اسیر، ابیاساف، قورح،

³⁸یزهار، قهات، لاوي او یعقوب وو.

³⁹اساف د سندرغاړو د دوهمې ډلې مشر ؤ. هغه د هیمان خپلوان او د هغه ښي لاس ته به ودرېده. د اساف د کورنۍ شجره چې تر لاوي پورې رسېدله په لاندې ډول ده: اساف چې برکیا یې پلار، شمعي یې نیکه،

⁴⁰میکاییل یې غور نیکه او نور نیکونه یې بعسیا، ملکیا،

⁴¹اتني، زارح، عدایا،

⁴²ایتان، زمه، شمعي،

⁴³یحت، جرشون او لاوي وو.

⁴⁴ایتان چې د مراري له طایفې څخه ؤ، د سندرغاړو د درېمې ډلې مشر ؤ. هغه هم د هیمان خپلوان ؤ او چپ لاس ته به یې ودرېده. د هغه د کورنۍ شجره چې تر لاوي پورې رسېدله په لاندې ډول ده: ایتان چې قیشي یې پلار، عبدي یې نیکه، ملوک یې غور نیکه

⁴⁵او نور نیکونه یې حشبیا، امصیا، حلقیا،

⁴⁶امصي، باني، سامر،

⁴⁷محلي، موشي، مراري او لاوي وو.

⁴⁸پاتې لاویان د نورو دندو دپاره په سپېڅلې خېمې کې وګمارل شول.

⁴⁹هارون او د هغه اولاده هغه څوک وو چې د خوشبویۍ نذرانې او هغه قربانۍ یې وړاندې کولې چې د قربانۍ په ځای باندې سوځول کېدلې. هغوی په ډېر سپېڅلي ځای کې د ټول خدمت او د هغو قربانیو مسوولیت په غاړه درلود چې خدای ورباندې د اسراییلو ګناهونه بخښل. هغوی دا ټول کارونه د خدای د خدمتګار موسی د حکمونو سره سم کول.

⁵⁰د هارون د اولادې نومونه دا دي: العازار یې زوی، فینحاس یې لمسی، ابیشوع یې کړوسی او نوره اولاده یې په ترتیب سره:

⁵¹بقي، عزي، زرحیا،

⁵²مرایوت، امریا، اخیطوب،

⁵³صادوق او اخیمعص ده.

⁵⁴د هارون اولاده د قهات د لاویانو له طایفې څخه وه او لومړنۍ ډله وه چې د پچې په اچولو سره غوره شوه، ترڅو د اوسېدو دپاره ورته ښارګوټي ورکړل شي.

⁵⁵هغوی ته د یهودا په سیمه کې د حبرون ښار او شاوخوا څړځایونه ورکړل شول.

⁵⁶خو د حبرون د شاوخوا پټي او کلي د یفنه زوی کالیب ته ورکړل شول.

⁵⁷‏-

⁵⁹نو د هارون اولادې ته دا لاندې ښارونه او د هغو د شاوخوا څړځایونه هم ورکړل شول: حبرون (د پناه اخیستلو ښار)، لبنه، یتیر، اشتموع، حیلین، دبیر، عاشان او بیت شمس.

⁶⁰د بنیامین له قبیلې څخه هغوی ته د جبع، علمت او عناتوت ښارګوټي د هغو له شاوخوا څړځایونو سره ورکړل شول. د هارون اولادې ته دیارلس ښارګوټي ورکړل شول.

⁶¹د لوېدیځې منسي په سیمه کې لس ښارګوټي د قهاتیانو پاتې کورنیو ته د پچې په اچولو سره ورکړل شول.

⁶²د جرشون طایفې ته کورنۍ په کورنۍ د یساکار، اشیر او د نفتالي په سیمو کې او په باشان کې د ختیځې منسي په سیمه کې دیارلس ښارګوټي ورکړل شول.

⁶³هماغه شان، د مراري طایفې ته د روبین، جاد او د زبولون په سیمو کې دولس ښارګوټي د پچې په اچولو سره ورکړل شول.

⁶⁴نو په دې ډول، د اسراییلو قوم لاویانو ته د اوسېدلو دپاره ښارګوټي او د هغو په شاوخوا کې څړځایونه هم ورکړل.

⁶⁵(همدارنګه د یهودا، شمعون او د بنیامین ښارګوټي چې پورته یې یادونه شوې ده، د پچې په اچولو سره ورکړل شول.)

⁶⁶د قهات د طایفې ځینې کورنیو ته د افرایم د سیمې څخه ښارګوټي او د هغو شاوخوا څړځایونه ورکړل شول:

⁶⁷شکیم (چې د افرایم په غرنۍ سیمه کې د پناه اخیستلو ښار ؤ)، جازر،

⁶⁸یقمعام، بیت حورون،

⁶⁹ایالون او جت رمون.

⁷⁰د قهات پاتې کورنیو ته د لوېدیځې منسي په سیمه کې د عانیر او بلعام ښارګوټي د هغو له شاوخوا څړځایونو سره ورکړل شول.

⁷¹جرشونیانو ته په لاندې ډول ښارګوټي د هغو د څړځایونو سره ورکړل شول: د ختیځې منسي په سیمه کې: جولان چې په باشان کې دی او عشتاروت.

⁷²د یساکار په سیمه کې: د جرشونیانو طایفې ته د یساکار له قبیلې څخه څلور ښارګوټي ورکړل شول چې هغه دا دي: قادش، دابره،

⁷³راموت او عانیم چې د هغو شاوخوا څړځایونه هم په کې شامل وو.

⁷⁴د اشیر په سیمه کې: جرشونیانو ته د اشیر له قبیلې څخه څلور ښارګوټي ورکړل شول: مشال، عبدون،

⁷⁵حقوق او رحوب چې د هغو شاوخوا څړځایونه هم په کې شامل وو.

⁷⁶د نفتالي په سیمه کې: په پای کې جرشونیانو ته د نفتالي له قبیلې څخه درې ښارګوټي ورکړل شول چې هغه دا وو: قادش په جلیل کې، حمون او قریتایم چې د هغو شاوخوا څړځایونه هم په کې شامل وو.

⁷⁷پاتې مراریانو ته په لاندې ډول ښارګوټي د هغو له شاوخوا څړځایونو سره ورکړل شول: د زبولون په سیمه کې: د رمونو او د تابور ښارګوټي.

⁷⁸د روبین په سیمه کې، اریحا ته مخامخ د اردن سیند په ختیځ کې: په دښته کې باصر، یهصه،

⁷⁹قدیموت او میفاعت.

⁸⁰د جاد په سیمه کې: په جلعاد کې راموت او محانیم،

⁸¹حشبون او یعزیر.