اول پادشاهان 9

¹اکله چې سلیمان د څښتن د کور او د شاهي ماڼۍ جوړونه پای ته ورسوله او هغه څه چې هغه د جوړولو پلان درلود ترسره یې کړل،

²څښتن د دوهم ځل دپاره هغه ته ورښکاره شو، لکه څنګه چې په جبعون کې ورته ښکاره شوی ؤ.

³څښتن هغه ته وویل:

⁴که چېرې ته د خپل پلار داود په شان، په صداقت او پاکۍ سره زما خدمت وکړې او که ته زما د قوانینو څخه اطاعت وکړې او هر هغه څه چې ما درته د هغه حکم کړی دی سرته ورسوې،

⁵زه به هغه وعده پوره کړم چې ستا د پلار داود سره مې کړې وه او ویلي مې وو چې د هغه اولاده به تل تر تله په اسراییلو باندې پادشاهي وکړي.

⁶مګر که چېرې تاسو یا ستاسو اولاده زما څخه پیروي کول پرېږدئ او د هغو قوانینو او حکمونو څخه سرغړونه وکړئ چې تاسو ته مې درکړي دي او د نورو خدایانو خدمت او عبادت وکړئ،

⁷نو زه به خپل قوم اسراییل د هغه هېواد څخه وباسم چې هغوی ته مې ورکړی دی. همدارنګه به دا کور چې ما سپېڅلی کړی ؤ چې زما عبادت به په کې کیږي، پرېږدم. په هر ځای کې به خلک په اسراییلو باندې ملنډې ووهي او د هغوی سره به سپکه رویه وکړي.

⁸دا د خدای کور به په یوې کنډوالې باندې بدل شي او هرڅوک چې د هغې په خوا کې تېریږي هغه به هک پک او حیران شي. هغوی به پوښتنه کوي: څښتن ولې دې هېواد او دې کور سره داسې عمل کړی دی؟

⁹خلک به په ځواب کې وایي: دا ځکه چې هغوی خپل څښتن خدای چې د هغوی نیکونه یې د مصر څخه راویستلي وو پرې ایښی دی. هغوی نور خدایان غوره کړي دي او د هغوی خدمت او عبادت کوي. په دې خاطر څښتن په هغوی باندې دا ناوړین راوستی دی.>

¹⁰د شلو کالو په آخر کې چې سلیمان په کې د څښتن کور او شاهي ماڼۍ جوړه کړه،

¹¹هغه د صور پادشاه حیرام ته د جلیل شل ښارګوټي ورکړل، ځکه چې حیرام هغه ته د صبر او ناجو هغه ټول لرګي او همدارنګه ټول سره زر چې هغه ورڅخه غوښتي وو، تیار کړي وو.

¹²مګر کله چې حیرام د صور څخه د هغو ښارګوټو د لیدلو دپاره ورغی چې سلیمان ورته ورکړي وو، هغه یې خوښ نه شول.

¹³هغه پوښتنه وکړه: له همدې کبله نوموړي ښارګوټي تر ننه پورې د بې ارزښته ښارګوټو په نوم یادیږي.

¹⁴حیرام سلیمان ته د څلورو ټنو څخه زیات سره زر لېږلي وو.

¹⁵سلیمان پادشاه د څښتن د کور او د خپلې ماڼۍ د جوړولو، د اورشلیم د ختیځې خوا د ځمکې د ډکولو او د ښار د دېوال د جوړولو دپاره، همدارنګه د حاصور، مجدو او جازر د ښارونو په بیا ودانولو کې د بېګارۍ څخه کار واخیست.

¹⁶(د مصر پادشاه فرعون په جازر باندې حمله کړې وه، هغه یې نیولی ؤ او هغه ته یې اور اچولی ؤ. په هغه کې اوسېدونکي کنعانیان یې وژلي وو او هغه یې بیا د واده د سوغات په توګه خپلې لور، یعنې د سلیمان ښځې ته ورکړی ؤ.

¹⁷نو سلیمان جازر بیا ودان کړ.) همدارنګه هغه ښکتنی بیت حورون بېرته جوړ کړ،

¹⁸بعلت او تامار چې د یهودا په صحرا کې وو هغه یې هم بیا ودان کړل.

¹⁹سلیمان هغه ښارونه چې هغه زېرمې په کې ساتلې او هغه ښارونه چې د خپلو اسونو او جنګي ګاډیو دپاره وو، جوړ کړل. همدارنګه هغه هرڅه چې غوښتل په اورشلیم، لبنان او په هغې ټولې سیمې کې چې هغه ورباندې پادشاهي کوله، جوړ کړل.

²⁰‏-

²¹سلیمان د بېګارۍ دپاره د کنعان د خلکو د اولادې څخه مزدوران ونیول، کوم چې د اسراییلو قوم ونه شو کولی چې د هغوی د هېواد د نیولو په وخت کې هغوی له منځه یوسي. په دې کې اموریان، حیتیان، فرزیان، حویان او یبوسیان شامل وو، چې د هغوی اولاده تر اوسه پورې غلامان دي.

²²مګر سلیمان د اسراییلیانو څخه یو هم بېګارۍ ته ونه نیوه، بلکه هغوی د هغه عسکر، درباریان، عسکري منصبداران، قوماندانان او د هغه د جنګي ګاډیو قوماندانان او ګاډي وانان وو.

²³همدارنګه هغوی د سلیمان د ودانۍ د جوړولو د پروژو آمران وو. پنځه سوه او پنځوسو نفرو به د هغو خلکو څارنه کوله چې کار به یې کاوه.

²⁴د سلیمان ښځې چې د فرعون لور وه، د داود د ښار څخه خپلې نوې ماڼۍ ته چې سلیمان د هغې دپاره جوړه کړې وه، کډه وکړه. وروسته بیا سلیمان هغه ځمکه راډکه کړه چې د اورشلیم ختیځ خواته پرته وه.

²⁵سلیمان به په کال کې درې ځله د قربانۍ په هغه ځای کې چې د څښتن دپاره یې جوړ کړی ؤ، سوزېدونکې نذرانې او د سلامتۍ نذرانې وړاندې کولې او ورسره به یې د څښتن په حضور کې خوشبویي سوزوله.په دې توګه سلیمان د خدای د کور کار پای ته ورساوه.

²⁶همدارنګه سلیمان پادشاه په عصیون جابر کې چې د ادوم په سیمه کې ایلت ته نژدې د سرې بحیرې په غاړه ؤ، کشتۍ ګانې جوړې کړې.

²⁷حیرام خپل خلک یعنې هغه کشتۍ چلوونکي چې د دریاب سره بلد وو واستول چې په کشتۍ ګانو کې د سلیمان د نفرو سره کار وکړي.

²⁸هغوی په کشتیو کې اوفیر ته سفر وکړ او د څوارلسو ټنو څخه زیات سره زر یې راوړل او هغه یې سلیمان ته وسپارل.