متلونه 1

¹دا د اسراییلو د پاچا او د داود د زوی سلیمان متلونه دي.

²د دې متلونو مقصد دا دیچې خلک په حکمت او نصیحت پوره پوه شياو د عقلمندۍ خبرې زده کړي

³ترڅو نصیحت ومني چې هوښیار شياو خپل ژوند په انصاف، عدالت او برابرۍ تېر کړي

⁴چې ساده خلکو ته پوهه ورکوياو ځوانانو ته علم او لیاقت وربخښي

⁵نو هوښیاران دې واوري او خپل تعلیم دې زیات کړياو عقلمندان دې له نورو ښې مشورې واخلي

⁶د دې دپاره چې د متلونو او نصیحتونو په اهمیت پوه شياو د حکمت د خاوندانو خبرې او رازونه هم وپېژني.

⁷له څښتن څخه وېره د علم او پوهې شروع دهخو جاهلان حکمت او نصیحت ته په سپکه سترګه ګوري.

⁸ای زما زویه! د خپل پلار نصیحت ته غوږ ونیسهاو د خپلې مور روزنه له پامه مه غورځوه

⁹ځکه دا ستا دپاره د افتخار شمله دهاو ستا د غاړې دپاره ښکلی هار دی.

¹⁰نو ای زما زویه! که ګناهکاران تا هڅوينو د هغوی خبرې هېڅکله مه منه.

¹¹که هغوی تاته ووایي: «زمونږ سره راځهچې د چا د وینو د تویولو دپاره کمین ونیسواو په یو بې ګناه انسان ناحقه یرغل وکړو.

¹²راځه چې هغوی د قبر په څېر ژوندي تېر کړولکه هغه خلک چې روغ رمټ د مرګ کندې ته ښکته کیږي.

¹³مونږ به هر ډول قیمتي مال دولت تر لاسه کړواو خپل کورونه به د لوټ شوې شتمنۍ نه ډک کړو.

¹⁴راځه، مونږ سره مل شهاو لوټ شوی مال به په خپل منځ کې ووېشو.»

¹⁵نو ای زما زویه! د هغوی سره په لار مه ځهاو د هغوی په پل قدم مه ږده

¹⁶ځکه د هغوی پښې د بدۍ او زیان په لور منډې وهياو د وینو تویولو طرف ته په بیړه روان دي.

¹⁷نو د یو وزر لرونکي په مخکېجال غوړول بې ګټې کار دی.

¹⁸داسې خلک چې نورو ته په کمین کې ناست وينو خپله وینه تویوياو هغوی چې په نورو یرغل کوينو خپل ځانونه په دام کې نښلوي.

¹⁹نو بیا ټول ټګان چې د داسې لارو ناروا ګټه تر لاسه کوينو په داسې ګټې سره خپل ژوند له لاسه ورکوي.

²⁰حکمت په لارو کوڅو کې چیغې وهياو په چوکونو کې په لوړ اواز نارې وهي.

²¹د ګڼې ګوني په ځایونو کې خپل غږ پورته کوياو د ښار د دروازو دننه خپله وینا کوي:

²²«ای ساده خلکو، ترڅو به تاسو له ناپوهۍ سره مینه لرئ؟ترڅو به ملنډې وهونکي له ملنډو نه خوند اخلياو کم عقل خلک به له علم نه کرکه کوي؟

²³ماته مخ راواړوئ او زما سختې خبرې واورئنو زه به د خپل زړه دروازه تاسو ته بېرته کړماو خپل کلام به تاسو ته ښکاره کړم.

²⁴ما تاسو ته غږ وکړخو غوږونه مو بند کړي وو.کله چې مې لاس در وغزولونو سترګې مو ورباندې پټې کړې.

²⁵زما ټولې لارښوونې مو له پام نه وغورځولېاو زما سختې خبرې مو ونه منلې.

²⁶کله چې په تاسو لوی مصیبت راشيزه به په تاسو پورې وخاندماو کله چې په تاسو لویه بلا راشيتاسو پورې به ملنډې ووهم

²⁷کله چې په تاسو لویه بلا د توفان په شان راشيکله چې لوی مصیبت لکه د سختې سیلۍ په څېر په تاسې نازل شياو کله چې سختي او تکلیف په تاسو راشي.

²⁸نو بیا به هغوی ماته چیغې وهي خو زه به ځواب نه ورکوماو په سختۍ به ما لټوي خو پیدا به مې نه کړي

²⁹ځکه چې هغوی له علم نه کرکه وکړهاو له څښتن څخه یې وېره غوره نه کړه.

³⁰هغوی زما لارښوونه ونه منلهاو زما ټولو سختو خبرو ته یې په سپکه وکتل

³¹نو بیا به د خپلې کړنې مېوه وخورياو د خپلو دسیسو په ترخه مېوه به ماړه شي.

³²نو د ساده خلکو سرکښي به د دوی د مرګ سبب شياو د کم عقلانو بې پروایي به دوی تباه کړي

³³خو هرڅوک چې زما واوري هغه به په امن کې ژوند کوياو له زیان څخه به وېره ونه لري.»