زبور 118

¹د څښتن شکر کوئ، ځکه چې نېک دی هغهده ابدي د هغه مینه

²پرېږده چې قوم د اسراییل ووایي:«ده ابدي د هغه مینه»

³پرېږده چې ووایي د هارون اولاده چې کاهنان دي:«ده ابدي د هغه مینه»

⁴هغه ټول خلک چې وېریږي له څښتنهپرېږده چې ووایي:«ده ابدي د هغه مینه»

⁵ما په سخته کې فریاد وکړ څښتن تهسوال یې قبول کړ زما او زه یې کړمه ازاد

⁶ما سره مل دی څښتن، نه به وېرېږمه زهڅه کولای شي انسان ما سره؟

⁷ما سره مل دی څښتن او مرستندوی دی زمااو ماتې د خپلو دښمنانو به زه ووینمه

⁸دغه بهتره ده چې یوسمه پناه څښتن تهد دې په ځای چې توکل وکړم انسان باندې

⁹دغه بهتره ده چې یوسمه پناه څښتن تهد دې په ځای چې توکل وکړمه په شاهزادګانو باندې

¹⁰رانه چاپېر وو ټول قومونهخو د څښتن په زور مې دوی کړل تباه

¹¹وو راچاپېر هغوی د هرې خوا نه په ماخو د څښتن په زور مې دوی کړل تباه

¹²رانه چاپېر وو هغوی لکه مچیو په شانخو هغوی خاموش شول لکه د اغزیو د اور په شاند څښتن په زور مې دوی کړل تباه

¹³سخته حمله راباندې وشوهاو نژدې ؤ چې زه ماتې وخورمخو څښتن وکړلو کومک راسره

¹⁴زه څښتن کړمه قوياو دفاع یې زما وکړهاو زه یې ژغورلی یمه

¹⁵د خدای د قوم د خېمو نه واورئد کامیابۍ په خاطر د خوشحالۍ چیغېچې د څښتن په قوي لاس دا هرڅه شوي دي

¹⁶مونږ بریالي شو د څښتن په قوي لاس باندېپه جګړه کې د هغه په زورور قوت

¹⁷زه به مړ نه شم بلکې ژوندی به یمهزه به بیان کړم کوم کارونه چې څښتن کړي دي

¹⁸هغه راکړې راته سخته سزاخو زه یې پرېنښودم چې مړ شمه

¹⁹ماته کړئ خلاصې دروازې د معبدچې زه ورشم د څښتن شکر ادا کړم په کې

²⁰دا هغه دروازه ده چې کولای شئ څښتن ته ورشئیوازې نېک خلک کولای شي داخل شي په کې

²¹شکر کومه زه د ستا څښتنهځکه چې سوال دې قبول کړی زماځکه چې ماته دی نجات راکړی

²²کومه تیږه چې رد کړې ګلکارانو وههغه اوس شوه اصلي تیږه د تهداب

²³دا کار وشو د څښتن له خوا نهاو عجیبه ښکاري زمونږ نظر کې

²⁴دا هغه ورځ ده چې څښتن په کې کړی دی عجیبه کارراځئ چې وکړو خوشحالياو په کې خوشحاله اوسو

²⁵مونږه وژغوره څښتنه، مونږه وژغورهای څښتنه بری راکړه مونږ ته

²⁶مبارک دی هغه څوکچې د څښتن په نوم راځيتاسو ته غواړو برکت مونږ د څښتن له کوره

²⁷څښتن دی خدای چې یې وځلوله خپله رڼا په مونږد قربانۍ حیوان راولئ او د قربانګاه په کنجونو باندې یېوتړئ رسیو باندې

²⁸ته زما خدای یې او ستا شکر کومته مې خدای یې، زه به ستا لویي بیان کړم

²⁹د څښتن شکر کوئ، ځکه چې نېک دی هغهده ابدي د هغه مینه