زبور 119

¹بختور دي هغه خلک چې ژوندون یې دی بې عیبهچې تېروي خپل ژوند د څښتن د شریعت له مخې

²بختور دي هغه خلک چې په حکمونو یې عمل کويچې څوک رجوع کوي هغه ته د زړه له کومي څخه

³هېڅکله نه کوي بدي هغویهغوی روان وي د څښتن په لاره

⁴خپل قوانین دې دي راکړي مونږ ته ای څښ��نهچې اطاعت یې وکړو په وفادارۍ سره

⁵کاشکې چې زه وفادار واوسمچې په قوانینو دې عمل وکړمه

⁶که زه عمل وکړمه ستا ټولو حکمونو باندېنو بیا به د شرم سره مخ نه شمه

⁷څنګه چې زده کړمه رښتیني قوانین د ستانو په پاک زړه به دې ثنا وایمه

⁸زه به ستا د قوانینو اطاعت کومههېڅکله پرېنږدې ما

⁹څنګه کولای شي یو ځوان چې خپل ژوند پاک وساتي؟چې وکړي ژوند ستا د کلام له مخې

¹⁰د زړه له کومي زه کوښښ کومهچې تاته وکړم رجوعمه مې پرېږده چې سرکښي وکړمهستا له حکمونو څخه

¹¹ما دی ساتلی ستا کلام خپل زړه کېترڅو ستا په مقابل کې زه ګناه ونه کړم

¹²زه ستا ثنا وایمه ای څښتنهماته رازده کړه ته دې خپل قوانین

¹³بیانومه زه په لوړ اوازټول قوانین چې دې راکړي مونږ ته

¹⁴زه یم خوشحاله ستا حکمونو باندېلکه چې څنګه وي خوشحاله څوکپه مال دولت باندې

¹⁵ستا د اصولو په باره کې زه کومه فکرکومه غور ستا په لارښوونو باندې

¹⁶په قوانینو دې خوشحاله یمهنه هېروم به زه د ستا کلام

¹⁷خپل خدمتګار سره دې ښه وکړه تهترڅو ژوندی پاتې شم او ستا په کلام باندې عمل وکړمه

¹⁸سترګې مې پرانیزه ته ترڅو زه وګورمهستا په شریعت کې عجیبه حقایق

¹⁹زه دلته یمه بېګانه په دې دنیا کېزما نه مه پټوه خپل حکمونه

²⁰زړه مې دردیږي له ارمانه سرهغواړمه پوه شم همېشه ستا قوانینو باندې

²¹ته کبرجن او لعنتیان رټېاو هغه خلک چې سرکښيستا له حکمونو کوي

²²زما نه لېرې بې ننګي او سپکاوی کړه تهځکه چې زه کوم عمل ستا په حکمونو باندې

²³سره له دې چې حاکمان دي راغونډ شوياو په ضد مې دسیسه جوړويخو ستا خدمتګار به کوي فکرستا په قوانینو باندې

²⁴ستا په حکمونو خوشحالېږمه زههغه زما دپاره دي راهنما

²⁵زه یمه مرګ ته نژدې شویما راژوندی کړه لکه څنګه چې دې کړې وعده

²⁶څه چې ما کړي د هغو مې درته وکړ اقراراو تا ځواب راکړماته رازده کړه ته دې خپل قوانین

²⁷راسره مرسته وکړه چې ستا په اصولو پوه شمنو زه به فکر کوم ستا په عجیبه کارونو

²⁸زما ځان ستومانه شوی دی له ډېره غمهپه خپل کلام دې ماته راکړه قوت

²⁹غلطو لارو نه مې وساته تهما سره ښه وکړه او راته رازده کړهته دې خپل شریعت

³⁰د وفا لاره خوښه کړې ده ماما خپل پام دی اړولی قوانینو ته ستا

³¹ستا په حکمونو باندې ټینګ ولاړ یم ای څښتنهای څښتنه، مه مې پرېږده چې وشرمېږمه زه

³²زه به په شوق سره کومه اطاعتستا له حکمونو څخهځکه چې ته به راکړې زیاته پوهه

³³ماته راوښایه څښتنه، ته معنی د قوانینو خپلوزه تر اخره به هغو باندې عمل کومه

³⁴ماته پوهه راکړه په خپل شریعت باندېزه به یې کوم اطاعتزه به عمل کوم هغه باندې د زړه له کومي

³⁵ما روان کړه ته د خپلو حکمونو په لارځکه زه مومم خپله خوشحالي هغو کې

³⁶ما سره شوق کړه راپیدا چې اطاعت وکړمهستا د حکمونو څخهنه چې دولت وګټم

³⁷نظر مې واړوه ته خوشې شیانو څخهماته ژوند راکړه په خپلو لارو دې

³⁸پوره کړه خپله وعده خپل خدمتګار سرههغه وعده چې تا ده کړې هغو خلکو سرهچې کوي وېره له تا

³⁹ته مې له هغې رسوایۍ وساتهچې ترې وېرېږمه زهځکه چې ستا قضاوتونه ښه دي

⁴⁰څومره ارمان لرمه چې اطاعت وکړمهستا له اصولو څخهنوی ژوند راکړه ماته، ځکه چې ته یې عادل

⁴¹ماته دې راکړه خپله تلپاتې مینه ای څښتنهاو راکړه خلاصون لکه چې څنګه دې وعده کړې ده

⁴²نو بیا به زه ورکړم ځواب هغوی تهچې سپکاوی مې کويځکه چې زه کوم باور ستا په کلام باندې

⁴³ماته توان راکړه چې وکړم همېشه د حقیقت خبرېځکه چې ستا په قوانینو زه باور لرمه

⁴⁴زه همېشه به اطاعت ستا د شریعت کومهتر ابده او ابده پورې

⁴⁵زه به کامله ازادۍ کې خپل ژوندون تېرومځکه کوښښ مې کړی چې عمل وکړمهستا په اصولو باندې

⁴⁶زه به اعلان کړم ستا حکمونه پاچاهانو تهاو زه به نه شرمېږم

⁴⁷ستا په حکمونو زه خوشحاله یمهځکه چې خوښ دي زما

⁴⁸ستا حکمونه مې خوښیږي او عزت یې کومستا قوانینو باندې غور کوم

⁴⁹در په یاده کړه هغه وعدهچې دې کړې وه د خپل خادم سرهځکه چې ماته یې امید راکړی

⁵⁰حتی په سخته کې مې وشي تسليځکه وعده دې ماته ژوند راکوي

⁵¹کبرجن خلک په ما ډېرې ملنډې وهيخو ستا له شریعته زه مخ نه اړوم

⁵²راته په یاد دي له پخوا نه قوانین د ستازما کیږي تسلي په هغو ای څښتنه

⁵³زه ډېر په قهر یم په بدکاره خلکوځکه چې دوی ستا شریعت ماتوي

⁵⁴په هرځای کې چې اوسېږمه زهزه جوړوم سندرې ستا د قوانینو په هکله

⁵⁵زه یادومه د شپې ستا نوم څښتنهاو ستا په شریعت باندې عمل کومه

⁵⁶دا ؤ عادت زما چې عمل وکړمه زهستا په اصولو باندې

⁵⁷ته زما هرڅه یې ای څښتنهدا مې وعده ده چې عمل به کومستا په کلام باندې

⁵⁸د زړه له کومي تاته سوال کومهچې په ما رحم وکړېلکه چې څنګه دې وعده کړې ده

⁵⁹د خپل کړو وړو په هکله فکر کوماو دا مې وعده ده چې پیروي به کومستا له حکمونو څخه

⁶⁰زه به په بیړه او بې له ځنډهعمل کوم ستا په حکمونو باندې

⁶¹بدکاره خلکو راته ایښی دی دامخو هېر به نه کړمه د ستا شریعت

⁶²په نیمه شپه کې راپاڅېږمه زهچې ستا ثنا ووایمځکه چې ته قضاوتونه په انصاف کوې

⁶³زه ملګری د هغو یم چې وېریږي له تاد هغو ټولو خلکو چې دې عمل په اصولو کوي

⁶⁴دنیا ده ډکه ستا له تلپاتې مینې ای څښتنهماته رازده کړه ته دې خپل قوانین

⁶⁵خپله وعده باندې ولاړ یې ای څښتنهخپل خدمتګار سره دې ښه کوې ته

⁶⁶ماته ښه حکمت او پوهه راکړهځکه چې زه کوم باور ستا په حکمونو باندې

⁶⁷مخکې له دې چې مصیبت ووینمبې لارې شوی وم زهخو اوس ستا په کلام باندې عمل کوم زه

⁶⁸ته نېک یې او نېک کارونه کوېماته رازده کړه ته دې خپل قوانین

⁶⁹مغروره خلک وایي دروغ زما په هکلهخو د زړه له کومي اطاعت ستا د اصولو کوم

⁷⁰دغه دروغجن خلک شعور نه لريخو ستا په شریعت باندې خوشحاله یمه

⁷¹ښه وه زما دپاره چې په تکلیف شومځکه سبب شو د دې چې ستا قوانین زده کړم

⁷²هغه شریعت چې تا راکړیډېر قیمتي دی ماتهله ډېرو سرو او سپینو زرو

⁷³تا زه جوړ کړی یم په خپلو لاسواو پیدا کړی دې یمته راته راکړه پوهه ترڅو زه زده کړمه حکمونه د ستا

⁷⁴څوک چې وېریږي له تا شي به خوشحاله په لیدلو زماځکه چې زه ستا په کلام باندې باور لرمه

⁷⁶لکه چې څنګه دې وعده کړې دهخپل خدمتګار سرهماته دې راکړي تسلي ستا تلپاتې مینه

⁷⁷په ما رحم وکړه چې زه ژوندی اوسمستا په شریعت کې خوشحالي ده زما

⁷⁸ودې شرمیږي مغرور خلکچې په دروغو په ما تور لګويخو زه به غور کوم ستا په اصولو باندې

⁷⁹څوک چې کړي وېره له تا بېرته دې راشي ماتههغه خلک چې پوهیږي ستا حکمونو باندې

⁸⁰پرېږده چې وکړم اطاعت په پوره توګهستا له قوانینو څخهبیا به زه هېڅکله خجل نه شم

⁸¹ستومانه شوی یمه ای څښتنه له انتظارهچې خلاصون راکړې تهستا په کلام باندې باور لرمه

⁸²ستا د وعدې په انتظار مې سترګې ستړې شولېاو پوښتنه کوم: «کله به ماته تسلي راکوې؟»

⁸³زه یم وچ شوی د هغه مشک په شانچې وي وهلی لوګيخو ما هېر کړي نه دي ستا قوانین

⁸⁴ستا خدمتګار به انتظار وباسي تر کومه پورې؟ته به کله هغو خلکو ته سزا ورکوېچې ما ځوروي؟

⁸⁵هغه مغرور خلک چې نافرماني کويستا له شریعته څخهکندې وباسي ماتهچې مې په لومه کې راګېر کاندي

⁸⁶ستا ټول حکمونه د باور وړ ديما سره مرسته وکړهځکه چې خلک مې ځوروي ناحقه

⁸⁷دې ته نژدې وم چې مې کړي ورکد ځمکې له مخهخو ما پرېنښودل ستا اصول

⁸⁸د خپلې مینې په خاطر دې ما ژوندی وساتهترڅو زه وکړمه عمل ستا په حکمونو باندې

⁸⁹ابدي دی ستا کلام څښتنهدی په اسمان کې قایم

⁹⁰وفاداري ستا دوام مومي ټولو نسلونو پورېتا راپیدا کړه ځمکه او وي به ټینګه تل دپاره

⁹¹ستا په حکم ټول شیان ديتر نن ورځې پورې پاتېځکه چې ټول ستا په خدمت کې دي

⁹²که خوشحالي مې ستا شریعت کې نه واینو له دردونو نه مړ شوی به وای

⁹³زه به هېڅکله ستا اصول هېر نه کړمځکه ژوندی دې یم ساتلی په هغو باندې

⁹⁴زه د ستا یم ومې ژغورهځکه کوښښ مې کړیچې عمل ستا په اصولو وکړم

⁹⁵بدکاره خلک انتظار وباسي چې ومې وژنيخو زه به ستا په حکمونو باندې غور کوم

⁹⁶په دې پوهېږم چې هر شی لري حدخو ستا حکمونه هېڅ کوم حد نه لري

⁹⁷زه څومره مینه کوم ستا د شریعت سرهزه ټوله ورځ کومه فکر د هغه په هکله

⁹⁸هوښیاروي مې ستا حکمونهله دښمنه مې زیاتځکه چې ما سره همېش وي هغه

⁹⁹زه له خپلو ټولو استاذانو زیات پوهېږمځکه چې غور کوم ستا په حکمونو باندې

¹⁰⁰زه له مشرانو څخه زیات پوهېږمځکه چې کړمه عمل ستا په اصولو باندې

¹⁰¹د بدو لارو مې ساتلي قدمونه خپلځکه زه غواړم عمل وکړم ستا په کلام باندې

¹⁰²ستا قوانین مې له نظره غورځولي نه ديځکه چې تا راته زده کړي هغه

¹⁰³دا ستا کلام دی څومره خوږ ماتهحتی د شاتو نه هم زیات خوږ دی

¹⁰⁴حاصلومه زه حکمت ستا له اصولو څخهنو زه نفرت کومه له ټولو بدو لارو

¹⁰⁵دا ستا کلام دی څراغ زما د پښو دپارهاو ده رڼا زما د لارو

¹⁰⁶ما خوړلی دی قسم او ورباندې ټینګ ولاړ یمچې عمل وکړمه زه ستا په عادلانه قوانینو

¹⁰⁷زما دردونه او سختۍ دي ای څښتنهپه رښتیا ډېر زیاتلکه چې څنګه دې وعده کړې دهما ژوندی وساته

¹⁰⁸د شکرګزارۍ دعا قبوله کړه زما څښتنهماته رازده کړه ته دې خپل قوانین

¹⁰⁹زه اچوم خپل ژوند خطر کې همېشخو نه هېروم به زه شریعت د ستا

¹¹⁰بدکاره خلکو راته دام ایښی دیخو سرکښي مې کړې نه ده ستا له قوانینو څخه

¹¹¹ستا حکمونه دي زما دپاره ابدي شتمنيخوشحالیږي زما زړه ورباندې

¹¹²ما فیصله کړې ده چې به د مرګ تر ورځېستا د قوانینو اطاعت کومه

¹¹³زه له دوه مخي سړي کرکه کومخو ستا د شریعت سره زه مینه کوم

¹¹⁴ته پناه ځای یې زما او زما سپر یېستا په کلام باندې باور لرمه

¹¹⁵ای ګناهکارو خلکو، له ما نه لېرې شئترڅو د خپل خدای په حکمونو زه عمل وکړمه

¹¹⁶لکه چې څنګه دې وعده کړې دهماته قوت راکړه ترڅو ژوندی پاتې شمپه مایوسۍ کې مې د شرم سره مخ نه کړې

¹¹⁷ملاتړ مې وکړه او زه به اوسم خوندينو زه به همېش ستا په قوانینو باندې غور کوم

¹¹⁸ته رد کوې هغه خلکچې اطاعت نه کوي ستا له قوانینو څخهدي باطلې د هغوی هغه نقشې چې غولوونکې دي

¹¹⁹ټول بدعمله د دنیا ته غورځوېلکه خزلو په شاننو ځکه زه خوښوم ستا حکمونه

¹²⁰ستا له وېرې مې بدن رپیږيله قضاوتونو دې وېرېږمه زه

¹²¹ما باانصافه او ښه کارونه کړيخپل دښمنانو ته مې مه پرېږده ته

¹²²وکړه وعده راسره چېخپل خادم سره به مرسته کوېمغروره خلک مه پرېږده چې په ما ظلم وکړي

¹²³ستا د نجات په انتظار مې سترګې ستړې شولېد کوم خلاصون دپاره چې دې وعده کړې ده

¹²⁴د خپلې مینې مطابق راسره وکړه رفتارماته رازده کړه ته دې خپل قوانین

¹²⁵زه ستا خادم یم ماته پوهه راکړهترڅو زه پوه شم ستا په حکمونو باندې

¹²⁶ای څښتنه، د دې وخت راغلیچې ته عمل وکړېځکه چې خلکو سرکښي کړې دهستا له شریعته څخه

¹²⁷نو ځکه د سرو زرو نه هم زیاتزما خوښیږي ستا حکمونههم زیات له ډېرې ښې طلا نه

¹²⁸نو زه ستا ټول اصول سم ګڼمهنفرت کوم له غولوونکو لارو

¹²⁹ډېر عجیبه دي حکمونه ستانو ځکه زه ورباندې کومه عمل

¹³⁰بیانول ستا د کلامروښانوي د انسانانو ذهناو ورکوي پوهه ساده ګانو ته

¹³¹ستا د حکمونو دومره تږی یمهخوله مې خلاصه ده نیولې او ارمانجن یمه زه

¹³²ماته وګوره او رحم په ما وکړهلکه چې څنګه یې کوې په هغو خلکو باندېچې کوي مینه ستا له نوم سره

¹³³زما قدمونه کړه ټینګ ستا د کلام په لارهمه مې پرېږده چې غالبه شي ګناه په ما

¹³⁴چې په ما ظلم کويد هغو خلکو نه مې خلاص کړه تهترڅو زه وکړای شم عمل ستا اصولو باندې

¹³⁵په ورین تندي وګوره خپل خدمتګار تهماته رازده کړه ته دې خپل قوانین

¹³⁶اوښکې بهیږي زما له سترګو څخه لکه ویالو په شانځکه چې خلک ستا په شریعت باندې عمل نه کوي

¹³⁷ته عادل یې ای څښتنهاو ستا قضاوتونه دي ولاړ په عدل

¹³⁸هغه شریعت چې ټاکلی دی تاعادلانه دی او بېخي صحیح دی

¹³⁹زما غیرت زما بدن سوځويځکه چې زما دښمنانو ستا کلام هېر کړی

¹⁴⁰یقیني ده څومره ستا وعدهزه ستا خدمتګار ورسره مینه کوم

¹⁴¹زه هېڅ شی نه یم او سپکاوی مې کیږيخو نه هېرومه اصولونه د ستا

¹⁴²ستا عدالت دی ابدياو ستا شریعت دی همېشه رښتینی

¹⁴³په ما راغلې پرېشاني او تکلیفخو زه خوشحاله یمه ستا له حکمونو څخه

¹⁴⁴د ستا حکمونه عادلانه دي همېشته پوهه راکړه چې ژوندی پاتې شم

¹⁴⁵د زړه له کومي درته کومه فریادځواب راکړه ای څښتنهاو زه به وکړمه عمل ستا په قوانینو باندې

¹⁴⁶تاته فریاد کومه وژغوره مااو زه به کومه عمل په حکمونو د ستا

¹⁴⁷زه راپاڅېږم لمرخاته نه مخکېاو ستا د کومک دپاره کړمه فریادستا په کلام کې زما هیلې نغښتې

¹⁴⁸ټوله شپه ویښ پروت یمهچې ستا د وعدو په هکله غور وکړم

¹⁴⁹د خپلې مینې په خاطر زما دعا واورهای څښتنه، د خپل انصاف له مخې وساته ژوند زما

¹⁵⁰رانژدې شوي هغه خلک راتهچې دي روان په شرارت پسېیعنې هغوی چې دي لېرې ستا شریعت نه

¹⁵¹خو ته نژدې یې راته ای څښتنهاو ټول حکمونه دي رښتیني د ستا

¹⁵²د ډېر پخوا نه مې زده کړي ديستا د حکمونو څخهچې قایم کړي تا ابدي دي هغه

¹⁵³زما دردونه او سختۍ وګورهماته خلاصون راکړهځکه شریعت دې ما هېر کړی نه دی

¹⁵⁴زما د حق نه دفاع وکړه او ازاد مې کړهماته نجات راکړه لکه چې څنګه دې وعده کړې ده

¹⁵⁵بدکاره خلک به خلاصون نه موميځکه چې ستا د قوانینو اطاعت نه کوي

¹⁵⁶ای څښتنه، ستا رحمت ډېر لوی دید خپل انصاف له مخې وژغوره ژوند زما

¹⁵⁷ډېر دښمنان دي زما چې ځوروي هغوی ماخو ګرځېدلی نه یم ستا له حکمونو څخه

¹⁵⁸کله چې ګورمه زه دغو خاینانو تهنو د هغو نه مې نفرت راشيځکه چې نه کوي عمل ستا په کلام باندې

¹⁵⁹ګوره څښتنه، څومره مینه کومستا له اصولو سرهمینه دې هېڅکله بدلیږي نهنو زما ژوند وژغوره

¹⁶⁰دی رښتینی ستا ټول کلامعادلانه او ابدي ديټول قضاوتونه ستا

¹⁶¹ما بې سببه ځوروي دا د قدرت خاوندانخو زه احترام ستا د کلام کومه

¹⁶²ستا په وعدو داسې خوشحاله یمهلکه څوک چې خزانه پیدا کړي

¹⁶³زه د درواغو څخه کرکه کوم او بد وړمهخو ستا د شریعت سره زه مینه کوم

¹⁶⁴هره ورځ اووه ځلې ثنا دې وایمځکه چې دي عادلانه قضاوتونه د ستا

¹⁶⁵هغوی چې مینه کوي ستا له شریعته سرهدي برخمن له پوره امن څخههېڅ داسې شی نشته چې دوی راوغورځوي

¹⁶⁶ستا د خلاصون په انتظار یمه زه ای څښتنهکړمه عمل ستا په حکمونو باندې

¹⁶⁷زه اطاعت ستا د حکمونو کومځکه چې زه ورسره لرمه ډېره مینه

¹⁶⁸ستا په اصولو او حکمونو زه عمل کومهځکه چې زما ټولو کارونو نه خبر یې ته

¹⁶⁹زما د مرستې فریادونهدې ای څښتنه تاته درورسیږيخپلې وعدې سره دې سم ماته پوهه راکړه

¹⁷⁰زما زاري دې تاته درورسیږيخپلې وعدې سره دې سم ماته نجات راکړه

¹⁷¹زما په ژبه به وي ستا ثنا او صفتځکه چې ماته زده کوې خپل قوانین

¹⁷²زه به سندره وایم ستا د کلام په هکلهځکه چې دي عادلانه ټول حکمونه ستا

¹⁷³ماته لاس د مرستې راکړهځکه چې ما دا غوره کړېچې پیروي کومه ستا له اصولو څخه

¹⁷⁴زه په ارمان ستا د نجات یمه ای څښتنهستا په شریعت کې خوشحالي ده زما

¹⁷⁵ژوندی مې پرېږده چې ثنا دې وایمستا قوانین دې زما مرسته وکړي

¹⁷⁶لکه ورک شوی پسه زه سرګردانه یمهراشه او ولټوه خپل خدمتګارځکه چې ما هېر کړي نه دي حکمونه ستا