زبور 44

¹زمونږ نیکونو ته تا کړي لوی کارونه ديدا ډېر پخوا په زمانه کې د هغو، خدایهچې په دې هکله اورېدلي دي مونږپه دې هکله کې یې ویلي مونږ ته

²وشړل تا نور قومونه په خپل لاس باندېد دوی خاوره کې دې خپل قوم مېشته کړنورو قومونو ته دې څرنګه سزا ورکړلهتا په خپل قوم نېکمرغي راوستله

³دا خاوره س��ا قوم په خپلو تورو فتح نه کړههغه یې په خپل قوت ونه ګټلهد ستا په زور او په قوت یې هغه وګټلهځکه په دې باندې ډاډه وو هغویچې ته وې مل ورسرهاو هم ته وې ډېر د هغوی نه راضي

⁴ای خدایه! ته زما پاچا یېته ورکوې بری د یعقوب قوم ته

⁵ورکوو ماتې دښمنانو ته مونږ ستا په مرستهخپل دښمنان پایمالوو مونږه د ستا په قدرت

⁶خپلې لیندې باندې تکیه نه کومنه مې په توره چې به خلاص کاندي ما

⁷خو تا له خپلو دښمنانو مونږه خلاص کړلوچا چې له مونږه کړله کرکه دوی دې وشرمول

⁸مونږه به تل مدام ویل چې کوو فخر په تاتر ابده به کوو مونږ ستا شکرونه

⁹خو اوس دې پرېښودو رسوا دې کړلوزمونږ لښکرو سره نور ته نه ځې

¹⁰تا مجبور کړلو چې تېښته له دښمنه وکړوڅه چې زمونږه سره وولوټ کړل هغو چې زمونږه څخه کرکه کوي

¹¹تا پرېښودلو چې حلال شو د پسونو په شانپردو قومونو کې دې مونږ خواره واره کړلو

¹²په کمه بیه دې خپل قوم خرڅ کړاو دې خرڅلاو درته فایده ونه کړه

¹³ګاونډي ملکونه ګوري تا زمونږ سره څه وکړلدوی په مونږ وهي ملنډې او خندا راپورې کاندي

¹⁴په قومونو کې دې مونږه مسخره کړوله تحقیره خوځوي راته سرونه

¹⁵مدام رسوا یمه زهپه شرمو پټ یمه زه

¹⁶اورو مونږ د دښمنانو پېغورونهدښمنان او غچ اخیستونکي وینو

¹⁷دا هرڅه وشول په مونږخو ته مو هېر نه کړلېتا چې زمونږ سره کوم لوظ کړی ؤمونږه مات کړی نه دی

¹⁸بې وفا نه یو تاتهد ستا له لارې ګرځېدلي نه یو

¹⁹خو تا مونږ پرېښودو بې وسهد وحشي ځناورانو منځ کېتورو تیارو کې دې مونږ پرېښودلو

²⁰که مونږ خپل خدای ته وای بس کړی عبادت کولاو پردي خدای ته مو دعا کړې وای

²¹ته په رښتیا به پوهېدلی وای پرېځکه خبر یې په رازونو د زړه

²²مونږه له مرګه سره مخ یو هر وخت ستا له وجېمونږه ګڼي هغو پسونو په شان وي چې حلالې دپاره

²³شه رابېداره ای څښتنه! ته ویده ولې یې؟ته رابېدار شه! تر ابده مونږه مه ردوه

²⁴ولې پټوې مخ دې زمونږ ځینې؟ولې هېروې تکلیفونه او مصیبتونه زمونږ؟

²⁵مونږ ټوک ټوک شوي رالوېدلي یو په ځمکه باندېمونږ مغلوب شوي یو پراته خاورو کې

²⁶پورته شه، زمونږ کومک ته راشه ته!مونږ ته نجات راکړه په وجه د تلپاتې مینې