زبور 69

¹وژغوره ما وژغوره ای خدایهاوبه نژدې دي چې نفس مې وباسي

²ژورو خټو کې ډوبېږمه زهداسې ځای نشته چې زه ودرېږمهژورو اوبو کې ننوتی یمهدې ته نژدې یم چې کړي ډوب مې څپې

³ستومانه شوی یمه زه چې نارې ووهم کومک دپارهزما ستونی دی وچ شویستا په انتظار مې سترګې ستړې شوې

⁴چې بې سببه رانه کرکه کويهغوی دي زیات زما د سر له ویښتودښمنان زما په هکله درواغ وایيدوی دي قوي او غواړي ما ووژنيمجبوروي مې دوی ته ورکړمه زههغه شیان چې ما پټ کړي نه دي

⁵ای خدایه ته ما پېژنې چې زه څومره کم عقل یمهګناهونه زما نه دي پټ له تا نه

⁶ای څښتنه ای مطلق قادره خدایهشرمنده نه دې شي زما په سببڅوک چې په تا باندې توکل کويای د اسراییلو خدایهرسوا دې نه شي هغوی زما په خاطرڅوک چې تاته کړي رجوع

⁷ستا په خاطر مې سپکاوی وزغامهاو په شرمونو پټ شوم

⁸خپلو خپلوانو ته پردی ښکارمخپل خاندان ته بېګانه ښکارم

⁹هغه غیرت چې زه یې لرم ستا د کور په خاطرزما بدن باندې یې اور بل کړیکومو خلکو چې وکړ ستا سپکاويهغوی زما سپکاوی هم وکړلو

¹⁰کله چې زه شوم په ژړاځان مې خاکسار کړ په روژه نیولونو خلکو زه سپک کړمه

¹¹کله چې ما د ویر جامې واغوستېهغوی په ما پورې خندا وکړله

¹²بازار کې ما پسې خبرې کوياو شرابیان زما په هکله جوړوي سندرې

¹³خو زه به تاته کړم دعا څښتنهخدایه قبوله مې دعا کړهچې کله خوښه وي ستاپه خاطر د خپلې زیاتې او تلپاتې مینېکړه زما دعا قبولهځکه په وعده د نجات باندې وفا کوې

¹⁴ما پرېنږدې چې شم ډوب خټو کېخوندي مې وساته له هغو چې نفرت کړي له ماژورو اوبو څخه ما وساته ته

¹⁵پرېنږدې چې سېلاب راباندی راشيپرې مې نه ږدې چې شم ډوب اوبو کېیا مې کړي تېر قبر ژوندی ځان ته

¹⁶ای څښتنه ته قبوله مې دعا کړهځکه تلپاتې مینه ستا غوره دهد خپلې زیاتې همدردۍ نه دې خپل مخ ماته راواړوه!

¹⁷د خپل بنده نه دې مخ مه پټوهد ډېر تکلیف سره زه مخ یمه قبوله مې دعا کړه زر

¹⁸ماته ته راشه او نجات راکړهخلاص مې کړه خپلو دښمنانو ځینې

¹⁹ته ښه پوهېږې زما څومره سپکاوی شوی دیڅومره رسوا او بې حرمته شومهټول دښمنان زما ته وینې خپله

²⁰په سپکاوي دی زما زړګی مات شویاو مایوس شوی یمهما امید د خواخوږۍ لرلوخو هلته هېڅوک نه ؤوم منتظر چې تسلي راکړي څوکخو څوک مې نه کړ پیدا

²¹چې کله وږی وم دوی زهر راکړلکله چې تږی وم سرکه یې راکړه

²²دسترخوانونه د دوی خپل دې دوی ته دام وګرځيودې ګرځي د دوی مذهبي مېلې تیلک دوی ته

²³هغوی ړانده کړه چې څه ونه وینيکړه ملاګانې یې کمزورې د تل دپاره

²⁴ته خپل قهر په هغوی باندې نازل کړهاو د خپل غضب په اور یې وسوځوه

²⁵وران او ویجاړ دې شي د دوی د اوسېدو ځایونهد دوی خېمو کې دې هېڅوک نه اوسي

²⁶ځکه هغه دوی ځوروي چې تا ورکړې سزاد هغو خلکو د کړاو په هکله کړي خبرېچې ژوبل کړي دي تا

²⁷د دوی د ټولو ګناهونه ثبت کړهاو هغوی ونه بخښې

²⁸د دوی نومونه دې شي ورک د ژوندانه له کتابحساب دې نه شي په نېکانو کې دوی

²⁹خو زه مظلوم یم او په غم کې ګېر یمای خدایه ما کړه پورته نجات راکړه

³⁰په سندرې به د خدای د نوم صفت کومهپه شکرونو به یې لویي اعلانومه

³¹دا به خوشحاله کړي څښتنډېر د هغې نه چې ورته وړاندې شي څارویډېر د هغې نه چې د پوره غاښوخوسکی شي قرباني ورته

³²کله چې ویني مظلومان دغه کارنو خوشحالیږي به دویکوم خلک چې کړي خدای ته رجوعشي به یې زړونه ژوندي

³³ځکه څښتن د محتاجانو قبلوي دعاخپل خلک به هېر نه کړي زندان کې هغه

³⁴ثنا او صفت وکړئ د خدای ای اسمانونو او ځمکېاو هم بحرونو او هغې کې ګرځېدونکو ځناورو

³⁵ځکه خدای به وژغوري صهیونبېرته آباد به کړي د یهودا ښارونهد هغه قوم به هلته اوسي او دوی به خپله کړي هغه ځمکه

³⁶اولاده به د هغوی یې وارثان شياوسي به هلته څوک چې مینه کړي د هغه سره