زبور 71

¹ما پناه راوړې تاته ای څښتنه!مه پرېږده مې ته هېڅکله خجالت ته

²ته عادل یې، کومک وکړه نجات راکړهدعا مې واوره او ما وژغوره ته

³اوسه زما ته پناه ځای خونديچېرته چې تل زه راځمتا زما نجات دپاره امر کړیځکه کلا او پناه ځای یې زما

⁴ای زما خدایه، ما کړه خلاص د بدعملو د لاسونو ځینېکړه ما راخلاص د بدکارانو ظالمانو د ولکې ځینې ته

⁵څښتن تعالی، زما امید دی تاتهلرم په تا باندې توکل زه د ځوانۍ له وخته

⁶د زېږېدلو نه مې مخکې ما په تا باندې تکیه کړې دهله هغه وخته دې ساتلی یم چې وم د مور په ګېډه کې زهزه ستا صفت به دوامداره کوم

⁷ډېرو خلکو ته عبرت شو زما ژوندخو ته یې زما قوي پناه ځای

⁸زه ټوله ورځ د ستا ثنا وایمهاعلانوم ستا جلال

⁹اوس چې زوړ شوی یمهله خپله ځانه مې ته لېرې نه کړېخوشې مې نه کړې چې کمزوری یمه

¹⁰ځکه چې زما دښمنان زما په ضد خبرې کويچې راپسې دي جوړوي زما د مرګ دسیسې

¹¹هغوی وایي چې خدای پریښی هغهنو راځئ ورشو ورپسې راویې نیسوهېڅوک هم نشته چې کړي خلاص یې مونږ نه

¹²مه لېرې کېږه ما نه خدایهزما کومک ته زر راشه ای زما خدایه

¹³ودې شرمیږي او نابود دې شيڅوک چې په ما پورې کوي تورونهڅوک چې غواړي چې ضرر راته راورسويشي شرمنده دې او رسوا دې شي

¹⁴د امید سترګې مې تل ستا په لور ديثنا او صفت به ستا لا زیات کومه

¹⁵بیانوي به زما ژبه د ستا نېک کارونهستا د نجات باره کې ټوله ورځ به کړي خبرېکه څه هم دی زما د پوهې څخه لوړ دغه کار

¹⁶زه به ځمه په قدرت د څښتن تعالیزه به اعلان ستا د عدالت کوم، یوازې ستا

¹⁷د ماشومتوب نه دې تعلیم راکړیزه لا تر اوسه بیانوم ستا عجیبه کارونه

¹⁸اوس چې زه زوړ شوم او ویښتان مې سپین شوللاس رانه وانخلې ای خدایهترڅو خبر کړمه دا نسل او نور ټول نسلونهستا د قوت او ستا د زوره څخه

¹⁹ای خدایه، ستا عدالت رسي تر اسمانه پورېتا کړي لوی کارونهنشته څوک ستا په مثل

²⁰تا تکلیفونه کړاوونه په ما راوستلخو ته به بېرته راته راکړې قوتما به راوباسې د ځمکې د تل

²¹ما به سرلوړی کړې له مخکې نه همماته به بېرته تسلي راکړې

²²زه به د چنګ په وهلو ستا صفت کړمهځکه چې ته یې وفادار زما خدایهای د اسراییلو سپېڅلی خدایهزه به په رڅپرکی به تاته وایمه سندره

²³زه درته وبه وهم د خوشحالۍ چیغېزه به سندرې درته وایمه د زړه له کوميځکه چې تا راته نجات راکړی

²⁴ستا د عدالت په هکله ټوله ورځ به زما ژبه کړي خبرېځکه هغو چې کړ کوښښ چې ماته راکړي ضررشول شرمنده او رسوا